മുഖപടം: സി.പി.എം നേതാക്കളുടെ പ്രസ്താവന ദുരുദ്ദേശപരം -ചെന്നിത്തല

തിരുവനന്തപുരം: മുഖപടം ധരിച്ച് എത്തുന്നവരെ വോട്ട് ചെയ്യിക്കരുതെന്ന സി.പി.എം നേതാക്കളുടെ പ്രസ്താവന ദുരുദ്ദേശപ രവും അപലപനീയവുമാണെന്ന് പ്രതിപക്ഷ നേതാവ് രമേശ് ചെന്നിത്തല. ആര് ഏത് വസ്ത്രം ധരിക്കണമെന്നത് അവരുടെ വ്യക്തി സ്വാതന്ത്ര്യത്തില്‍പ്പെട്ടതാണ്. അതില്‍ ആര്‍ക്കും ഇടപെടാനുള്ള അവകാശമില്ലെന്നും അദ്ദേഹം വ്യക്തമാക്കി.

തോല്‍വി മുന്നില്‍കണ്ട് സി.പി.എം നേതാക്കളുടെ സമനില തെറ്റിയിരിക്കുന്നു. സംഘ്പരിവാര്‍ ശക്തികളുടെ ഭാഷയിലാണ് സി.പി.എമ്മിലെ പല നേതാക്കളും ഇപ്പോള്‍ സംസാരിക്കുന്നത്. നേതാക്കള്‍ പ്രസ്താവന പിന്‍വലിച്ച് മാപ്പ് പറയുകയാണ് വേണ്ടതെന്ന് ചെന്നിത്തല ആവശ്യപ്പെട്ടു.