ഡി.സി.പി ചൈത്ര ​െതരേസക്കെതിരായ നടപടി പ്രതിഷേധാര്‍ഹം-ചെന്നിത്തല

തിരുവനന്തപുരം: പൊലീസ് സ്​റ്റേഷന്‍ ആക്രമിച്ച സി.പി.എം പ്രവര്‍ത്തകരെ പിടിക്കാന്‍ പാര്‍ട്ടി ജില്ലകമ്മിറ്റി ഓഫ ിസില്‍ റെയ്ഡ് നടത്തിയ തിരുവനന്തപുരം ഡെപ്യൂട്ടി കമീഷണര്‍ ചൈത്ര ​െതരേസ ജോണിനെതിരെ നടപടി സ്വീകരിക്കാനുള്ള നീക് കത്തില്‍ പ്രതിപക്ഷ നേതാവ് രമേശ് ചെന്നിത്തല പ്രതിഷേധിച്ചു.

നിയമാനുസൃതം നടപടി സ്വീകരിച്ച ഡെപ്യൂട്ടി കമീഷണറ െ കടന്നാക്രമിക്കുകയാണ് ആഭ്യന്തരവകുപ്പ് ഭരിക്കുന്ന സി.പി.എം ചെയ്തത്. സ്ത്രീപീഡകരെയും ആക്രമികളെയും സാമൂഹികവിരുദ്ധരെയും സംരക്ഷിക്കാന്‍ സര്‍ക്കാറും സി.പി.എമ്മും ശ്രമിക്കുന്നതി​​​െൻറ പ്രകടമായ തെളിവാണിത്. ഇത് സമൂഹത്തിന് തെറ്റായ സന്ദേശമാണ് നല്‍കുന്നത്. നാഴികക്ക് നാൽപതുവട്ടം സ്ത്രീസുരക്ഷയുടെ പേരില്‍ വാചാലരാകുന്ന സര്‍ക്കാറാണ് വനിത പൊലീസ് ഉദ്യോഗസ്ഥയെ ത​​​െൻറ ഉത്തരവാദിത്തം നിറവേറ്റിയെന്ന പേരില്‍ സാമാന്യമര്യാദ പോലും കാണിക്കാതെ സ്ഥലം മാറ്റിയതെന്നും അദ്ദേഹം ആരോപിച്ചു.

പാര്‍ട്ടിതീരുമാനങ്ങള്‍ക്ക് വഴങ്ങിയി​െല്ലന്നതി​​​െൻറ പേരിലാണ് മികച്ച ഉദ്യോഗസ്ഥരില്‍ ഒരാളായിരുന്ന തിരുവനന്തപുരം കമീഷണറെ ഏതാനും ദിവസങ്ങള്‍ക്കുമുമ്പ് തല്‍സ്ഥാനത്തുനിന്ന്​ നീക്കിയത്. ഇതെല്ലാം പൊലീസ് ഉദ്യോഗസ്ഥരുടെ ആത്മവീര്യം തകര്‍ക്കും. ഗുണ്ടകള്‍ക്കും സാമൂഹികവിരുദ്ധര്‍ക്കും എന്ത് സംരക്ഷണവും ഈ സര്‍ക്കാറില്‍നിന്ന്​ ലഭിക്കും എന്നതി​​​െൻറ സന്ദേശമാണ് ഈ നടപടി നല്‍കുന്നതെന്നും രമേശ് ചെന്നിത്തല വാർത്തക്കുറിപ്പിൽ പറഞ്ഞു.