മഴ: മൂന്നു ജില്ലകളിൽ റെഡ് അലർട്ട്; മുഖ്യമന്ത്രി ഉന്നതതല യോഗം വിളിച്ചു
text_fieldsതിരുവനന്തപുരം: സംസ്ഥാനത്ത് വിവിധ ജില്ലകളിൽ കനത്ത മഴ തുടരുന്ന സാഹചര്യത്തിൽ മുഖ്യമന്ത്രി പിണറായി വിജയൻ ഉന്നതതല യോഗം വിളിച്ചു. വൈകുന്നേരം 3.30നാണ് യോഗം. ജില്ലാ കലക്ടർമാർ യോഗത്തിൽ പങ്കെടുക്കും.
ഓരോ ജില്ലകളിലെയും സാഹചര്യം യോഗത്തിൽ വിലയിരുത്തും. കൂടുതൽ ദുരിതാശ്വാസ ക്യാമ്പുകൾ തുടങ്ങേണ്ട കാര്യം അടക്കം പരിശോധിക്കും.
അതേസമയം, മഴ തുടരുന്ന സാഹചര്യത്തിൽ മൂന്ന് ജില്ലകളിൽ റെഡ് അലർട്ട് പ്രഖ്യാപിച്ചു. എറണാകുളം, തൃശൂർ, ഇടുക്കി ജില്ലകളിലാണ് റെഡ് അലർട്ട്. ആറു ജില്ലകളിൽ ഓറഞ്ച് അലർട്ട് തുടരുകയാണ്.
വടക്കൻ തമിഴ്നാടിന് മുകളിലും തെക്കുകിഴക്കൻ അറബിക്കടലിലും ചക്രവാതച്ചുഴി നിലനിൽക്കുന്ന സാഹചര്യത്തിൽ ചൊവ്വാഴ്ച വരെ സംസ്ഥാനത്ത് മഴ തുടരുമെന്നാണ് കാലാവസ്ഥാ നിരീക്ഷണ വകുപ്പിന്റെ മുന്നറിയിപ്പ്. 40 കിലോമീറ്റർ വേഗത്തിൽ കാറ്റിനും സാധ്യതയുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.