നടവരവ് കുറഞ്ഞതി​​െൻറ ഉത്തരവാദിത്വം സർക്കാറിന്​ - ചെന്നിത്തല

തിരുവനന്തപുരം: ശബരിമലയില്‍ തീര്‍ഥാടകരുടെ എണ്ണത്തില്‍ കുറവുണ്ടായതിന്‍റെയും നടവരവ് കുറഞ്ഞതിന്‍റെയും പൂര്‍ണ ഉത്തരവാദിത്തം സര്‍ക്കാറിനാണെന്ന് പ്രതിപക്ഷ നേതാവ് രമേശ് ചെന്നിത്തല. സർക്കാർ ഭക്തരെ ഭീകരരെ പോലെ കാണുന്നു. സർക്കാർ നിലപാടാണ് നടവരവ് കുറയാൻ കാരണം. പൊലീ​സു​കാ​രെ മാ​ത്ര​മാ​ണ് ശ​ബ​രി​മ​ല​യി​ൽ കാ​ണാ​ൻ സാ​ധി​ക്കു​ന്ന​തെ​ന്നും ചെ​ന്നി​ത്ത​ല വാ​ർ​ത്താ​സ​മ്മേ​ള​ന​ത്തി​ൽ പ​റ​ഞ്ഞു.

സി.പി.എം- ബി.ജെ.പി കൂട്ടുകച്ചവടമാണ് കേരളത്തിലുള്ളത്. ഭക്തരുടെ ബുദ്ധിമുട്ടുകള്‍ സര്‍ക്കാര്‍ മുഖവിലക്കെടുക്കുന്നില്ല. വാവര്‍ സന്നിധിയില്‍ പോലും ഭക്തര്‍ക്ക് എത്താനാകാത്ത സാഹചര്യമാണുള്ളത്. ഇത്രയൊക്കെ ആയിട്ടും എന്തുകൊണ്ട് നിരോധനാജ്ഞ പിൻവലിക്കുന്നില്ലെന്നും ചെന്നിത്തല ചോദിച്ചു.

ശ​ബ​രി​മ​ല​യി​ൽ പ്രാ​യ​ഭേ​ദ​മ​ന്യേ സ്ത്രീ​ക​ൾ​ക്കു പ്ര​വേ​ശി​ക്കാ​മെ​ന്ന സു​പ്രീം​കോ​ട​തി വി​ധി ആ​ലോ​ച​ന​യി​ല്ലാ​തെ ന​ട​പ്പാക്കാ​നാ​ണ് മു​ഖ്യ​മ​ന്ത്രി ശ്ര​മി​ച്ച​ത്. സു​പ്രീം​കോ​ട​തി വി​ധി​യി​ൽ സാ​വ​കാ​ശം തേ​ടാ​ൻ ദേ​വ​സ്വം​ബോ​ർ​ഡ് ശ്രമിക്കു​േമ്പാൾ സ​ർ​ക്കാ​ർ അ​തി​ന് എ​തി​രാ​യാ​ണ് പ്ര​വ​ർ​ത്തി​ക്കു​ന്ന​ത്. ദേ​വ​സ്വം​ബോ​ർ​ഡി​ന്‍റെ സ​ത്യ​വാ​ങ്മൂ​ല​ത്തി​നു എ​തി​രെ​യാ​ണ് സ​ർ​ക്കാ​ർ ഹൈ​കോ​ട​തി​യി​ൽ സ​ത്യ​വാ​ങ്മൂ​ലം ന​ൽ​കി​യി​രി​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു.

സ​ർ​ക്കാ​രും ദേ​വ​സ്വം​ബോ​ർ​ഡും ഒ​രേ വി​ഷ​യം ര​ണ്ട് രീ​തി​യി​ലാ​ണ് പ​റ​യു​ന്ന​ത്. സർക്കാറിന്‍റെ കള്ളത്തരം ഇതിലൂടെ ജനങ്ങൾക്ക് മനസിലാകും. മുഖ്യമന്ത്രി ബി.ജെ.പിയുടെ തലതൊട്ടപ്പനാണ്. ബി.ജെ.പിയെ പരിപോഷിപ്പിച്ച് കോണ്‍ഗ്രസിനെയും യു.ഡി.എഫിനെയും തകർക്കാൻ സി.പി.എം ശ്രമിക്കുകയമാണെന്നും ചെന്നിത്തല ആരോപിച്ചു.