സം​സ്ഥാ​ന​ത്ത് ഒ.ടി.പി വഴിയുള്ള റേഷൻ പുനഃസ്ഥാപിച്ചു; കി​റ്റ് വി​ത​ര​ണം പു​രോ​ഗ​മി​ക്കുന്നു

തി​രു​വ​ന​ന്ത​പു​രം: ഒ.​ടി.​പി വ​ഴി​യു​ള്ള റേ​ഷ​ൻ വി​ത​ര​ണം സം​സ്ഥാ​ന​ത്ത് പു​നഃ​സ്ഥാ​പി​ച്ചു. റേ​ഷ​ൻ വി​ത​ര​ണ​ത്തി​നു​ള്ള എ​സ്.​എം.​എ​സു​ക​ൾ​ക്കു​ള്ള നി​യ​ന്ത്ര​ണം ട്രാ​യ് (ടെ​ലി​കോം റെ​ഗു​ലേ​റ്റ​റി അ​തോ​റി​റ്റി ഓ​ഫ് ഇ​ന്ത്യ) പി​ൻ​വ​ലി​ച്ച​തോ​ടെ​യാ​ണി​ത്.

ഇ​ല​ട്രോ​ണി​ക് പോ​യ​ൻ​റ് ഓ​ഫ് സെ​യി​ൽ (ഇ-​പോ​സ്) യ​ന്ത്ര​ത്തി​ൽ ബ​യോ​മെ​ട്രി​ക് സം​വി​ധാ​നം പ​രാ​ജ​യ​പ്പെ​ടു​ന്ന​വ​ർ​ക്ക് റേ​ഷ​ൻ വാ​ങ്ങാ​നു​ള്ള സം​വി​ധാ​ന​മാ​ണ് ഒ.​ടി.​പി. കൈ​വി​ര​ൽ പ​തി​യാ​ത്ത ഘ​ട്ട​ത്തി​ൽ റേ​ഷ​ന്‍കാ​ര്‍ഡു​മാ​യി ബ​ന്ധി​പ്പി​ച്ച കാ​ർ​ഡു​ട​മ​യു​ടെ മൊ​ബൈ​ല്‍ ഫോ​ണി​ലേ​ക്ക് ഒ.​ടി.​പി സ​ന്ദേ​ശ​മെ​ത്തും. ഈ ​നാ​ല​ക്ക ന​മ്പ​ർ മെ​ഷീ​നി​ൽ രേ​ഖ​പ്പെ​ടു​ത്തു​ന്ന മു​റ​ക്ക് ഉ​പ​ഭോ​ക്താ​വി​ന് സാ​ധ​ന​ങ്ങ​ൾ ല​ഭി​ക്കും.

ശാ​രീ​രി​ക അ​വ​ശ​ത​ക​ളെ​തു​ട​ർ​ന്ന് ക​ട​ക​ളി​ലെ​ത്തു​ന്ന മു​തി​ർ​ന്ന അം​ഗ​ങ്ങ​ൾ​ക്കും കൈ​വി​ര​ൽ രേ​ഖ​ക​ൾ പ​തി​യാ​ത്ത തൊ​ഴി​ലാ​ളി​ക​ൾ​ക്കു​മാ​ണ് ഈ ​സം​വി​ധാ​നം ഏ​റെ പ്ര​യോ​ജ​ന​പ്പെ​ടു​ന്ന​ത്. എ​ന്നാ​ൽ, വാ​ണി​ജ്യാ​വ​ശ്യം മു​ൻ​നി​ർ​ത്തി​യു​ള്ള എ​സ്.​എം.​എ​സു​ക​ൾ​ക്ക് ട്രാ​യ് നി​യ​ന്ത്ര​ണ​മേ​ർ​പ്പെ​ടു​ത്തി​യ​തോ​ടെ ഒ​രാ​ഴ്ച​മു​മ്പാ​ണ് സം​സ്ഥാ​ന​ത്ത് ഒ.​ടി.​പി മു​ഖേ​ന​യു​ള്ള റേ​ഷ​ൻ വി​ത​ര​ണം നി​ല​ച്ച​ത്. തു​ട​ർ​ന്ന് ടെ​ലി​കോം ക​മ്പ​നി​ക​ളു​ടെ ബ്ലോ​ക്ക് ചെ​യി​ൻ പ്ലാ​റ്റ്ഫോ​മി​ൽ ഐ.​ഡി​യും ക​ണ്ട​ൻ​റും സി​വി​ൽ സ​പ്ലൈ​സ് വ​കു​പ്പ് ര​ജി​സ്​​റ്റ​ർ ചെ​യ്യു​ക​യും ഇ​തി​ന് ക​ഴി​ഞ്ഞ​ദി​വ​സം ട്രാ​യി അം​ഗീ​കാ​രം ന​ൽ​കി​യ​തോ​ടെ​യാ​ണ് റേ​ഷ​ൻ വി​ത​ര​ണം സു​ഗ​മ​മാ​യ​ത്.

ഫെ​ബ്രു​വ​രി​യി​ലെ​യും മാ​ർ​ച്ചി​ലെ​യും കി​റ്റ് വി​ത​ര​ണം പു​രോ​ഗ​മി​ക്കു​ക​യാ​ണ്. ചെ​റു​പ​യ​ർ - 500 ഗ്രാം, ​ഉ​ഴു​ന്ന്‌ - 500 ഗ്രാം, ​തു​വ​ര​പ്പ​രി​പ്പ്‌ - 250 ഗ്രാം, ​പ​ഞ്ച​സാ​ര - 1 കി​ലോ​ഗ്രാം, തേ​യി​ല - 100 ഗ്രാം, ​മു​ള​കു​പൊ​ടി അ​ല്ലെ​ങ്കി​ൽ മു​ള​ക് - 100 ഗ്രാം, ​ക​ടു​ക് അ​ല്ലെ​ങ്കി​ൽ ഉ​ലു​വ -100 ഗ്രാം, ​വെ​ളി​ച്ചെ​ണ്ണ - അ​ര ലി​റ്റ​ർ, ഉ​പ്പ് - 1 കി​ലോ​ഗ്രാം എ​ന്നി​വ​യാ​ണ് മാ​ർ​ച്ചി​ലെ കി​റ്റി​ലു​ള്ള​ത്.