രമ്യാ ഹരിദാസ് ബ്ലോക്ക് പഞ്ചായത്ത് പ്രസിഡൻറ്​ സ്ഥാനം രാജി വെക്കും

കോഴിക്കോട്: ആലത്തൂർ ലോക്​സഭ മണ്ഡലം യു.ഡി.എഫ്​ സ്ഥാനാർഥി രമ്യാ ഹരിദാസ് കുന്ദമംഗലം ബ്ലോക്ക് പഞ്ചായത്ത് പ്രസ ിഡൻറ്​ സ്ഥാനം രാജി വെക്കും. രാജിക്ക്​ അനുവാദം നൽകണമെന്ന രമ്യയുടെ ആവശ്യം കോണ്‍ഗ്രസ് നേതൃത്വം അംഗീകരിച്ചു.

ആലത്തൂരില്‍ വിജയിച്ചാൽ ബ്ലോക്ക്​ മെമ്പർ സ്ഥാനം തന്നെ രാജി വെക്കേണ്ടി വരും. ഇത്​ പ്രസിഡൻറ്​ സ്ഥാനത്തേക്കുള്ള യു.ഡി.എഫിൻെറ ഭൂരിപക്ഷം കുറയുന്നതിനിടയാക്കും. പിന്നീട്​ നറുക്കെടുപ്പിലേക്ക്​ പോവുകയും അത്​ ചിലപ്പോൾ യു.ഡി.എഫിന്​ പ്രസിഡൻറ്​ പദവി നഷ്​ടമാവുന്നതിന്​ ഇടയാക്കുകയും ചെയ്യും. അതിനാലാണ്​ പ്രസിഡൻറ്​ പദവിയിൽ നിന്ന്​ ഇപ്പോൾ തന്നെ രാജി വെച്ച്​ പുതിയ പ്രസിഡൻറിനെ നിശ്ചയിക്കുന്നതെന്ന്​ രമ്യ ഹരിദാസ്​ ‘മീഡിയ വണ്ണിനോട്​’​ പറഞ്ഞു. 19 അംഗങ്ങളിൽ 10 പേരുടെ പിന്തുണയിലാണ് ​രമ്യ ഹരിദാസ്​​​ പ്രസിഡൻറ്​ ആയത്​.

രമ്യ ഹരിദാസ് പരാജയപ്പെടുകയാ​െണങ്കിൽ ആലത്തൂര്‍ ലോക്സഭാ മണ്ഡലത്തിലെ സംവരണ നിയമസഭ മണ്ഡലങ്ങളായ തരൂര്‍, ചേലക്കര എന്നിവയിൽ ഏതെങ്കിലും നൽകി അടുത്ത നിയമസഭ തെരഞ്ഞെടുപ്പില്‍ മത്സരിപ്പിക്കാനാണ് പാർട്ടി നേതൃത്വം കണക്ക്​ കൂട്ടുന്നത്​. മണ്ഡലത്തിൽ രമ്യ ഉണ്ടാക്കിയെടുത്ത തരംഗം ഗുണം ചെയ്യുമെന്നും പാർട്ടി വിലയിരുത്തുന്നു. അതിനാൽ ലോക്​സഭ തെരഞ്ഞെടുപ്പിൽ പരാജയപ്പെട്ടാലും രമ്യ ആലത്തൂര്‍ കേന്ദ്രീകരിച്ച് പ്രവര്‍ത്തനം തുടരണമെന്നാണ്​​ കോണ്‍ഗ്രസ് തീരുമാനം.