റാന്നിയിൽ ക്വാറൻറീനിൽ കഴിയുന്നയാളുടെ വീടിന്​ നേരെ ആക്രമണം

റാന്നി: ഹോം ക്വാറൻറീനിൽ കഴിയുന്നയാളുടെ വീടിന് നേരെ ആക്രമണം. റാന്നി അങ്ങാടി കുന്നുംപുറത്ത് കെ.എം. ജോസഫിൻെറ വീടിന് നേരെയാണ് ശനിയാഴ്​ച രാത്രിയിൽ കല്ലേറുണ്ടായത്. കല്ലേറിൽ വീടിൻെറ ജനൽചില്ലുകൾ പൊട്ടി

മധ്യപ്രദേശിൽ നിന്ന് ശനിയാഴ്​ച രാത്രി 10 മണിക്കാണ് ഇയാൾ വീട്ടിൽ എത്തി ക്വാറൻറീനിലായത്. ഇതിനു ശേഷമായിരുന്നു ആക്രമണം നടന്നത്. സംഭവത്തിൽ ഷെഫിൻ ജോർജ് എന്നയാളുടെ പേരിൽ റാന്നി പൊലീസ് കേസെടുത്തു. ജോസഫ് ഇൻഡോറിൽ പാസ്​റ്ററാണ്. നേരത്തെയുണ്ടായിരുന്ന വ്യക്തിവൈരാഗ്യമായിരിക്കാം സംഭവത്തിന്​ പിന്നിലെന്ന് പൊലീസ് പറഞ്ഞു.