ദലിത് പെൺകുട്ടിക്ക് പീഡനം: സൈനികനെതിരെ കേസെടുത്തു

കുണ്ടറ: പ്രായപൂർത്തിയാവാത്ത ദലിത് പെൺകുട്ടിയെ വിവാഹവാഗ്ദാനം നൽകി നിരന്തരം പീഡിപ്പിക്കുകയും ഭീഷണ​ിപ്പെടുത്തി സ്വർണവും പണവും തട്ടിയെടുക്കുകയും ചെയ്​ത കേസിൽ സൈനികനെതിരെ കേസെടുത്തു. പെൺകുട്ടിയുടെ അയൽവാസികൂടിയായ സൈനികൻ സതീഷിനെ (30) തിരെയാണ്​ കേസെടുത്തതെന്ന്​ പൊലീസ്​ പറഞ്ഞു. തട്ടിപ്പിന് കൂട്ടുനിന്ന സതീഷ​ി​െൻറ സുഹൃത്ത് അജിത്തിനെ അറസ്​റ്റ്​ ചെയ്​തിട്ടുണ്ട്​. സൈനികനെതിരെ പോക്സോ നിയമപ്രകാരവും പട്ടികജാതി പീഡന നിയമപ്രകാരവുമാണ് കേസെടുത്തത്. 

സംഭവത്തെക്കുറിച്ച് പൊലീസ്​ പറയുന്നത്: പ്ലസ്​ ടു വിദ്യാർഥിനിയായിരിക്കെ 2010 മുതൽ പെൺകുട്ടിയെ സൈനികൻ പീഡിപ്പിച്ചുവരുകയായിരുന്നു. രണ്ടുവർഷം മുമ്പ് ഇയാൾ മറ്റൊരു സ്​ത്രീയെ വിവാഹം കഴിച്ചു.  കബളിപ്പിക്കപ്പെട്ടെന്ന് മനസ്സിലാക്കിയ പെൺകുട്ടി പിന്നീട് മാതാപിതാക്കൾ കണ്ടെത്തിയയാളെ വിവാഹം കഴിച്ചു. വിവാഹിതയായതോടെ പ്രതി പെൺകുട്ടിയെ ഫോണിൽ വിളിച്ച് ഭീഷണിപ്പെടുത്തൽ തുടങ്ങി. ചിത്രങ്ങളും വിഡിയോയും ​ൈകയിലുണ്ടെന്നും സ്വർണവും പണവും നൽകിയില്ലെങ്കിൽ ഇതു കാണിച്ച് കുടുംബബന്ധം തകർക്കുമെന്നുമായിരുന്നു ഭീഷണി. തുടർന്ന്​ പെൺകുട്ടി ത​​െൻറ വളയും ഒരുലക്ഷത്തോളം രൂപയും നൽകി.​ സതീഷിന​ുവേണ്ടി സുഹൃത്തായ അജിത്താണ് പെൺകുട്ടിയെ സമീപിച്ച് സ്വർണവും പണവും വാങ്ങിയത്. കൈയിൽ വള കാണാതായതോടെ ബന്ധുക്കൾ പെൺകുട്ടിയോട്​ ഇതിനെക്കുറിച്ച്​ അ​േന്വഷിച്ചു. തുടർന്ന്​ നടന്ന സംഭവങ്ങൾ തുറന്നുപറഞ്ഞു. ഇതൊടെ പെൺകുട്ടിയെ ഉപേക്ഷിക്കാൻ ബന്ധുക്കൾ നിർബന്ധി​െച്ചങ്കിലും ഭർത്താവ് ചെവിക്കൊണ്ടില്ല. പെൺകുട്ടിയുമായി വാടകവീട്ടിലേക്ക് മാറിയ ഇദ്ദേഹം പൊലീസിൽ പരാതിപ്പെടുകയായിരുന്നു. സതീഷിനെ  അറസ്​റ്റ്​ ചെയ്യാനുള്ള നടപടികൾ പുരോഗമിക്കുകയാണെന്നും ​െപാലീസ്​ അറിയിച്ചു.