പിതാവ് മകളെ പീഡിപ്പിച്ചെന്ന് പരാതി നല്കിയ മാതാവിനെതിരെ പൊലീസ് കേസ്
text_fieldsപത്തനംതിട്ട: പ്രായപൂര്ത്തിയാകാത്ത മകളെ പിതാവ് പീഡിപ്പിെച്ചന്ന് ആരോപിച്ച് പരാതി നല്കിയ മാതാവിനെതിരെ കോടതി നിര്ദേശ പ്രകാരം പൊലീസ് കേസ് രജിസ്റ്റര് ചെയ്തു. പന്തളം പറന്തല് സ്വദേശിനിയായ, വിദേശത്ത് നഴ്സായി ജോലി ചെയ്യുന്ന യുവതിക്കെതിരെയാണ് പോക്സോ നിയമത്തിലെ വകുപ്പ് 22 പ്രകാരം പന്തളം പൊലീസ് ഇന്സ്പെക്ടര് ഇ.ഡി. ബിജു കേസ് രജിസ്റ്റര് ചെയ്തത്.
കഴിഞ്ഞ ഫെബ്രുവരിയില് ജില്ല പോക്സോ കോടതിയാണ് മാതാവിനെതിരെ കേസ് എടുക്കാന് ഉത്തരവിട്ടത്. ലോക്ഡൗൺ വന്നതോടെ കേസെടുക്കുന്നതിന് കാലതാമസമുണ്ടായി. പിതാവിനെയും മാതാവിെൻറ സഹോദരെൻറ ശത്രുവായ യുവാവിനെയും പ്രതിയാക്കിയാണ് മകളെ കൊണ്ട് മാതാവ് ലൈംഗിക പീഡന പരാതി നല്കിയത്. കേസ് കെട്ടിച്ചമച്ചതാണെന്ന് കണ്ടെത്തിയ കോടതി മാതാവിനെതിരെ പോക്സോ വകുപ്പ് ദുരുപയോഗം ചെയ്തതിന് ഒരു മാസത്തിനുള്ളില് കേസ് രജിസ്റ്റര് ചെയ്യാൻ നിര്ദേശിക്കുകയായിരുന്നു. പിതാവിന് പുറമേ പീഡനക്കേസില് പ്രതിയായ ലോറി ഡ്രൈവറായ യുവാവിെന ഭാര്യയും രണ്ടു പെണ്മക്കളും ഉപേക്ഷിച്ചിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.