Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightസൗജന്യ ക്വാറൻറീൻ...

സൗജന്യ ക്വാറൻറീൻ ഒരുക്കാമെന്ന് യു.ഡി.​എഫ്​ ഭരിക്കുന്ന തദ്ദേശ സ്ഥാപനങ്ങൾ

text_fields
bookmark_border
koduvalli-and-peruvayal
cancel

കോഴിക്കോട്​: പ്രവാസികൾക്ക്​ സൗജന്യ ക്വാറൻറീൻ ഒരുക്കാൻ തയാറായി യു.ഡി.എഫ്​ ഭരിക്കുന്ന തദ്ദേശ സ്ഥാപനങ്ങൾ. കോഴിക്കോട്​ ജില്ലയിലെ പെരുവയൽ ഗ്രാമപഞ്ചായത്തും കൊട​ുവള്ളി നഗരസഭയുമാണ്​ ഈ തീരുമാനവ​ുമായി രംഗത്തെത്തിയത്​. സംസ്ഥാന​േത്തക്ക്​ വരുന്ന പ്രവാസികൾ ക്വാറൻറീൻ ചെലവ്​ സ്വയം വഹിക്കണമെന്ന സർക്കാർ തീരുമാനത്തെ തുടർന്നാണ് ​ഈ നീക്കം.

സൗജന്യ ക്വാറൻറീൻ ഒരുക്കാമെന്ന്​​ ചൂണ്ടിക്കാട്ടി ഇരു തദ്ദേശ സ്ഥാപനങ്ങളും മുഖ്യമന്ത്രിക്ക്​ കത്തയച്ചു. ആവശ്യമായി വരുന്ന പണം തനത്​ ഫണ്ടിൽ നിന്ന്​​ എടുക്കാമെന്നും ഇതിന്​ സർക്കാർ അനുമതി നൽകണമെന്നും ഇവർ ആവശ്യ​പ്പെടുന്നു​. ടിക്കറ്റെടുക്കാൻ ​േപാലും പണമില്ലാതെ വ്യക്തികളുടെയും സംഘടനകളുടെയും സഹായത്താൽ നാട്ടിലെത്തുന്ന പ്രവാസികൾക്ക്​ ക്വാറൻറീൻ സൗകര്യത്തിന്​ പണം കണ്ടെത്തുകയെന്നത്​ പ്രയാസകരമാണെന്നും അതിനാലാണ്​ അവരെ സഹായിക്കാൻ മുന്നോട്ടു വന്നതെന്നും കൊടുവള്ളി നഗരസഭ അറിയിച്ചു. 

സംഘടനകൾ വിട്ടു നൽകിയ കെട്ടിടങ്ങൾ, വ്യക്തികൾ നൽകിയ വീടുകൾ, ഹോട്ടലുകൾ, ലോഡ്​ജുകൾ എന്നിങ്ങനെ ക്വാറൻറീന്​ ആവശ്യമായ സൗകര്യം നേരത്തേ തന്നെ ഇവർ ക​ണ്ടെത്തിയിട്ടുണ്ട്​. അതിനാൽ ത​െന്ന അവിടെയൊന്നും പണം നൽകേണ്ട ആവശ്യമില്ലെന്നും ക്വാറൻറീനിലുള്ളവർക്ക്​ നിലവിൽ ഭക്ഷണം നൽകുന്നത്​ പഞ്ചായത്ത്​ തന്നെയാണെന്നും അവർ പറഞ്ഞു​​. 

റെയിൽവെ സ്​റ്റേഷനുകളിൽ നിന്നും വിമാനത്താവളങ്ങളിൽ നിന്നും പ്രവാസികളെ ക്വാറൻറീൻ കേന്ദ്രങ്ങളിൽ എത്തിക്കുന്നതിന്​ മാത്രമാണ്​ അധിക ചെലവുള്ളത്​. അതിന്​ തനത്​ ഫണ്ട്​ പര്യാപ്​തമാണെന്നും അത്​ ഉപയോഗിക്കാൻ സർക്കാർ അനുമതി നൽകണമെന്നുമാണ്​ ഈ​ തദ്ദേശ സ്ഥാപനങ്ങൾ പറയ​ുന്നത്​. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newslocal bodiesmalayalam newsExpatriatesquarantinecovid 19
News Summary - ready to give free quarantine for expatriates -kerala news
Next Story