ബിനോയ്​ കോടിയേരി ഡി.എൻ.എ പരിശോധനക്ക്​ വിധേയനാകണം -ഹൈകോടതി

മുംബൈ: വിവാഹ വാഗ്​ദാനം നൽകി പീഡിപ്പിച്ചെന്ന കേസിൽ ബിനോയ്​ കോടിയേരിയോട്​ ചൊവ്വാഴ്​ചതന്നെ ഡി.എൻ.എ പരിശോധ നക്ക്​ വിധേയമാകാൻ ബോംെബ ഹൈകോടതി​. തനിക്കെതിരായ കേസ്​ തള്ളണമെന്ന്​ ആവശ്യപ്പെട്ട്​ ബിനോയ്​ നൽകിയ ഹരജിയിൽ വാ ദം കേൾക്കെ ജസ്​റ്റിസുമാരായ രഞ്​ജിത്​ മോറെ, ഭാരതി ദാൻഗ്രെ എന്നിവരുടെ ഡിവിഷൻ ബെഞ്ചാണ്​ തിങ്കളാഴ്​ച ഉത്തരവിട്ടത്​. രണ്ടാഴ്​ചക്കകം സീൽചെയ്​ത പരിശോധന റിപ്പോർട്ട്​ ഹൈകോടതിയെ ഏൽപിക്കാനും കോടതി നിർദേശിച്ചു. അടുത്തമാസം 26നാണ്​ തുടർവാദം.

നാലു​തവണ രേഖാമൂലം ആവശ്യപ്പെട്ടിട്ടും ഡി.എൻ.എ പരിശോധനക്ക്​ വിധേയമാകാതെ വൈകിപ്പിക്കുന്നതായി പ്രോസിക്യൂഷൻ കോടതിയെ ധരിപ്പിച്ചു. പരിശോധനക്ക്​ വിധേയമാകുന്നതിൽ എതിർപ്പില്ലെന്നും എന്നാൽ, കേസ്​ തള്ളണമെന്നത്​ ആദ്യം പരിഗണിക്കണം എന്നുമാണ്​ ബിനോയിയുടെ അഭിഭാഷകൻ വാദിച്ചത്​. മണിക്കൂറുകൾക്കു​മുമ്പ്​ ഒാഷിവാര പൊലീസ്​ സ്​റ്റേഷനിൽ ഹാജരായ ബിനോയിയോട്​ പരിശോധനക്ക്​ വിധേയമാകാൻ പൊലീസ്​ വീണ്ടും നോട്ടീസ്​ നൽകിയത്​ സർക്കാർ അഭിഭാഷക കോടതിയിൽ ചൂണ്ടിക്കാട്ടി. അതോടെ ഇനിയെന്തിന്​ വൈകിക്കണം, നാളെ തന്നെയാവട്ടെ എന്ന്​ ജസ്​റ്റിസ്​ രഞ്​ജിത്​ മോറെ പറഞ്ഞു. എൻ.ഡി. തിവാരി കേസിലെ സുപ്രീംകോടതി വിധി ചൂണ്ടിക്കാട്ടി ഡി.എൻ.എ റിപ്പോർട്ട്​ രഹസ്യമായി സൂക്ഷിക്കണമെന്ന ബിനോയിയുടെ അഭിഭാഷക​​െൻറ അപേക്ഷ അംഗീകരിച്ചാണ്​ കോടതി സീൽചെയ്​ത റിപ്പോർട്ട്​ സമർപ്പിക്കാൻ നിർദേശിച്ചത്​. സുഭോദ്​ ദേശായി, സിരീഷ്​ ഗുപ്​ത, മുകുൾ ടാലി, ഒാംകാർ മുലെകർ എന്നീ പ്രമുഖ അഭിഭാഷകനിരയാണ്​ ബിനോയിക്കുവേണ്ടി ഹാജരായത്​.

പരാതിക്കാരിയുടെ അഭിഭാഷകൻ അബ്ബാസ്​ മുക്​തിയാറും കോടതിയിൽ സത്യവാങ്​മൂലം സമർപ്പിച്ചു. സാങ്കേതികമായി വക്കീൽ നോട്ടീസിലും എഫ്​.െഎ.ആറിലുമുള്ള വൈരുധ്യമാണ്​ ബിനോയിയുടെ അഭിഭാഷകർ ചൂണ്ടിക്കാട്ടിയത്​. എന്നാൽ, കഴിഞ്ഞ ​േമയ്​ 24ന്​ പരാതിക്കാരി മുംബൈ പൊലീസ്​ കമീഷണർക്ക്​ നൽകിയ കത്തിലെ വിവരങ്ങൾ പരാതിക്കാരിയുടെ യഥാർഥ ഭാഷ്യമായി കണക്കാക്കാൻ സത്യവാങ്​മൂലത്തിൽ ആവശ്യപ്പെട്ടു. യുവതിക്ക്​ മറാത്തി ഭാഷ അറിയാത്തതിനാലാണ്​ വൈരുധ്യം വന്നത്​. യുവതിയെ നീണ്ട ചോദ്യംചെയ്യലിന്​ വിധേയമാക്കിയ ശേഷം​ പുലർച്ചക്കാണ്​ പൊലീസ്​ എഫ്​.െഎ.ആർ തയാറാക്കിയതെന്നും എഫ്​.െഎ.ആർ മറാത്തിയിലാണ്​ വായിച്ചു​ കേൾപ്പിച്ചതെന്നും അഭിഭാഷകൻ വാദിച്ചു. യുവതിയും ബിനോയിയും കുഞ്ഞി‍​െൻറ പിറന്നാൾ ആഘോഷിക്കുന്നത്​ അടക്കമുള്ള ഫോട്ടോകളും ഇവർ കോടതിയിൽ സമർപ്പിച്ചു.

പീഡനപരാതി നൽകിയ യുവതി ത‍​െൻറ കുഞ്ഞി‍​െൻറ പിതാവ്​ ബിനോയിയാണെന്നും അത്​ തെളിയിക്കാൻ ഡി.എൻ.എ പരിശോധന നടത്തണമെന്നും നേര​േത്ത പൊലീസിനോട്​ ആവശ്യപ്പെട്ടിരുന്നു. നേര​േത്ത കേസിൽ ബിനോയിക്ക്​ മുൻകൂർ ജാമ്യം അനുവദിച്ച ദീൻദേഷി സെഷൻസ്​ കോടതിയും പൊലീസ്​ ആവശ്യപ്പെട്ടാൽ ഡി.എൻ.എ പരിശോധനക്ക്​ വിധേയമാകാൻ ബിനോയിയോട്​ നിർദേശിച്ചിരുന്നു. എന്നാൽ, ഡി.എൻ.എ പരിശോധനക്ക്​ പൊലീസിനോട്​ സമ്മതമറിയിച്ച ബിനോയ്​ പല കാരണങ്ങൾ ചൂണ്ടിക്കാട്ടി ഒഴിഞ്ഞുമാറുകയായിരുന്നു. തിങ്കളാഴ്​ച ഒാഷിവാര പൊലീസിൽ ഹാജരായ ബിനോയ്​ മുംബൈയിൽ ഉണ്ട്​. ഡി.എൻ. എ പരിശോധന നടപടികൾക്കായി ചൊവ്വാഴ്​ച 11ഒാടെ വീണ്ടും ഹാജരായേക്കും.