വയനാട്ടിലെ റിസോർട്ടിൽ ബലാത്സംഗം; സ്ത്രീകളടക്കം അഞ്ചു പേർ റിമാൻഡിൽ

വൈത്തിരി: പൂഞ്ചോലയിലെ സ്വകാര്യ റിസോർട്ടിൽ ഇതര സംസ്ഥാനക്കാരിയായ യുവതിയെ ബലാത്സംഗം ചെയ്തെന്ന കേസിൽ രണ്ടു സ്ത്രീകടക്കം അഞ്ചു പേരെ വൈത്തിരി പൊലീസ് അറസ്റ്റ് ചെയ്തു. ഇവരെ കോടതിയിൽ ഹാജരാക്കിയ ശേഷം 14 ദിവസത്തേക്ക് റിമാൻഡ് ചെയ്തു.

കോയമ്പത്തൂർ സ്വദേശിനിയാണ് പൊലീസിൽ പരാതിപ്പെട്ടത്. ഇവർ വൈത്തിരി താലൂക്ക് ആശുപത്രിയിൽചികിത്സ തേടി.

കൽപ്പറ്റ ഡി.വൈ.എസ്‍പി ടി.പി ജേക്കബിന്റെ നേതൃത്വത്തിലാണ് കേസന്വേഷണം നടക്കുന്നത്. കേസിൽ രണ്ടു പേർ കൂടി പിടിയിലാവാനുണ്ട്.