റേഷൻ; സെർവർ തകരാറിൽ മലക്കം മറിഞ്ഞ് ഭക്ഷ്യമന്ത്രി, ഇത്തവണ പഴി ജനത്തിന്

തി​രു​വ​ന​ന്ത​പു​രം: സെ​ർ​വ​ർ പ്ര​ശ്ന​ത്തെ തു​ട​ർ​ന്ന് സം​സ്ഥാ​ന​ത്ത് റേ​ഷ​ൻ വി​ത​ര​ണം മു​ട​ങ്ങു​ന്ന​ത് പ​തി​വാ​യ​തോ​ടെ വി​ഷ​യ​ത്തി​ൽ മ​ല​ക്കം മ​റി​ഞ്ഞ് ഭ​ക്ഷ്യ​മ​ന്ത്രി ജി.​ആ​ർ. അ​നി​ൽ. കാ​ർ​ഡു​ട​മ​ക​ൾ ഒ​രു​മി​ച്ച് റേ​ഷ​ൻ വാ​ങ്ങാ​നെ​ത്തു​ന്ന​തു​കൊ​ണ്ടു​ള്ള പ്ര​ശ്ന​മാ​ണ് ഇ​പ്പോ​ഴു​ള്ള​തെ​ന്നും ഇ​ത് പ​രി​ഹ​രി​ക്കാ​ൻ ക്ര​മീ​ക​ര​ണം ഏ​ർ​പ്പെ​ടു​ത്തി​യെ​ങ്കി​ലും ജ​ന​ങ്ങ​ൾ സ​ഹ​ക​രി​ക്കു​ന്നി​ല്ലെ​ന്നും മ​ന്ത്രി പ​റ​ഞ്ഞു. നി​യ​മ​സ​ഭ​യി​ൽ ഇ.​ടി. ടൈ​സ​ണ്‍ ഉ​ന്ന​യി​ച്ച ശ്ര​ദ്ധ​ക്ഷ​ണി​ക്ക​ലി​നു​ള്ള മ​റു​പ​ടി​യി​ലാ​ണ്​ ഇ​ക്കാ​ര്യം പ​റ​ഞ്ഞ​ത്. റേ​ഷ​ൻ വി​ത​ര​ണം നീ​ട്ടി​ക്കി​ട്ടാ​ൻ ഒ​രു​വി​ഭാ​ഗം വ്യാ​പാ​രി​ക​ൾ ഉ​ണ്ടാ​ക്കു​ന്ന​താ​ണ് ഇ-​പോ​സ് ത​ക​രാ​റെ​ന്നാ​യി​രു​ന്നു ക​ഴി​ഞ്ഞ നി​യ​മ​സ​ഭ സ​മ്മേ​ള​ന​ത്തി​ൽ മ​ന്ത്രി​യു​ടെ വാ​ദം. ഇ​തി​നെ​തി​രെ വ്യാ​പാ​രി​ക​ളി​ൽ​നി​ന്ന് ശ​ക്ത​മാ​യ പ്ര​തി​ഷേ​ധം ഉ​യ​ർ​ന്നി​രു​ന്നു. തു​ട​ർ​ന്നാ​ണ് ഇ​ത്ത​വ​ണ പ​ഴി കാ​ർ​ഡു​ട​മ​ക​ളു​ടെ ത​ല​യി​ൽ വെ​ച്ചു​കെ​ട്ടി​യ​ത്.

മാ​സ​ത്തി​ൽ കു​റ​ഞ്ഞ​ത് 20 ദി​വ​സ​മെ​ങ്കി​ലും കാ​ർ​ഡു​ട​മ​ക​ൾ​ക്ക് റേ​ഷ​ൻ വാ​ങ്ങാ​ൻ അ​വ​സ​ര​മു​ള്ള​പ്പോ​ഴും അ​വ​സാ​ന നാ​ല്​-​അ​ഞ്ച്​ ദി​വ​സ​ങ്ങ​ളി​ൽ മാ​ത്ര​മേ വാ​ങ്ങൂ. ഈ ​രീ​തി​യി​ൽ മാ​റ്റം വ​രു​ത്തേ​ണ്ട​തു​ണ്ടെ​ന്നും മ​ന്ത്രി പ​റ​ഞ്ഞു. ആ​യി​ര​ക്ക​ണ​ക്കി​ന് ഇ​ട​പാ​ടു​ക​ൾ ഒ​രേ സ​മ​യ​ത്തു​ണ്ടാ​കു​ന്ന​ത് സി​സ്റ്റ​ത്തി​ൽ ത​ട​സ്സ​ത്തി​ന് കാ​ര​ണ​മാ​യേ​ക്കാ​മെ​ന്ന് വി​ദ​ഗ്​​ധ​ർ അ​ഭി​പ്രാ​യ​പ്പെ​ട്ടി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് ഏ​ഴ് ജി​ല്ല​ക​ളി​ൽ രാ​വി​ലെ​യും ബാ​ക്കി ജി​ല്ല​ക​ളി​ൽ വൈ​കീ​ട്ടു​മാ​യി സ​മ​യ ക്ര​മീ​ക​ര​ണം ന​ട​പ്പാ​ക്കി​യ​ത്.

എ​ന്നി​ട്ടും മാ​സ​ത്തി​ന്‍റെ അ​വ​സാ​ന ദി​വ​സ​ങ്ങ​ളി​ൽ മാ​ത്ര​മാ​ണ് കാ​ർ​ഡു​ട​മ​ക​ൾ റേ​ഷ​ൻ വാ​ങ്ങാ​നെ​ത്തു​ന്ന​ത്. ഇ​തു​ മ​റി​ക​ട​ക്കാ​ൻ മ​ഞ്ഞ, പി​ങ്ക്, നീ​ല, വെ​ള്ള കാ​ർ​ഡു​ട​മ​ക​ൾ​ക്ക് പ്ര​ത്യേ​ക ദി​വ​സ​ങ്ങ​ൾ അ​നു​വ​ദി​ക്കു​ന്ന കാ​ര്യം പ​രി​ശോ​ധി​ക്കു​ന്നു​ണ്ടെ​ന്നും ഈ ​മാ​സം 10ന് ​എ​ൻ.​ഐ.​സി ഹൈ​ദ​രാ​ബാ​ദി​ലെ ഉ​ദ്യോ​ഗ​സ്ഥ​രു​ടെ യോ​ഗം തി​രു​വ​ന​ന്ത​പു​ര​ത്ത് വി​ളി​ച്ചി​ട്ടു​ണ്ടെ​ന്നും മ​ന്ത്രി അ​റി​യി​ച്ചു.

അ​തേ​സ​മ​യം, സെ​ർ​വ​റി​ന്‍റെ ശേ​ഷി വ​ർ​ധി​പ്പി​ക്കാ​തെ ജ​ന​ങ്ങ​ളു​ടെ മേ​ൽ പ​ഴി​ചാ​രി​യി​ട്ട് കാ​ര്യ​മി​ല്ലെ​ന്ന് വ്യാ​പാ​രി​ക​ൾ പ​റ​യു​ന്നു. തി​ര​ക്ക് കു​റ​വാ​യി​രു​ന്നി​ട്ടും തി​ങ്ക​ളാ​ഴ്ച തി​രു​വ​ന​ന്ത​പു​രം ജി​ല്ല​യി​ല​ട​ക്കം ഇ-​പോ​സ് മെ​ഷീ​നി​ൽ ത​ട​സ്സം നേ​രി​ട്ടു. റേ​ഷ​ൻ വ്യാ​പാ​രി​ക​ളെ മോ​ശ​ക്കാ​രാ​ക്കി പ്ര​സ്താ​വ​ന ന​ട​ത്തി​യ മ​ന്ത്രി അ​തു തി​രു​ത്തി​യ​തി​ൽ സ​ന്തോ​ഷ​മു​ണ്ടെ​ന്ന് ഓ​ൾ കേ​ര​ള റീ​ട്ടെ​യി​ൽ റേ​ഷ​ൻ ഡീ​ലേ​ഴ്സ് അ​സോ​സി​യേ​ഷ​ൻ അ​റി​യി​ച്ചു.