എെ.എസ്​ കേസ്​: ബിഹാറി യുവതിയുടെ തടവുശിക്ഷ മൂന്ന്​ വർഷമാക്കി ​ൈഹകോടതി

​കൊച്ചി: ഇസ്‌ലാമിക്​ സ്‌റ്റേറ്റില്‍ (​െഎ.എസ്​) ചേർക്കാൻ ആളുകളെ അഫ്​ഗാനിലേക്ക്​ കടത്തിയെന്ന കേസില്‍ പ്രതിയായ ബിഹാര്‍ സ്വദേശിനിയുടെ തടവുശിക്ഷ ഹൈകോടതി മൂന്നു വർഷമാക്കി ചുരുക്കി. ബിഹാർ സ്വദേശി യാസ്മിന്‍ മുഹമ്മദിന്​ എൻ.​െഎ.എ കോടതി വിധിച്ച ഏഴുവര്‍ഷം കഠിനതടവും 25,000 രൂപ പിഴയുമാണ്​ ഇളവ്​ ചെയ്​തത്​.

ഒന്നാംപ്രതി അബ്​ദുൽ റാഷിദുൾപ്പെടെയുള്ളവരുമായി ഗൂഢാലോചന നടത്തി ഇന്ത്യയുമായി സൗഹൃദത്തിലുള്ള രാജ്യവുമായി യുദ്ധം ചെയ്യാന്‍ ശ്രമിച്ചെന്ന ഇന്ത്യന്‍ ശിക്ഷ നിയമത്തിലെ 125ാം വകുപ്പ് ഇവർക്കെതിരെ ചുമത്തിയത്​ ഹൈകോടതി ഒഴിവാക്കി. നിരോധിത സംഘടനക്കുവേണ്ടി പ്രചാരണം നടത്തിയെങ്കിലും യുദ്ധം നടത്തിയെന്ന ആരോപണം തെളിയിക്കാനായിട്ടില്ല.

നിരോധിത സംഘടനയുടെ ആശയത്തില്‍ വിശ്വസിക്കുന്നതും യുദ്ധം ചെയ്യുന്നതും യുദ്ധം ചെയ്യാന്‍ ശ്രമിക്കുന്നതും വ്യത്യസ്ത കാര്യങ്ങളാണ്. നിരോധിത സംഘടനയുടെ ആശയം പ്രചരിപ്പിച്ചതും പ്രവര്‍ത്തനത്തിന്​ അഫ്ഗാനിസ്താനിലേക്ക്​ പോകാന്‍ ശ്രമിച്ചതും കുറ്റകരമാണ്. നിരോധിത സംഘടനയുടെ പണം സംഘടന പ്രവര്‍ത്തനങ്ങള്‍ക്ക്​ ഉപയോഗിച്ചതിനും തെളിവുണ്ട്​.

ക്രിമിനല്‍ ഗൂഢാലോചനക്ക്​ ഒരു വര്‍ഷവും യു.എ.പി.എ 38ാം വകുപ്പുപ്രകാരം മൂന്നുവര്‍ഷവും തടവ്​ നൽകാനുള്ള കുറ്റം മാത്രമേ ഇവർക്കെതിരെ ചുമത്താനാവൂവെന്ന്​ വ്യക്​തമാക്കിയ കോടതി, തുടർന്ന്​ ശിക്ഷ ഒന്നിച്ച്​ അനുഭവിക്കാനും ഉത്തരവിടുകയായിരുന്നു.

അഫ്ഗാനിസ്താനിലേക്ക് പോകാനുള്ള ശ്രമത്തിനിടെ 2016 ഒക്ടോബര്‍ ഒന്നിനാണ് ഡല്‍ഹി വിമാനത്താവളത്തില്‍ യാസ്മിൻ അറസ്​റ്റിലായത്​. കാസര്‍കോട് ചന്തേര പൊലീസ് രജിസ്​റ്റര്‍ ചെയ്ത കേസ് 2016 ഏപ്രില്‍ 24നാണ് എൻ.​െഎ.എ ഏറ്റെടുത്തത്.