റേഷന്‍ മണ്ണെണ്ണ: ഏറ്റെടുക്കലിനും വിതരണത്തിനുമുള്ള നിരക്കുകൾ പരിഷ്കരിച്ചു

തി​രു​വ​ന​ന്ത​പു​രം: കേ​ന്ദ്രം അ​നു​വ​ദി​ച്ച റേ​ഷ​ൻ മ​ണ്ണെ​ണ്ണ വി​ഹി​തം ഏ​റ്റെ​ടു​ക്കു​ന്ന​തി​നാ​യി ഡീ​ല​ർ​മാ​ർ​ക്കും വ്യാ​പാ​രി​ക​ൾ​ക്കു​മു​ള്ള നി​ര​ക്കു​ക​ൾ പ​രി​ഷ്ക​രി​ച്ച് സ​ർ​ക്കാ​ർ ഉ​ത്ത​ര​വാ​യി. മൊ​ത്ത വ്യാ​പാ​രി​ക​ൾ​ക്കു​ള്ള ക​ട​ത്തു​കൂ​ലി ആ​ദ്യ​ത്തെ 40 കി​ലോ​മീ​റ്റ​ർ വ​രെ കി​ലോ ലി​റ്റ​റി​ന് 500 രൂ​പ​യും അ​തി​നു​ശേ​ഷ​മു​ള്ള ഓ​രോ കി​ലോ​മീ​റ്റ​റി​നും അ​ഞ്ച്​ രൂ​പ​യു​മാ​യാ​ണ് വ​ർ​ധി​പ്പി​ച്ച​ത്. ചി​ല്ല​റ വി​ത​ര​ണം ന​ട​ത്തു​ന്ന റേ​ഷ​ൻ വ്യാ​പാ​രി​ക​ൾ​ക്കു​ള്ള ക​മീ​ഷ​ൻ ലി​റ്റ​റി​ന് ആ​റ്​ രൂ​പ​യാ​ക്കി ഉ​യ​ർ​ത്തി. ര​ണ്ട് വ​ർ​ധ​ന​വു​ക​ൾ​ക്കും ജൂ​ൺ ഒ​ന്നു​മു​ത​ൽ പ്രാ​ബ​ല്യ​മു​ണ്ടാ​യി​രി​ക്കും.

സം​സ്ഥാ​ന​ത്തി​നു​ള്ള മ​ണ്ണെ​ണ്ണ ക​ഴി​ഞ്ഞ വ​ർ​ഷ​ങ്ങ​ളാ​യി കേ​ന്ദ്ര സ​ർ​ക്കാ​ർ കു​റ​വു​ചെ​യ്തു​വ​രി​ക​യാ​യി​രു​ന്നു. മ​ണ്ണെ​ണ്ണ വി​ഹി​ത​ത്തി​ലെ കു​റ​വ് മൂ​ലം മൊ​ത്ത​വ്യാ​പാ​ര ഡി​പ്പോ​ക​ൾ പ​ല​തും ഒ​രു വ​ർ​ഷ​ത്തി​ല​ധി​ക​മാ​യി പ്ര​വ​ർ​ത്ത​ന​ര​ഹി​ത​മാ​വു​ക​യും ക​ട​ത്തു​കൂ​ലി​യി​ലെ​യും റീ​ട്ടെ​യി​ൽ ക​മീ​ഷ​നി​ലെ​യും നി​ര​ക്ക് കാ​ലാ​നു​സൃ​ത​മാ​യി പു​തു​ക്കാ​ത്ത​തി​നാ​ൽ മൊ​ത്ത വ്യാ​പാ​രി​ക​ളും റേ​ഷ​ൻ ഡീ​ല​ർ​മാ​രും മ​ണ്ണെ​ണ്ണ വി​ട്ടെ​ടു​ത്ത് വി​ത​ര​ണം ചെ​യ്യാ​ൻ വി​മു​ഖ​ത കാ​ണി​ക്കു​ക​യും ചെ​യ്തി​രു​ന്നു. ഇ​ത് സം​സ്ഥാ​ന​ത്തെ റേ​ഷ​ൻ ക​ട​ക​ള്‍ വ​ഴി​യു​ള്ള മ​ണ്ണെ​ണ്ണ വി​ത​ര​ണ​ത്തി​ല്‍ പ്ര​യാ​സം സൃ​ഷ്ടി​ച്ചി​രു​ന്നു.

ജൂ​ൺ 30ന് ​അ​വ​സാ​നി​ക്കു​ന്ന 2025-26 സാ​മ്പ​ത്തി​ക വ​ർ​ഷ​ത്തി​ലെ ആ​ദ്യ​പാ​ദ​ത്തി​ൽ സം​സ്ഥാ​ന​ത്തി​ന് അ​നു​വ​ദി​ച്ച 5676 കി​ലോ ലി​റ്റ​ർ മ​ണ്ണെ​ണ്ണ​യു​ടെ ഏ​റ്റെ​ടു​പ്പും വി​ത​ര​ണ​വും ഉ​ട​ൻ ആ​രം​ഭി​ ക്കും. ഇ​ത് പൂ​ർ​ത്തി​യാ​ക്കാ​ൻ സെ​പ്റ്റം​ബ​ർ 30ന് ​അ​വ​സാ​നി​ക്കു​ന്ന ര​ണ്ടാം​പാ​ദം വ​രെ സാ​വ​കാ​ശം അ​നു​വ​ദി​ക്ക​ണ​മെ​ന്ന് കേ​ന്ദ്ര സ​ർ​ക്കാ​റി​നോ​ട് അ​ഭ്യ​ർ​ഥി​ച്ചി​ട്ടു​ണ്ടെ​ന്ന് മ​ന്ത്രി ജി.​ആ​ർ. അ​നി​ൽ അ​റി​യി​ച്ചു. 2025-26 ര​ണ്ടാം പാ​ദ​ത്തി​ലേ​ക്കും 5676 കി​ലോ ലി​റ്റ​ർ മ​ണ്ണെ​ണ്ണ അ​നു​വ​ദി​ച്ച​താ​യി മ​ന്ത്രി കൂ​ട്ടി​ച്ചേ​ർ​ത്തു.