എ. വിജയരാഘവനെതിരെ രമ്യ കോടതിയിൽ

ആലത്തൂർ: എൽ.ഡി.എഫ് കൺവീനർ എ. വിജയരാഘവനെതിരെ യു.ഡി.എഫ് സ്ഥാനാർഥി രമ്യ ഹരിദാസ് ഒന്നാം ക്ലാസ് മജിസ്‌ട്രേറ്റ് കോടതി യിൽ പരാതി നൽകി.

മാർച്ച്​ 30ന്​ കോഴിക്കോട്ടും ഏപ്രിൽ ഒന്നിന്​ പൊന്നാനിയിലും വിജയരാഘവൻ നടത്തിയ പ്രസംഗത്തിലെ പരാമർശങ്ങൾ തനിക്ക്​ അപകീർത്തി ഉണ്ടാക്കിയതിനാൽ നടപടി ആവശ്യപ്പെട്ടാണ്​ ഹരജി.

പൊലീസിൽ​ പരാതി നൽകിയെങ്കിലും കേസെടുക്കാത്തതിനാലാണ്​ കോടതിയെ സമീപിക്കുന്നതെന്ന്​ രമ്യ പറഞ്ഞു. പൊലീസിന്​ നൽകിയ പരാതിയിലെ ആവശ്യങ്ങളാണ്​ സ്വകാര്യ അന്യായത്തിലും ഉള്ളത്​.