പ്രധാനമന്ത്രി പച്ചക്ക്​ വർഗീയത പറയുന്നു -ചെന്നിത്തല

കോഴിക്കോട്​: വയനാട്ടിൽ മത്സരിക്ക​ാൻ തീരുമാനിച്ച കോൺ​ഗ്രസ്​ അധ്യക്ഷൻ രാഹുൽ ഗാന്ധി ഹിന്ദു ഭൂരിപക്ഷമേഖലകളിൽനിന്ന്​ ഒളിച്ചോടി​െയന്ന പ്രധാനമന്ത്രി നരേന്ദ്ര മോദിയുടെ പ്രസംഗം തെരഞ്ഞെ​ടുപ്പ്​ ചട്ടലംഘനവും പച്ചയായ വർഗീയതയുമാണെന്ന്​ പ്രതിപക്ഷനേതാവ്​ രമേശ്​ ചെന്നിത്തല. മോദിയുടെ പ്രസ്താവന ജനാധിപത്യ, മതേതര മൂല്യങ്ങൾക്കും ​പ്രധാനമന്ത്രിപദത്തിനും നിരക്കാത്തതാണെന്നും കോഴ​ിക്കോട്​ പ്രസ്​ക്ലബി​​െൻറ മുഖാമുഖം പരിപാടിയിൽ അദ്ദേഹം പറഞ്ഞു. കേരളത്തെയും വയനാടിനെയും ഇവിടത്തെ ന്യൂനപക്ഷങ്ങളെയും മോദി അപമാനിക്കുകയാണ്​ ചെയ്​തത്​. അമേത്തിയിലും വീരപഴശ്ശിയുടെ നാടായ വയനാട്ടിലും രാഹുൽ ചരി​​​ത്രവിജയം നേടുമെന്നും അദ്ദേഹം പറഞ്ഞു.

കോൺ​ഗ്രസ്​ അധ്യക്ഷൻ മത്സരിക്കുന്നതിൽ ബി​.ജെ.പി​െയക്കാൾ പരിഭ്രമം സി.പി.എമ്മിനാണ്​. വിറളിപിടിച്ച മുഖ്യമന്ത്രിയടക്കമുള്ള സി.പി.എം നേതാക്കൾ ബി.ജെ.പിക്കാരെപോലെ സംസാരിക്കുകയാണ്​. ​തെരഞ്ഞെടുപ്പിൽ യു.ഡി.എഫ്​ തരംഗത്തിൽ​െപട്ട്​ എൽ.ഡി.എഫ്​ നിലംപരിശാകും. യു.ഡി.എഫ്​ 20ൽ 20 സീറ്റും നേടു​ന്നതോടെ ഇടതുപക്ഷത്തി​​െൻറ പ്രാധാന്യം കുറയും. സി.പി.എമ്മിനും സി.പി.​െഎക്കും ദേശീയരാഷ്​ട്രീയ കക്ഷിയെന്ന അംഗീകാരം നഷ്​ടമാകുമെന്ന പേടിയാണെന്നും ചെന്നിത്തല പറഞ്ഞു.

ശബരിമല വിഷയം ഇൗ തെരഞ്ഞെടുപ്പിൽ മുഖ്യവിഷയം തന്നെയാണെന്നും പ്രതിപക്ഷനേതാവ്​ അഭിപ്രായപ്പെട്ടു. ആലത്തൂരിലെ യു.ഡി.എഫ്​ സ്​ഥാനാർഥി രമ്യ ഹരിദാസിനെതിരെ അധിക്ഷേപ പരാമർശം നടത്തിയ എൽ.ഡി.എഫ്​ കൺവീനർ എ. വിജയരാഘവനെതിരെ കേസെടുക്കണമെന്ന്​ ആവശ്യപ്പെട്ട ചെന്നിത്തല, തരംതാണ പ്രസംഗത്തിനെതിരെ നിയമനടപടി ആലോചിക്കു​മെന്നും പറഞ്ഞു.