അസഹിഷ്​ണുത മുഖ്യമ​ന്ത്രിക്കെന്ന്​ രമേശ്​​ ചെന്നിത്തല

തിരുവനന്തപുരം: പ്രതിപക്ഷത്തിനു നേരെ അസഹിഷ്​ണുതയോടെയാണ്​​ മുഖ്യമന്ത്രി പിണറായി വിജയൻ പെരുമാറുന്നതെന്ന്​​ രമേശ്​ ചെന്നിത്തല.  പ്രതിപക്ഷ വിമർശനങ്ങളെ ഉൾക്കൊള്ളാൻ മുഖ്യമന്ത്രിക്ക്​ കഴിയുന്നില്ല.  സർക്കാറിനെ വിമർശിക്കു​േമ്പാൾ അതിനെ സമചിത്തതയോടെയാണ് നേരിടേണ്ടത്​.  പ്രശ്​നങ്ങൾ മനസിലാക്കി ഉചിത നടപടി സ്വീകരിക്കുകയാണ്​ മികച്ച ഭരണാധികാരി ചെയ്യേണ്ടതെന്നും പ്രതിപക്ഷ നേതാവ്​ വാർത്താസമ്മേളനത്തിൽ ആരോപിച്ചു.

താനൂരിൽ ക്രൂരമായ അക്രമങ്ങൾ നടന്നിരുന്നുവെന്നത്​ യാഥാർഥ്യമാണ്​. അക്രമങ്ങളിൽ പൊലീസ്​ ഏകപക്ഷീയമായ നിലപാടാണ്​ സ്വീകരിച്ചത്​. ഭരണകക്ഷിയെ സഹായിക്കാനും മുസ്​ലീം ലീഗിനെയും യുഡിഎഫിനെയും കള്ളക്കേസിൽ കുടുക്കാനുമുള്ള നടപടികളാണ്​ പൊലീസ്​ സ്വീകരിച്ചത്​. സംഭവ സ്​ഥലത്തെ സ്​ത്രീകൾ നൽകുന്ന മൊഴികളൊന്നും പൊലീസ്​ രേഖ​പ്പെടുത്താറില്ല. പൊലീസി​​െൻറത്​ ഏകപക്ഷീയ നടപടിയെന്ന്​​ വ്യക്​തമാണെന്നും ചെന്നിത്തല പറഞ്ഞു.

എന്നാൽ, അക്രമം നിയന്ത്രിക്കാനോ തടയാനോ പൊലീസിനായില്ല. ആകാശത്തേക്ക്​ വെടി​െവക്കുകയും മുസ്​ലീം ലീഗ്​ പ്രവർത്തകരെ അറസ്​റ്റ്​ ചെയ്​ത്​ റിമാൻഡ്​ ചെയ്യുകയുമാണ്​ പൊലീസ്​ ചെയ്​തത്​. പൊലീസ്​ നടപടിക്കെതി​രെ പ്രാദേശിക സി.പി.എം നേതൃത്വം തന്നെ പ്രതിഷേധം ഉയർത്തി. എന്നിട്ടും മുഖ്യമന്ത്രി പൊലീസിനെ ന്യായികരിച്ചത്​ മോശമായി. പൊലീസ്​ എഴുതിനൽകുന്നത്​ വായിക്കാനുള്ള ആളല്ല​ മുഖ്യമന്ത്രി. അവിടെ നടന്ന അക്രമ പ്രവർത്തനങ്ങളും പൊലീസി​​െൻറ ഭാഗത്തുനിന്നുണ്ടായ​ നിന്ദ്യമായ നരനായാട്ടും എന്തുകൊണ്ട്​ അന്വേഷിക്കുന്നില്ല. പൊലീസി​​െൻറ അക്രമങ്ങൾക്ക്​  മുഖ്യമന്ത്രി കൂട്ടു നിൽക്കുകയാ​െണന്നും അദ്ദേഹം കൂട്ടിച്ചേർത്തു.

മുസ്​ലിം ലീഗ്​ പ്രവർത്തകരെയും കോൺഗ്രസ്​ പ്രവർത്തകരെയും അടിച്ചമർത്താമെന്ന വ്യാമോഹം വേണ്ടെന്നും ചെന്നിത്തല വാർത്താസമ്മേളനത്തിൽ പറഞ്ഞു.