മയൂഖ ജോണിയുടെ സുഹൃത്തിനെ പീഡിപ്പിച്ചെന്ന പരാതി വ്യാജമെന്ന് ജോണ്‍സന്റെ സുഹൃത്തുക്കള്‍

തൃശൂർ: ഒളിമ്പ്യൻ മയൂഖ ജോണി ആരോപിച്ച ബലാത്സംഗ കേസ്​ ​ കെട്ടിച്ചമച്ചതാണെന്ന്​ മുരിയാട്​ എംപറർ ഇമ്മാനുവേൽ 'സിയോൺ' ആത്മീയ പ്രസ്ഥാനം വിട്ട്​ കത്തോലിക്ക സഭയിൽ ചേർന്നവർ വാർത്തസമ്മേളനത്തിൽ ആരോപിച്ചു. മയൂഖ ജോണിയും കുടുംബവും, എംപറർ ഇമ്മാനുവേൽ 'സിയോൺ' ആത്മീയ പ്രസ്ഥാനത്തി​െൻറ സജീവ പ്രവർത്തകരായതിനാലാണ്​ പ്രസ്ഥാനം ഉപേക്ഷിച്ച കുറ്റാരോപിതനെതിരെ രംഗത്തുവന്നത്​. ആരോപിതനെതിരെ കള്ളക്കേസുകൾ ചമച്ചതി​െൻറയും പുറത്തു​േപായവരെ കുടുക്കാനുള്ള ഗൂഢാലോചനയുടെയും വിഡിയോ, ഓഡിയോ ക്ലിപ്പുകൾ പൊലീസിന്​ കൈമാറിയിട്ടുണ്ടെന്നും​ പ്രസ്ഥാനം വിട്ട്​ പുറത്തുവന്ന മുൻ ചെയർമാൻ ബിജു ഫിലിപ്​ പറഞ്ഞു.

പ്രസ്ഥാനം വിട്ടതിനെത്തുടർന്ന്​ വർഷങ്ങളായി വിവിധ കള്ളക്കേസുകളിൽ പലരെയും കുടുക്കിയിട്ടുണ്ട്​. കള്ളപ്പരാതിക​ൾ നൽകി പീഡിപ്പിക്കുന്നെന്ന്​ ചൂണ്ടിക്കാട്ടി 2017ലും ഇക്കഴിഞ്ഞ ഏപ്രിൽ 19നും ആരോപണവിധേയൻ ആളൂർ പൊലീസിൽ പരാതി നൽകിയിട്ടുണ്ട്​. ബലാത്സംഗത്തിന്​ ഇരയായെന്ന്​ പറയുന്ന പെൺകുട്ടി ആരോപണവിധേയ​െൻറ മകനയച്ച വാട്​സ്​ആപ്​ ചാറ്റ്​ തന്നെ അദ്ദേഹത്തി​െൻറ നിരപരാധിത്വം തെളിയിക്കുന്നതാണ്​. ഇക്കാര്യം ആരോപണവിധേയ​ൻ പരാതിയിൽ ഉൾപ്പെടുത്തിയിരുന്നു. മാത്രമല്ല, വ്യാജ നമ്പറിൽനിന്ന്​ അശ്ലീലവും അസഭ്യവും ഭീഷണിയും വരുന്നതായും പരാതിപ്പെട്ടിരുന്നു.

മുൻ ചെയർമാൻ ബിജു ഫിലിപ്പിനെതിരെയും ഇതേ സംഘം വ്യാജപരാതി നൽകിയിരുന്നു​. പ്രസ്ഥാനത്തിൽനിന്ന്​ പുറത്തുവന്ന സജു ഫ്രാൻസിസ്​ നൽകിയ ഓഡി​േയാ ക്ലിപ്പുകളിൽനിന്ന്​ വ്യാജ ബലാത്സംഗ കേസ്​ കെട്ടിച്ചമച്ചതി​െൻറ തെളിവ്​ കിട്ടിയിട്ടുണ്ട്​. ഇതും പൊലീസിന്​ കൈമാറി​. പീഡനാരോപണമുയർന്ന വ്യക്തിക്കെതി​െര മുമ്പ്​ സമൂഹ മാധ്യമങ്ങളിൽ പ്രചാരണം നടത്തിയ തെളിവുകളും നൽകിയതായി എംപറർ ഇമ്മാനുവേൽ സ​ിയോൺ പ്രസ്ഥാനത്തി​െൻറ മുൻ ഭാരവാഹികളായ അഡ്വ. സിറിയക്​ വർഗീസ്​, ഷാജൻ പയ്യപ്പിള്ളി, എം.ജി. ആൻറണി, എം.ജെ. അലക്​സ്​, പി.ജെ. രാജൻ, സാബു​ സെബാസ്​റ്റ്യൻ എന്നിവർ അറിയിച്ചു