ദലിത് വിദ്യാർഥിനിക്ക് ലൈംഗികപീഡനം: പ്രതികൾ അറസ്​റ്റിൽ

തിരുവനന്തപുരം: ഡാൻസ് സ്കൂളി​​​​െൻറ മറവിൽ പ്രായപൂർത്തിയാവാത്ത ദലിത് വിദ്യാർഥിനിയെ ലൈംഗികമായി പീഡിപ്പിച്ച കേസിൽ പ്രതികൾ അറസ്​റ്റിൽ. അഞ്ചുതെങ്ങ് പൂത്തുറ സ്വദേശി രാഹുലാണ്​(19) അറസ്​റ്റിലായത്. മറ്റൊരു പ്രതിയെ ജുവനൈൽ കോടതിയിൽ ഹാജരാക്കി.

കഴിഞ്ഞ ജൂ​ൈലയിൽ കുന്നുകുഴിയിൽ നിന്ന്​ കാണാതായ പെൺകുട്ടിയെക്കുറിച്ചുള്ള അന്വേഷണത്തിനിടെയാണ് ഡാൻസ് സ്കൂളുകൾ കേന്ദ്രീകരിച്ച് മയക്കുമരുന്നുപയോഗവും ലൈംഗികപീഡനവും നടക്കുന്നതായി പൊലീസ് കണ്ടെത്തിയത്. അഞ്ചുതെങ്ങ് ആസ്ഥാനമായി പ്രവർത്തിക്കുന്ന ഹിപ് ഹോപ് ഡാൻസ് സ്കൂളി​​​​െൻറ മറവിലാണ് പ്രതി ഡാൻസ് പരിശീലനത്തിനെത്തിയ വിദ്യാർഥിനിയെ മയക്കുമരുന്നുനൽകി പീഡിപ്പിച്ചത്.

കാണാതായ പെൺകുട്ടിയെ ഡാൻസ് സ്കൂളുകളിലും മെഡിക്കൽ കോളജിലെ പ്രതിയുടെ കൂട്ടുകാര​​​​െൻറ വീട്ടിലും കൊണ്ടുപോയി ലൈംഗികമായി പീഡിപ്പിച്ചു. രണ്ടുദിവസം കഴിഞ്ഞ് വീട്ടിൽ മടങ്ങിയെത്തിയ പെൺകുട്ടി മാതാപിതാക്കളോട് വിവരം പറഞ്ഞപ്പോഴാണ് സംഘത്തെപ്പറ്റി പുറത്തറിഞ്ഞത്. പരാതിയെതുടർന്ന് മെഡിക്കൽ കോളജ് പൊലീസ് പോക്സോ നിയമപ്രകാരം കേസെടുക്കുകയായിരുന്നു. തുടർന്ന് കേസ് കഴക്കൂട്ടം അസിസ്​റ്റൻറ്​ കമീഷണർക്ക് കൈമാറുകയായിരുന്നു.

ഹയർ സെക്കൻഡറി വിദ്യാർഥിനികളെ പ്രണയം നടിച്ച് ലൈംഗികമായി പീഡിപ്പിക്കുയാണ് ഡാൻസ് പരിശീലകൻ കൂടിയായ ഇയാളുടെ രീതിയെന്നും കൂടുതൽ പെൺകുട്ടികൾ പീഡനത്തിനിരയായിട്ടുണ്ടോയെന്ന്​ അന്വേഷിക്കുമെന്നും അസി.കമീഷണർ അനിൽ കുമാർ പറഞ്ഞു. പ്രതിക്കെതിരെ പോക്സോ നിയമപ്രകാരവും എസ്​.സി-എസ്​.ടി ആക്ട് പ്രകാരവും പീഡനത്തിനും കേസ് രജിസ്​റ്റർ ചെയ്തു. ഇൻസ്പെക്ടർ എസ്​.വൈ. സുരേഷ്, എസ്​.​െഎ സുധീഷ്, സി.പി.ഒ മാരായ ശരത്, അൻസിൽ, മുകേഷ് എന്നിവർ ചേർന്നാണ് പ്രതിയെ പിടികൂടിയത്. പോക്സോ കോടതിയിൽ ഹാജരാക്കിയ പ്രതിയെ റിമാൻഡ്​​ ചെയ്തു.