കലക്​ടറേറ്റിന്‍റെ മൂക്കിനുതാഴെ നിലം നികത്തൽ; വിജിലൻസ്​ അന്വേഷണം തുടങ്ങി

പ​ത്ത​നം​തി​ട്ട: പ​ത്ത​നം​തി​ട്ട ന​ഗ​ര​സ​ഭ​യി​ലെ നെ​ല്‍വ​യ​ല്‍ നി​ക​ത്ത​ല്‍ അ​ടൂ​ര്‍ റ​വ​ന്യൂ ഡി​വി​ഷ​ന​ൽ ഓ​ഫി​സ് കേ​ന്ദ്രീ​ക​രി​ച്ചെ​ന്ന് വി​ജി​ല​ന്‍സ്. നി​യ​മം ലം​ഘി​ച്ച്​ പ​ട്ടാ​പ്പ​ക​ൽ ക​ല​ക്​​​ട​റേ​റ്റി​നു​സ​മീ​പം റി​ങ്​ റോ​ഡി​ൽ നെ​ൽ​വ​യ​ൽ നി​ക​ത്തി​യ സം​ഭ​വ​ത്തി​ല്‍ വി​ജി​ല​ൻ​സ്​ അ​ന്വേ​ഷ​ണം ആ​രം​ഭി​ച്ചു. ഡേ​റ്റാ ബാ​ങ്കി​ൽ​പെ​ട്ട നി​ലം സം​ര​ക്ഷി​ക്കേ​ണ്ട റ​വ​ന്യൂ- കൃ​ഷി വ​കു​പ്പ്​ ഉ​ദ്യോ​ഗ​സ്ഥ​ർ ഗു​രു​ത​ര നി​യ​മ ലം​ഘ​നം ന​ട​ത്തി​യ​താ​യി പ്രാ​ഥ​മി​ക അ​ന്വേ​ഷ​ണ​ത്തി​ല്‍ ക​ണ്ടെ​ത്തി. നി​ലം ത​രം തി​രി​ച്ച് ന​ല്‍കു​ന്ന​തി​ലും വീ​ഴ്​​ച സം​ഭ​വി​ച്ചു.

പ​ത്ത​നം​തി​ട്ട ന​ഗ​ര​സ​ഭ​യി​ലെ ഭ​ര​ണ​പ​ക്ഷ​ത്തെ ര​ണ്ട് കൗ​ണ്‍സി​ല​ര്‍മാ​ര്‍ക്കെ​തി​രാ​യ വാ​ട്‌​സ് ആ​പ് ചാ​റ്റ് തെ​ളി​വാ​യി അ​ന്വേ​ഷ​ണ​സം​ഘം ശേ​ഖ​രി​ച്ചി​ട്ടു​ണ്ട്. ന​ഗ​ര​സ​ഭ​യി​ലെ കു​ടി​വെ​ള്ള​ക്ഷാ​മം രൂ​ക്ഷ​മാ​യ പ്ര​ദേ​ശ​ത്തെ കു​ന്നി​ടി​ച്ച് നി​ര​ത്തു​ന്ന​തു​മാ​യി ബ​ന്ധ​പ്പെ​ട്ട് നേ​ര​ത്തേ​യും ഇ​വ​ര്‍ക്കെ​തി​രെ പ​രാ​തി ഉ​യ​ര്‍ന്നി​രു​ന്നു. ഈ ​സാ​ഹ​ച​ര്യ​ത്തി​ലാ​ണ് ഇ​പ്പോ​ള്‍ ഇ​വ​ര്‍ക്കെ​തി​രെ കൂ​ടു​ത​ല്‍ തെ​ളി​വ് ശേ​ഖ​രി​ക്കു​ന്ന​തെ​ന്നാ​ണ് വി​വ​രം.

ഇ​തി​നു​പു​റ​മെ, മൈ​നി​ങ് ആ​ന്‍ഡ് ജി​യോ​ള​ജി വ​കു​പ്പ്, ജി​ല്ല കൃ​ഷി ഓ​ഫി​സ് എ​ന്നി​വി​ട​ങ്ങ​ളി​ലെ ഉ​ദ്യോ​ഗ​സ്ഥ​രു​ടെ പ​ങ്കും സം​ഘം അ​ന്വേ​ഷി​ക്കു​ന്നു​ണ്ട്. ഉ​ദ്യോ​ഗ​സ്ഥ​ര്‍ക്ക് കൈ​ക്കൂ​ലി ഇ​ന​ത്തി​ല്‍ ഇ-​പേ​മെ​ന്‍റ്​ വ​ഴി​യാ​ണ് പ​ണ​മി​ട​പാ​ടു​ക​ള്‍ ന​ട​ന്നി​രി​ക്കു​ന്ന​ത്. ഇ​തി​ല്‍ നാ​ല്​ ഉ​ദ്യോ​ഗ​സ്ഥ​ര്‍ ബ​ന്ധു​ക്ക​ളു​ടെ അ​ക്കൗ​ണ്ട് വ​ഴി​യാ​ണ് പ​ണം കൈ​പ്പ​റ്റി​യ​ത്.

ജി​ല്ല​യി​ല്‍ അ​ന​ധി​കൃ​ത​മാ​യി മ​ണ്ണ് ക​ട​ത്തു​ന്ന​ത് റി​പ്പോ​ര്‍ട്ട് ചെ​യ്യ​ണ​മെ​ന്ന സ്‌​പെ​ഷ​ല്‍ ബ്രാ​ഞ്ചി​ന് ല​ഭി​ച്ച നി​ര്‍ദേ​ശ​വും പാ​ലി​ക്ക​പ്പെ​ട്ടി​ല്ലെ​ന്ന് അ​ന്വേ​ഷ​ണ​സം​ഘം ക​ണ്ടെ​ത്തി​യി​ട്ടു​ണ്ട്. നി​ലം നി​ക​ത്തു​ന്ന​തു​മാ​യി ബ​ന്ധ​പ്പെ​ട്ട് കൗ​ണ്‍സി​ല​ര്‍മാ​ര്‍ ത​മ്മി​ല്‍ വാ​ക്കേ​റ്റം ഉ​ണ്ടാ​യ​താ​ണ് സം​ഭ​വം പു​റ​ത്ത​റി​യാ​ന്‍ കാ​ര​ണ​മാ​യ​ത്. ഭ​ര​ണ​ക​ക്ഷി​യി​ല്‍പെ​ട്ട കൗ​ണ്‍സി​ല​ര്‍മാ​ര്‍ നേ​രി​ട്ടാ​ണ്​ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രെ ക​ണ്ട്​ അ​നു​മ​തി ത​ര​പ്പെ​ടു​ത്തി ന​ല്‍കു​ന്ന​ത്.

ഡേ​റ്റാ ബാ​ങ്കി​ല്‍ ഉ​ള്‍പ്പെ​ട്ട സ്ഥ​ലം ത​രം മാ​റ്റി ന​ല്‍കു​ന്ന​തി​ൽ പ​ത്ത​നം​തി​ട്ട വി​ല്ലേ​ജി​ൽ ഗു​രു​ത​ര നി​യ​മ​ലം​ഘ​ന​ങ്ങ​ൾ വ്യാ​പ​ക​മാ​യി ന​ട​ന്നി​ട്ടു​ണ്ട്. റി​ങ് റോ​ഡി​ല്‍ നാ​ലി​ട​ത്താ​ണ് അ​ന​ധി​കൃ​ത​മാ​യി നി​ലം​നി​ക​ത്തു​ന്ന​ത്. മു​ന്‍ ക​ല​ക്ട​ര്‍ സ്റ്റോ​പ് മെ​മ്മോ കൊ​ടു​ത്ത പാ​ട​ശേ​ഖ​രി​ത്തി​നു​പോ​ലും നി​ലം​നി​ക​ത്താ​ന്‍ ഇ​പ്പോ​ള്‍ അ​നു​മ​തി ല​ഭി​ച്ചി​ട്ടു​ണ്ട്.

ന​ഗ​ര​സ​ഭ​യി​ല്‍ നി​ലം നി​ക​ത്തി അ​ഞ്ച് സെ​ന്‍റ്​ വീ​ട് വെ​ക്കാ​ന്‍ മാ​ത്രം അ​നു​മ​തി ന​ൽ​കു​ന്ന സ്ഥാ​ന​ത്ത്​ 10 മു​ത​ല്‍ 20 സെ​ന്‍റ്​ പാ​ട​ശേ​ഖ​രം വ​രെ ഒ​രു മാ​ന​ദ​ണ്ഡ​വും പാ​ലി​ക്കാ​തെ നി​ക​ത്തു​ന്നു​ണ്ട്. ഇ​തു​മൂ​ലം പ​ല കൈ​ത്തോ​ടു​ക​ളു​ടെ​യും നീ​രൊ​ഴു​ക്കി​നെ സാ​ര​മാ​യി ബാ​ധി​ച്ചു. ജി​ല്ല​യി​ല്‍ അ​ടൂ​ര്‍, പ​ത്ത​നം​തി​ട്ട ന​ഗ​ര​സ​ഭ​ക​ളി​ലാ​ണ്​ വ്യാ​പ​ക​മാ​യി നി​ലം നി​ക​ത്തി​യി​രി​ക്കു​ന്ന​ത്.