Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightരോഗികളുടെ വ്യക്തിഗത...

രോഗികളുടെ വ്യക്തിഗത വിവരങ്ങൾ അമേരിക്കൻ കമ്പനിക്ക്​ കൈമാറുന്നു -രമേശ്​ ചെന്നിത്തല

text_fields
bookmark_border
രോഗികളുടെ വ്യക്തിഗത വിവരങ്ങൾ അമേരിക്കൻ കമ്പനിക്ക്​ കൈമാറുന്നു -രമേശ്​ ചെന്നിത്തല
cancel

തിരുവനന്തപുരം: കോവിഡ്​ 19 ൻെറ മറവിൽ വ്യക്തികളുടെ സ്വകാര്യ വിവരങ്ങൾ അമേരിക്കൻ പി.ആർ മാർക്കറ്റിങ്​ കമ്പനിക്ക്​ മറിച്ചുവിൽക്കു​ന്നുവെന്ന്​ പ്രതിപക്ഷ ​നേതാവ്​ രമേശ്​ ചെന്നിത്തല.

സർക്കാർ സംവിധാനത്തിലൂടെ ശേഖരിക്കുന്ന വിവരങ്ങൾ അമേരിക്കൻ പി.ആർ ആൻഡ്​ മാർക്കറ്റിങ്​ കമ്പനിയായ സ്​പ്രിങ്ക്​ളർ കമ്പനിക്ക്​ മറിച്ചുനൽകുന്നു. ഇവരുടെ വെ ബ്​സൈറ്റിലേക്കും സെർവറുകളിലേക്കുമാണ്​ വാർഡ്​തലത്തിൽ ശേഖരിക്കുന്ന വിവരങ്ങൾ പോകുന്നത്​. വാർഡ്​തല അടിസ്​ഥാനത്തിൽ ശേഖരിക്കുന്ന വിവരങ്ങൾ ഈ അമേരിക്കൻ കമ്പനിയുടെ വെബ്​സൈറ്റിലേക്ക്​ കൈമാറുന്നത്​ എന്തിനാണെന്നും രമേശ്​ ചെന്നിത്തല വാർത്ത സമ്മേളനത്തിൽ ചോദിച്ചു.

കേരളഫീൽഡ്​ കോവിഡ്​ സ്​പ്രിങ്ക്​ളർ ഡോട്ട്​ കോം എന്ന സൈറ്റിലേകാണ്​ വിവരങ്ങൾ അപ്​ലോഡ്​ ചെയ്യുന്നത്​. സർക്കാരിൻെറ ഔദ്യോഗിക ചിഹ്​നം പോലും ഈ വെബ്​സൈറ്റ്​ ദുരുപയോഗം ചെയ്യുന്നു. വീട്ടുനിരീക്ഷണത്തിലുള്ളവർ, രോഗികൾ, പ്രായമായവർ തുടങ്ങിയവരുടെ വിവരങ്ങൾ ശേഖരിക്കുന്നുണ്ട്​. അതിൽ രോഗികളെ സംബന്ധിച്ച വിവരങ്ങൾ കൈമാറുന്നത്​ ഈ സ്വകാര്യ കമ്പനി ദുരുപയോഗം ചെയ്യില്ലെന്ന്​ എന്ത്​ ഉറപ്പാണുള്ളതെന്നും അദ്ദേഹം ആരാഞ്ഞു.

ആഗോള ടെണ്ടർ നടത്തിയാണോ ഈ കമ്പനിയെ ഉത്തരവാദിത്തം ഏൽപ്പിച്ചതെന്നും ആണെങ്കിൽ എത്ര തുകയാണ്​ നൽകിയതെന്നും പണം വാങ്ങാതെ സൗജന്യമായാണോ ചെയ്യുന്നതെന്നും​ സർക്കാർ വ്യക്തമാക്കണ​മെന്ന്​ ചെന്നിത്തല പറഞ്ഞു.

മുഖ്യമന്ത്രിയൂടെ സെക്രട്ടറിയും ഐ.ടി സെക്രട്ടറിയുമായ ശിവശങ്കർ ഇൗ കമ്പനിയുടെ പരസ്യത്തിൽ അഭിനയിച്ചിട്ടുണ്ട്​. ഒരു സർക്കാർ ഉദ്യോഗസ്​ഥാനായ അദ്ദേഹം ഇത്തരത്തിൽ ഒരു സ്വകാര്യ കമ്പനിയുടെ പരസ്യത്തിൽ അഭിനയിച്ചത്​ എങ്ങനെയാണെന്നും ചോദിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ramesh chennithalakerala newscoronamalayalam newscovid 19
News Summary - Ramesh Chennithala Press Meet -Kerala news
Next Story