ഫേസ്ബുക്കിലൂടെ പരിചയപ്പെട്ട യുവതിയെ പീഡിപ്പിച്ചയാൾ അറസ്​റ്റിൽ

തിരുവല്ല: യുവതിയെ വിവാഹ വാഗ്ദാനം നൽകി പീഡിപ്പിച്ച കേസിൽ ബി.എസ്​.എഫ് റിട്ട. ഉദ്യോഗസ്ഥൻ ആലപ്പുഴ അവലൂക്കുന്ന് പുതുമ്പള്ളിൽ വീട്ടിൽ ഷാജി തോമസിനെ (51) പൊലീസ്​ അറസ്​റ്റ്​ ചെയ്തു. തിരുവല്ല സ്വദേശിനിയുടെ പരാതിയിലാണ് അറസ്​റ്റ്​. 2014 ജൂ​ൈലയിലാണ് യുവതിയെ പീഡിപ്പിച്ചത്. കശ്മീരിലെ ലോഡ്ജിൽ​െവച്ചായിരുന്നു പീഡനം. 

യുവതിയെ വശീകരിച്ച് കശ്മീരിൽ എത്തിക്കുകയായിരുന്നുവെന്നാണ്​ പരാതി. നാട്ടിലെത്തിയ യുവതി തിരുവല്ല പൊലീസിൽ പരാതി നൽകി. ബി.എസ്​.എഫ് ഉദ്യോഗസ്ഥനാണെന്നതല്ലാതെ കൂടുതൽ വിവരങ്ങൾ യുവതിക്ക് ഷാജിയെപ്പറ്റി അറിയില്ലായിരുന്നു. പൊലീസ്​ ബി.എസ്​.എഫിലേക്ക് കത്ത് അയച്ചെങ്കിലും പ്രയോജനമുണ്ടായില്ല. പിന്നീട് ഇയാളുടെ പെൻഷൻ അക്കൗണ്ട് വിവരങ്ങൾ കണ്ടെത്തി. എ.ടി.എമ്മിലെ കാമറയിൽ പതിഞ്ഞ ഇയാളുടെ ചിത്രം യുവതിയെ കാണിച്ച് പൊലീസ്​ ഉറപ്പുവരുത്തി. 

തിങ്കളാഴ്ച ആലപ്പുഴയിലെ വീട്ടിൽനിന്ന്​ ഇയാളെ അറസ്​റ്റ്​ ചെയ്യുകയായിരുന്നു. ഭർത്താവ് ഉപേക്ഷിച്ച 30 വയസ്സുകാരിയാണ് പരാതിക്കാരി. ഫേസ്​ബുക്കിൽ ഷാജി അഡ്മിനായുള്ള സ്​നേഹക്കൂട്ടായ്മ എന്ന ഗ്രൂപ്​ വഴിയാണ് ഇരുവരും തമ്മിൽ പരിചയപ്പെട്ടത്. ഇതേ ഗ്രൂപ്പിൽ പരിചയപ്പെട്ട മലപ്പുറം എടവണ്ണയിലെ 35 വയസ്സുകാരിയെ പീഡിപ്പിച്ച കേസിൽ ഷാജി നേരത്തേ റിമാൻഡിലായിരുന്നു. തിരുവല്ല സി.ഐ ടി. രാജപ്പൻ,എസ്​.ഐ വിനോദ് കുമാർ, ട്രാഫിക് എസ്​.ഐ സലിമോൻ ഫിലിപ്പ് എന്നിവരുടെ നേതൃത്വത്തിലാണ് പ്രതിയെ പിടിച്ചത്.