സർക്കാറിന് തിരിച്ചടി; മൊറട്ടോറിയം നീട്ടാനാകില്ലെന്ന് ആർബി.ഐ

മുംബൈ: കേരളത്തിലെ കർഷക വായ്പക്കുള്ള മൊറട്ടോറിയം നീട്ടാനാകില്ലെന്ന് റിസർവ് ബാങ്ക് ഒാഫ് ഇന്ത്യ. കേരളത്തിനു മ ാത്രമായി ഇളവ് അനുവദിക്കാനാകില്ലെന്നും ആര്‍.ബി.ഐ ബാങ്കേഴ്സ് സമിതിയെ അറിയിച്ചു.

ഒരു തവണ മൊറട്ടോറിയം നീട്ടിയതു തന്നെ അസാധാരണമാണ്. മറ്റ് സംസ്ഥാനങ്ങള്‍ക്കൊന്നും ഈ പരിഗണന നല്‍കിയിട്ടില്ലെന്നും ആര്‍.ബി.ഐ വ്യക്തമാക്കി. മാര്‍ച്ച് 31നാണ് മൊറട്ടോറിയം കാലാവധി അവസാനിച്ചത് . ഇതോടെ ബാങ്കുകള്‍ക്ക് ജപ്തി നടപടികളിലേക്ക് നീങ്ങാം.

അതേസമയം, ആർ.ബി.ഐയുടെ നടപടി നിർഭാഗ്യകരമെന്ന് കൃഷിമന്ത്രി വി.എസ് സുനിൽകുമാർ. വിഷയത്തിൽ നേരിട്ട് ആർ.ബി.ഐയുമായി ചർച്ച നടത്താൻ തയാറാണെന്നും അദ്ദേഹം പറഞ്ഞു.