മത പരിവർത്തനം: ക്രിസ്​ത്യൻ സംഘടനകൾ കലക്​ടറേറ്റിന്​ മുന്നിൽ പ്രതിഷേധിച്ചു

കോഴിക്കോട്: യുവതിയെ മയക്കുമരുന്ന് കൊടുത്ത്​ പീഡിപ്പിച്ച്​ ഭീഷണിപ്പെടുത്തി നിര്‍ബന്ധിത മതപരിവര്‍ത്തനത്തി ന് ശ്രമിച്ചുവെന്നാരോപിച്ച്​ ക്രൈസ്തവ സംഘടനകളുടെ നേതൃത്വത്തിൽ വായമൂടിക്കെട്ടി പ്രതിഷേധം. വൈദികരും, കന്യാസ് ത്രീകളുമടക്കം സരോവരം പരിസരത്തുനിന്ന്​ കലക്ടറേറ്റിനു മുന്നിലേക്കാണ്​ കറുത്ത തുണികൊണ്ട്​ വായമൂടി പ്രകടനം നട ത്തിയത്​​.

താമരശ്ശേരി രൂപതക്ക്​ കീഴിൽ കെ.സി.ബി.സി പ്രോലൈഫ്, എ.കെ.സി.സി, മാതൃവേദി തുടങ്ങിയ സംഘനകളുടെ നേതൃത്വത ്തിലായിരുന്നു പ്രതിഷേധം. സംവിധായകൻ അലി അക്ബർ ഉദ്ഘാടനം ചെയ്തു. കത്തോലിക്ക കോണ്‍ഗ്രസ് രൂപത വൈസ് പ്രസിഡൻറ്​ ചാക്കോ കാളംപറമ്പില്‍ ആമുഖ പ്രഭാഷണം നടത്തി. കത്തോലിക്ക കോണ്‍ഗ്രസ് രൂപതാ പ്രസിഡൻറ്​ ബേബി പെരുമാലില്‍, കത്തോലിക്ക കോണ്‍ഗ്രസ് ഗ്ലോബല്‍ സമിതി വൈസ് പ്രസിഡൻറ് ആന്‍റണി കളത്തിപറമ്പില്‍, കെ.സി.വൈ.എം രൂപതാ പ്രസിഡൻറ്​ വിശാഖ് തോമസ് ,കെ.സി.ബി.സി പ്രൊലൈഫ്‌ സെക്രട്ടറി ഷിബു കൊച്ചുപറമ്പില്‍ എന്നിവര്‍ പ്രസംഗിച്ചു.

പ്രതിഷേധ കൂട്ടായ്മകൾ സംഘടിപ്പിക്കുമെന്ന് കെ.സി.വൈ.എം
കൊച്ചി: കോഴിക്കോട് സ്വദേശിനിെയ വഞ്ചിച്ച് പീഡനത്തിന് വിധേയമാക്കിയ സംഭവത്തിൽ പ്രതികൾക്കെതിരെ ശക്തമായ നടപടി സ്വീകരിക്കണമെന്നാവശ്യപ്പെട്ടും ഇത്തരത്തിൽ ഇരയാക്കപ്പെട്ട കുടുംബങ്ങൾക്ക് ഐക്യദാർഢ്യം പ്രഖ്യാപിച്ചും ഞായറാഴ്ച പ്രണയത്തിെൻ്റ രകതസാക്ഷികൾ എന്ന പേരിൽ പ്രതിഷേധ കൂട്ടായ്മകൾ സംഘടിപ്പിക്കുമെന്ന് കെ.സി.വൈ.എം. സംസ്​ഥാന സമിതി ആവശ്യപ്പെട്ടു. കേരളത്തിലെ എല്ലാ യൂനിറ്റുകളിലും പ്രതിഷേധം നടത്തും.

കൊച്ചി രൂപതയിൽ നടക്കുന്ന സംസ്​ഥാന തീരദേശ ക്യാമ്പിനോട് അനുബന്ധിച്ച് ഞായറാഴ്ച ഫോർട്ട് കൊച്ചിയിൽ സംസ്​ഥാനതല ക്യാമ്പയിന് തുടക്കം കുറിക്കും. സംസ്​ഥാന ഭാരവാഹികളായ സിറിയക് ചാഴിക്കാടൻ, ബിജോ പി.ബാബു, ഫാ. സ്റ്റീഫൻ തോമസ്​ ചാലക്കര, ജോസ്​ റാൽഫ്, ഡെലിൻ ഡേവിഡ്, തേജസ്​ മാത്യു കറുകയിൽ, സന്തോഷ് രാജ്, റോസ്​മോൾ ജോസ്​, കെ.എസ് ടീന​, ഷാരോൺ കെ. റെജി, സിസ്റ്റർ റോസ്​ മെറിൻ എന്നിവർ നേതൃത്വം നൽകും.