അബ്​ദുറഹ്​മാൻ സാഹിബിനെ മറന്ന്​ ശശിയുടെ മകളുടെ കല്യാണത്തിന്​ ചെന്നിത്തല; അണികൾക്ക്​ പ്രതിഷേധം

മലപ്പുറം: പ്രതിപക്ഷ നേതാവ്​ രമേശ്​ ചെന്നിത്തല കോൺഗ്രസ്​ കമ്മിറ്റി സംഘടിപ്പിച്ച രണ്ട്​ പ്രധാന പരിപാടികളിൽ പ ​ങ്കെടുക്കാതെ കൊളപ്പുറത്തിന്​ സമീപം തലപ്പാറയിൽ പി.കെ. ശശി എം.എൽ.എയുടെ മക​​െൻറ വിവാഹത്തിൽ പ​ങ്കെടുത്തതിൽ അണിക ളിൽ വിമർശനം. മുഹമ്മദ്​ അബ്​ദുറഹിമാൻ സാഹിബ്​ ട്രസ്​റ്റ്​ സംഘടിപ്പിച്ച കവിതപ്രകാശനവും അവാർഡ്​ ദാനവും രാവിലെ 10.30ന്​ മലപ്പുറം മുനിസിപ്പൽ ബസ്​റ്റാൻഡ്​ ഓഡിറ്റോറിയത്തിൽ പ്രതിപക്ഷ നേതാവ്​ രമേശ്​ ചെന്നിത്തല ഉദ്​ഘാടനം ചെയ്യുമെന്ന്​ അറിയിച്ച്​ നോട്ടീസ്​ പ്രസിദ്ധീകരിച്ചിരുന്നു. ‘ജ്വാല’ മലയാള കവിതയുടെ സീഡി പ്രകാശനവും മലപ്പുറം പാർലമ​െൻറ്​ മണ്ഡലം യൂത്ത്​ കോൺഗ്രസ്​ പ്രസിഡൻറ്​ റിയാസ്​ മുക്കോളിക്ക്​ അവാർഡ്​ നൽകുന്ന ചടങ്ങുമുണ്ടായിരുന്നു.

പ്രതിപക്ഷ നേതാവ്​ എത്താത്തതിനെ തുടർന്ന്​ കവിത പ്രകാശനം ആല​ങ്കോട്​ ലീലാ കൃഷ്​ണനും അവാർഡ്​ ദാനം ആര്യാടൻ മുഹമ്മദുമാണ്​ നിർവഹിച്ചത്​. കാരുണ്യ പദ്ധതി നിർത്തലാക്കുന്നതിനെതിരെ അഖിലേന്ത്യ അസംഘടിത തൊഴിലാളി കോൺഗ്രസ്​ സംഘടിപ്പിച്ച പ്രതിഷേധ ധർണയുടെ ഉദ്​ഘാടനത്തിന്​ തീരുമാനിച്ചിരുന്നതും​ പ്രതിപക്ഷ നേതാവിനെയായിരുന്നു. രാവിലെ 11ന്​​ കലക്​ടറേറ്റിന്​ മുന്നിലായിരുന്നു ധർണ​. മുൻമന്ത്രി ആര്യാടൻ മുഹമ്മദാണ്​ ഉദ്​ഘാടനം ചെയ്​തത്​. ​​​പ്രതിപക്ഷ നേതാവ്​ രാവിലെ 10.30ന്​ കരിപ്പൂരിൽ വിമാനം ഇറങ്ങുമെന്നായിരുന്നു അറിയിച്ചത്​. എന്നാൽ വിമാനം വൈകി 12.30നാണ്​ എത്തിയത്​.

പ്രതിപക്ഷ നേതാവിനെ കാത്തിരുന്ന്​ വൈകി തുടങ്ങിയ ഇരു പരിപാടികളും ഈസമയം നടക്കുന്നുണ്ടായിരുന്നു. എന്നാൽ, രണ്ട്​ പരിപാടികളിലും പ​ങ്കെടുക്കാതെ തിരൂരങ്ങാടിയിലേക്ക്​ പോയി. വൈകീട്ട്​ മൂന്നോടെ മലപ്പുറത്ത്​ വാർത്തസമ്മേളനം നടത്തി. ചെര്‍ന്നൂരിലെ കോണ്‍ഗ്രസ് ബൂത്ത് കമ്മിറ്റികളുടെ നേതൃത്വത്തിൽ അല്‍അമീന്‍ ഭവന പദ്ധതിയില്‍ നിർമിച്ച വീടി​​െൻറ താക്കോല്‍ദാനം വൈകീട്ട്​ അഞ്ചുമണിക്ക്​ ​പ്രതിപക്ഷനേതാവ്​ ഉദ്​ഘാടനം നിർവഹിച്ചു.