റേഷൻ കടകളിൽ കാർഡ് ഉടമകളെ സമരത്തിൽ പങ്കാളികളാക്കുന്നു

അരൂർ: റേഷൻ കടകളിൽ കാർഡ് ഉടമകളെ സമരത്തിൽ പങ്കാളികളാക്കുന്നു. റേഷൻ സാധനങ്ങൾ വാങ്ങാൻ ചെന്നാൽ വെള്ളത്തുണിയിൽ പേരെഴുതി ഒപ്പിടണം.

റേഷൻ കടക്കാരുടെ സംഘടന അടുത്ത മാസം സെക്രട്ടേറിയറ്റിനു മുൻപിൽ നടത്തുന്ന ധർണയിൽ കാർഡ് ഉടമകൾ പേരെഴുതി ഒപ്പിട്ട തുണികൾ സമരപ്പന്തലിലും സെക്രട്ടേറിയറ്റ്​ മതിലുകളിലും നിരത്തും.10 മാസം കാർഡ് ഉടമകൾക്ക് കിറ്റുകൾ വിതരണം ചെയ്തതിന്‍റെ കമീഷൻ നൽകണമെന്നാവശ്യപ്പെട്ടാണ് സമരം. മാർക്കർ പേന ഉപയോഗിച്ചാണ് തുണിയിൽ ഒപ്പിട്ടത്.