എറണാകുളം -അങ്കമാലി അതിരൂപതയിലെ നാല് വിമത വൈദികർക്കെതിരെ നടപടി

കൊച്ചി: എറണാകുളം-അങ്കമാലി അതിരൂപതക്ക്​ കീഴിലെ നാല്​ വിമത വൈദികർക്കെതിരെ അച്ചടക്ക നടപടി. എറണാകുളം സെന്‍റ്​ മേരീസ് കത്തീഡ്രൽ ബസിലിക്ക അഡ്മിനിസ്ട്രേറ്റർ ഫാ. വർഗീസ് മണവാളൻ, തൃപ്പൂണിത്തുറ സെന്‍റ്​ മേരീസ് ഫൊറോന പള്ളി വികാരി ഫാ. ജോഷി വേഴപറമ്പിൽ, പാലാരിവട്ടം സെന്‍റ്​ മാർട്ടിൻ ഡി. പോറസ് പള്ളി വികാരി ഫാ. തോമസ് വാളൂക്കാരൻ, മാതാനഗർ വേളാങ്കണ്ണിമാതാ പള്ളി വികാരി ഫാ. ബെന്നി പാലാട്ടി എന്നിവരെയാണ്​ പള്ളികളുടെ ഭരണച്ചുമതലകളിൽ നിന്ന് അപ്പോസ്തലിക് അഡ്മിനിസ്ട്രേറ്റർ ബിഷപ് ബോസ്കോ പുത്തൂർ ഒഴിവാക്കിയത്​.

മറ്റൊരു ഉത്തരവുവരെ നിലവിലെ പള്ളികളിൽ താമസിക്കുന്നത്​ വിലക്കിയിട്ടുമുണ്ട്​. ഏകീകൃത കുർബാന നടപ്പാക്കുന്നത്​ സംബന്ധിച്ച അപ്പോസ്തലിക്​ അഡ്​മിനിസ്​ട്രേറ്ററുടെ ഉത്തരവുകൾ ലംഘിച്ചതിനാണ്​ നടപടി.

തൃക്കാക്കര വിജോഭവൻ, പൊതി സാന്തോം ഭവൻ, കലൂർ റിന്യൂവൽ സെന്‍റർ എന്നിവിടങ്ങളിലേക്ക് മാറിത്താമസിക്കാനാണ് ഇവർക്കുള്ള നിർദേശം. ഇതിന്​ വിരുദ്ധമായ പ്രവർത്തനങ്ങൾ നടത്തിയാൽ കൂടുതൽ കർശന നടപടികളിലേക്ക് നീങ്ങും എന്ന മുന്നറിയിപ്പും നൽകിയിട്ടുണ്ട്.

ആത്മീയവും അജപാലനപരവുമായ ചുമതലകളിൽനിന്ന്​ കൂദാശ-പരികർമങ്ങളിൽനിന്നും ഭരണപരമായ ഉത്തരവാദിത്തങ്ങളിൽനിന്നും ഈ വൈദികരെ പൂർണമായും ഒഴിവാക്കി. അവർ നീക്കം ചെയ്യപ്പെട്ട പള്ളികൾ, അവയോടനുബന്ധിച്ച സ്ഥാപനങ്ങൾ, കപ്പേളകൾ എന്നിവിടങ്ങളിൽ കുർബാന അർപ്പിക്കാനോ കൂദാശകൾ പരികർമം ചെയ്യാനോ ഇവർക്ക് അനുവാദമുണ്ടാകില്ല.

പുതുതായി നിയമിച്ച അഡ്മിനിസ്ട്രേറ്റർമാർക്കായിരിക്കും പള്ളികളുടെ പൂർണ അധികാരം. മാറ്റിനിർത്തപ്പെടുന്ന കാലയളവ് തെറ്റുതിരുത്താനും അനുരഞ്ജനത്തിനും അവസരമായി കാണണമെന്നും നിർദേശിച്ചിട്ടുണ്ട്.

ഉ​ത്ത​ര​വി​നെ​തി​രെ അ​തി​രൂ​പ​ത സം​ര​ക്ഷ​ണ സ​മി​തി

കൊ​ച്ചി: ഉ​ത്ത​ര​വാ​ദി​ത്ത​ങ്ങ​ള്‍ ശ​രി​യാ​യി നി​ര്‍വ​ഹി​ക്കാ​തെ കാ​നോ​നി​ക നി​യ​മ​ങ്ങ​ളും സി​വി​ല്‍ നി​യ​മ​ങ്ങ​ളും കാ​റ്റി​ല്‍ പ​റ​ത്തു​ന്ന അ​പ്പോ​സ്ത​ലി​ക് അ​ഡ്മി​നി​സ്ട്രേ​റ്റ​ർ ബോ​സ്​​കോ പു​ത്തൂ​രി​ന്‍റെ ഭ​ര​ണം വ​ലി​യ പ​രാ​ജ​യ​മാ​യ​തി​നാ​ല്‍ സ്ഥാ​നം രാ​ജി​വെ​ക്ക​ണ​മെ​ന്ന്​ അ​തി​രൂ​പ​ത സം​ര​ക്ഷ​ണ​സ​മി​തി. നാ​ല്​ വൈ​ദി​ക​ർ​ക്കെ​തി​രെ കാ​നോ​നി​ക നി​യ​മ​ങ്ങ​ള്‍ ലം​ഘി​ച്ച്​​അ​പ്പോ​സ്ത​ലി​ക് അ​ഡ്മി​നി​സ്ട്രേ​റ്റ​റും കൂ​രി​യ അം​ഗ​ങ്ങ​ളും ചേ​ര്‍ന്ന് ന​ൽ​കി​യ ഭീ​ഷ​ണി​ക്ക​ത്ത്​ ധാ​ര്‍ഷ്ട്യ​ത്തി​ന്‍റെ തെ​ളി​വാ​ണ്. സ​മാ​ധാ​ന​ത്തി​ന്‍റെ​യും സ​ന്തോ​ഷ​ത്തി​ന്‍റെ​യും ക്രി​സ്മ​സ് നാ​ളു​ക​ളി​ല്‍ ഇ​ട​വ​ക​ക​ളി​ലെ ശാ​ന്ത​മാ​യ അ​ന്ത​രീ​ക്ഷം ത​ക​ര്‍ക്കാ​നാ​ണ് മാ​ര്‍ ബോ​സ്കോ​യും കൂ​രി​യ​യും ശ്ര​മി​ക്കു​ന്ന​ത്. മാ​ര്‍ ബോ​സ്കോ​യു​ടെ ഉ​ത്ത​ര​വു​ക​ളി​ല്‍ നീ​തി​നി​ഷേ​ധം ഉ​ള്ള​തു​കൊ​ണ്ട് അ​വ അ​നു​സ​രി​ക്കാ​ന്‍ വൈ​ദി​ക​ര്‍ക്കോ വി​ശ്വാ​സി​ക​ള്‍ക്കോ ബാ​ധ്യ​ത​യി​ല്ലെ​ന്ന് സ​മി​തി ക​ണ്‍വീ​ന​ര്‍ ഫാ. ​സെ​ബാ​സ്റ്റ്യ​ന്‍ ത​ളി​യ​ന്‍ പ​റ​ഞ്ഞു.