ഏ​കാ​ന്ത ജീ​വി​തം രാ​ധാ​മ​ണി​യെ എ​ഴു​ത്തു​കാ​രി​യാ​ക്കി

കൊ​ട​ക​ര: ഏ​കാ​ന്ത ജീ​വി​ത​ത്തി​നി​ടെ ക​വി​ത​ക​ളെ​ഴു​തി​യും പാ​ട്ടെ​ഴു​തി സ്വ​യം ഈ​ണ​മി​ട്ട്​ ആ​ല​പി​ച്ചും ജീ​വി​ത​ത്തെ സ​ര്‍ഗാ​ത്മ​ക​മാ​ക്കു​ക​യാ​ണ് 66കാ​രി​യാ​യ കൊ​ട​ക​ര വാ​ഴേ​പ്പ​റ​മ്പി​ല്‍ രാ​ധാ​മ​ണി. ഉ​യ​ര്‍ന്ന വി​ദ്യാ​ഭ്യാ​സ യോ​ഗ്യ​ത​യോ ക്ലാ​സി​ക്ക​ല്‍ സം​ഗീ​ത പ​ഠ​ന​മോ ഇ​ല്ലെ​ങ്കി​ലും വാ​യ​ന​യി​ലൂ​ടെ​യും സം​ഗീ​താ​സ്വാ​ദ​ന​ത്തി​ലൂ​ടെ​യും കൈ​വ​ന്ന​താ​ണ് രാ​ധാ​മ​ണി​യു​ടെ ര​ച​നാ പാ​ട​വം. കൊ​ടു​ങ്ങ​ല്ലൂ​ര്‍ അ​ഴീ​ക്കോ​ട് അ​പ്പു​ക്കു​ട്ട​ന്‍-​സ​ര​സ്വ​തി ദ​മ്പ​തി​ക​ളു​ടെ മ​ക​ളാ​ണ് രാ​ധാ​മ​ണി. 

കു​ട്ടി​ക്കാ​ല​ത്തെ വേ​ന​ല​വ​ധി​ക​ളി​ല്‍ കാ​ഥി​ക​നാ​യി​രു​ന്ന അ​മ്മാ​വ​ന്‍ പ​റ​വൂ​ര്‍ ഗോ​പി​നാ​ഥി​​െൻറ ക​ഥാ​പ്ര​സം​ഗ ട്രൂ​പ്പി​നൊ​പ്പം പോ​കു​മാ​യി​രു​ന്നു. ക​ഥാ​പ്ര​സം​ഗ​ത്തി​​െൻറ ഇ​ട​വേ​ള​ക​ളി​ല്‍ 10 വ​യ​സ്സു​കാ​രി​യാ​യ രാ​ധാ​മ​ണി പാ​ടി​യ പാ​ട്ടു​ക​ള്‍ ആ​സ്വാ​ദ​ക​ര്‍ക്ക് ഏ​റെ ഇ​ഷ്​​ട​മാ​യി​രു​ന്നു. അ​റി​യ​പ്പെ​ടു​ന്ന ഗാ​യി​ക​യാ​കാ​നാ​യി​രു​ന്നു ചെ​റു​പ്പ​ത്തി​ലേ മോ​ഹം. വ​ള​ര്‍ന്ന​പ്പോ​ള്‍ ജീ​വി​ത പ്രാ​രാ​ബ്​​ധ​ങ്ങ​ള്‍ക്കി​ട​യി​ല്‍ രാ​ധാ​മ​ണി ആ ​മോ​ഹം മ​ന​സ്സി​ലൊ​ളി​പ്പി​ച്ചു. വി​വാ​ഹ ശേ​ഷം കൊ​ട​ക​ര​യി​ലേ​ക്കു ജീ​വി​തം പ​റി​ച്ചു​ന​ട്ട​പ്പോ​ള്‍ ഉ​പ​ജീ​വ​ന മാ​ര്‍ഗ​മാ​യി ത​യ്യ​ല്‍ ജോ​ലി സ്വീ​ക​രി​ച്ചു. 

കൊ​ട​ക​ര ബി.​എ​സ്.​എ​ല്‍.​എ​ല്‍ ഓ​ഫി​സി​നു പി​റ​കു​വ​ശ​ത്തു​ള്ള ല​ക്ഷം​വീ​ട്ടി​ല്‍ ര​ണ്ട് പെ​ണ്‍മ​ക്ക​ള്‍ക്കൊ​പ്പം ജീ​വി​ത​യാ​ത്ര തു​ട​ര്‍ന്നു. മ​ക്ക​ളു​ടെ വി​വാ​ഹം ക​ഴി​ഞ്ഞ​തോ​ടെ രാ​ധാ​മ​ണി ഒ​റ്റ​ക്കാ​യി. ഉ​റ​ങ്ങി​ക്കി​ട​ന്ന സ​ര്‍ഗ​വൈ​ഭ​വ​ങ്ങ​ളെ രാ​ധാ​മ​ണി തേ​ച്ചു​മി​നു​ക്കി​യെ​ടു​ത്ത​ത് ഈ ​ഏ​കാ​ന്ത ജീ​വി​ത​ത്തി​നി​ടെ​യാ​ണ്. ഒ​ട്ടേ​റെ ക​വി​ത​ക​ളും പാ​ട്ടു​ക​ളും ഈ ​കാ​ല​യ​ള​വി​ല്‍ രാ​ധാ​മ​ണി ര​ചി​ച്ചു. ഇ​രു​പ​തി​ലേ​റെ ക​വി​ത​ക​ള്‍, മു​പ്പ​തോ​ളം ല​ളി​ത​ഗാ​ന​ങ്ങ​ള്‍, 20 ക്രി​സ്തീ​യ ഭ​ക്തി​ഗാ​ന​ങ്ങ​ള്‍, മൂ​ന്ന് മു​സ്​​ലിം ഭ​ക്തി​ഗാ​ന​ങ്ങ​ള്‍ എ​ന്നി​വ രാ​ധാ​മ​ണി​യു​ടെ തൂ​ലി​ക​ത്തു​മ്പി​ലൂ​ടെ പി​റ​വി​യെ​ടു​ത്തു. 

ഒ​റ്റ​പ്പെ​ട്ട​വ​രു​ടെ വേ​ദ​ന​ക​ള്‍ വ​രി​ക​ളി​ലേ​ക്ക് ആ​വാ​ഹി​ച്ച​വ​യാ​ണ് ക​വി​ത​ക​ളി​ല്‍ പ​ല​തും. സം​ഗീ​ത നാ​ട​ക അ​ക്കാ​ദ​മി​യി​ലു​ള്‍പ്പ​ടെ അ​ര​ങ്ങേ​റി​യ രു​ഗ്മ​ണി​യു​ടെ വാ​പ്പ​സി എ​ന്ന നാ​ട​ക​ത്തി​ലെ ഗാ​നം രാ​ധാ​മ​ണി ര​ചി​ച്ച​താ​ണ്. ആ​റാം ക്ലാ​സ് വ​രെ മാ​ത്രം പ​ഠി​ച്ച രാ​ധാ​മ​ണി​ക്ക് ഒ​രു പാ​ട് വാ​യി​ക്കാ​നു​ള്ള അ​വ​സ​രം ല​ഭി​ച്ചി​ട്ടി​ല്ല. എ​ങ്കി​ലും സ​മ്പ​ന്ന​മാ​യൊ​രു പ​ദാ​വ​ലി ഇ​വ​രു​ടെ ര​ച​ന​ക​ളി​ലു​ണ്ട്. സം​ഗീ​തം പ​ഠി​ച്ചി​ട്ടി​ല്ലാ​ത്ത രാ​ധാ​മ​ണി​ക്ക് രാ​ഗ​ങ്ങ​ളു​മ​റി​യി​ല്ല. എ​ങ്കി​ലും എ​ഴു​തു​ന്ന ഗാ​ന​ങ്ങ​ള്‍ ഈ​ണ​മി​ടു​ന്ന​തും ആ​ല​പി​ക്കു​ന്ന​തും രാ​ധാ​മ​ണി ത​ന്നെ​യാ​ണ്.