അതിരപ്പിള്ളി പദ്ധതി നടപ്പാക്കാൻ അനുവദിക്കില്ല- ചെന്നിത്തല

തിരുവനന്തപുരം: അതിരപ്പിള്ളി പദ്ധതി നടപ്പിലാക്കാൻ അനുവദിക്കില്ലെന്ന്​ പ്രതിപക്ഷ നേതാവ്​ രമേശ്​ ചെന്നിത്തല. യു.ഡി.എഫ്​ ഒറ്റക്കെട്ടായാണ്​ പദ്ധതിക്കെതിരെ നിലപാട്​ എടുത്തിരിക്കുന്നത്​. പദ്ധതി നടപ്പാക്കുന്നത്​ സംബന്ധിച്ച്​ പാർട്ടി നിലപാട്​ എം.എം ഹസൻ വിശദീകരിച്ചിട്ടുണ്ടെന്നും ചെന്നിത്തല പറഞ്ഞു. 

അതേ സമയം, അതിരപ്പിള്ളി പദ്ധതിക്ക്​ അനുകൂലമായ നിലപാട്​ മുൻ മുഖ്യമന്ത്രി ഉമ്മൻചാണ്ടി സ്വീകരിച്ചത്​ നേരത്തെ വിവാദമായിരുന്നു.

അതിരപ്പിള്ളിയിലെ പദ്ധതി പ്രദേശത്ത്​ ട്രാൻസ്​ഫോമറുകൾ സ്ഥാപിച്ചെന്ന്​ വൈദ്യൂതി മന്ത്രി എം.എം മണി നിയമസഭയിൽ അറിയിച്ചതോടെയാണ്​ പദ്ധതി സംബന്ധിച്ച ചർച്ചകൾ വീണ്ടും സജീവമായത്​.