ചെ​ന്നി​ത്ത​ല​യെ ക്ഷ​ണി​ച്ച​ത് ഉ​ന്ന​ത​നും നാ​യ​രും ആ​യ​തു​കൊ​ണ്ടെന്ന് സുകുമാരൻ നായർ

പ​ന്ത​ളം: എ​ൻ.​എ​സ്.​എ​സ് ആ​സ്ഥാ​ന​ത്തേ​ക്ക് ര​മേ​ശ് ചെ​ന്നി​ത്ത​ല​യെ ക്ഷ​ണി​ച്ച​ത് സ​മൂ​ഹ​ത്തി​ലെ ഉ​ന്ന​ത​നും നാ​യ​രും ആ​യ​തു​കൊ​ണ്ടാ​ണെ​ന്ന്​ എ​ൻ.​എ​സ്.​എ​സ് ജ​ന​റ​ൽ സെ​ക്ര​ട്ട​റി ജി.​സു​കു​മാ​ര​ൻ നാ​യ​ർ. പ​ന്ത​ള​ത്ത് മാ​ധ്യ​മ​പ്ര​വ​ർ​ത്ത​ക​രോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

മു​ഖ്യ​മ​ന്ത്രി​യാ​കാ​ൻ ര​മേ​ശ് ചെ​ന്നി​ത്ത​ല യോ​ഗ്യ​നാ​ണ്. അ​തു​പോ​ലെ കോ​ൺ​ഗ്ര​സി​ലെ പ​ല​രും യോ​ഗ്യ​ത ഉ​ള്ള​വ​രാ​ണെ​ന്നും അ​ദ്ദേ​ഹം പ​റ​ഞ്ഞു. എ​ൻ.​എ​സ്.​എ​സി​ന് രാ​ഷ്ട്രീ​യ​മി​ല്ല. കോ​ൺ​ഗ്ര​സി​ന്‍റെ ഭാ​വി തീ​രു​മാ​നി​ക്കു​ന്ന​ത് കോ​ൺ​ഗ്ര​സ് ആ​ണെ​ന്നും അ​ദ്ദേ​ഹം പ​റ​ഞ്ഞു.

തന്നെ സഹായിച്ചതും അഭയം തന്നതും എൻ.എസ്.എസ് ആണെന്ന് രമേശ് ചെന്നിത്തല കഴിഞ്ഞദിവസം പറഞ്ഞിരുന്നു. മതനിരപേക്ഷതയുടെ ബ്രാന്‍ഡ് ആണ് എൻ.എസ്.എസ്. അത് ഉയര്‍ത്തിപ്പിടിക്കാന്‍ ജനറല്‍ സെക്രട്ടറി സുകുമാരന്‍ നായര്‍ക്ക് കഴിയുന്നുണ്ടെന്നും മന്നം ജയന്തി ആഘോഷം ഉദ്ഘാടനം ചെയ്തുകൊണ്ട് രമേശ് ചെന്നിത്തല പറഞ്ഞിരുന്നു.

മന്നം ജയന്തി ഉദ്ഘാടനം ചെയ്യുകയെന്നത് തന്റെ ജീവിത്തിലെ സൗഭാഗ്യമായ കാര്യമാണ്. രാജിവ്ഗാന്ധി മുതല്‍ കെ. കരുണാകരന്‍ വരെയുള്ള ഉജ്ജ്വലങ്ങളായ നേതൃത്വം ഉദ്ഘാടനം ചെയ്ത വേദിയില്‍ തനിക്ക് അവസരം കിട്ടിയതില്‍ എൻ.എസ്.എസിനോടും ജനറല്‍ സെക്രട്ടറിയോടും പൂര്‍ണമായ നന്ദിയും കടപ്പാടും അറിയിക്കുന്നുവെന്നും ചെന്നിത്തല പറഞ്ഞിരുന്നു.