ഹൈക്കമാന്‍റ് തീരുമാനം അംഗീകരിക്കുന്നു, വി.ഡി സതീശനെ അഭിനന്ദിച്ച് ചെന്നിത്തല

കൊ​ച്ചി: തി​രു​വ​ന​ന്ത​പു​രം: വി.​ഡി. സ​തീ​ശ​നെ നി​യ​മി​ച്ച ഹൈ​ക​മാ​ൻ​ഡ്​ തീ​രു​മാ​നം അം​ഗീ​ക​രി​ക്കു​െ​ന്ന​ന്ന്​ ര​മേ​ശ് ചെ​ന്നി​ത്ത​ല. പു​തി​യ നേ​താ​വി​ന്​ എ​ല്ലാ വി​ജ​യാ​ശം​സ​ക​ളും നേ​ർ​െ​ന്ന​ങ്കി​ലും അ​ദ്ദേ​ഹ​ത്തി​െൻറ പ്ര​തി​ക​ര​ണം പ്ര​സ്​​താ​വ​ന​യി​ൽ ഒ​തു​ങ്ങി.

കൊ​ല്ല​ത്ത്​ എ​ത്തി​യ അ​ദ്ദേ​ഹ​ത്തോ​ട്​ മാ​ധ്യ​മ​പ്ര​വ​ർ​ത്ത​ക​ർ പ്ര​തി​ക​ര​ണം തേ​ടി​യ​പ്പോ​ൾ പ്ര​സ്​​താ​വ​ന ന​ൽ​കി​യെന്ന്​ പ​റ​ഞ്ഞ്​ ഒ​ഴി​ഞ്ഞു​. കൊ​ല്ല​ത്തേ​ക്കു​ള്ള യാ​ത്ര​ക്കി​ടെ ഫോ​ണി​ൽ വി​ളി​ച്ച വി.​ഡി. സ​തീ​​ശ​നെ അ​ഭി​ന​ന്ദി​ച്ച അ​ദ്ദേ​ഹം തി​ങ്ക​ളാ​ഴ്​​ച നേ​രി​ട്ട്​ കാ​ണാ​മെ​ന്നും പ​റ​ഞ്ഞു.

അ​തേ​സ​മ​യം, ഹൈ​ക​മാ​ൻ​ഡ്​ തീ​രു​മാ​ന​ത്തി​ന്​ പി​ന്നാ​ലെ പ്ര​തി​പ​ക്ഷ​നേ​താ​വി​െൻറ ഒൗ​ദ്യോ​ഗി​ക​വ​സ​തി ശ​നി​യാ​ഴ്​​ച വൈ​കീ​ട്ട്​ ത​ന്നെ ചെ​ന്നി​ത്ത​ല ഒ​ഴി​ഞ്ഞു. വ​ഴു​ത​ക്കാ​ട്​ ഇൗ​ശ്വ​ര​വി​ലാ​സം റോ​ഡി​െ​ല സ്വ​ന്തം വീ​ട്ടി​ലേ​ക്കാ​ണ്​ താ​മ​സം മാ​റ്റി​യ​ത്.

സതീശനെ അഭിനന്ദിച്ച് കെ.പി.സി.സി മുൻ അധ്യക്ഷൻ കൂടിയായ വി.എം. സുധീരനും രംഗത്തുവന്നു. യാഥാര്‍ത്ഥ്യം ഉള്‍ക്കൊണ്ട് കൊണ്ടുള്ള ഗുണപരമായ സമൂലമാറ്റത്തിന് നല്ല തുടക്കമാവട്ടെ എന്ന് പ്രത്യാശിക്കുന്നു എന്നും സുധീരന്‍ ഫേസ്ബുക്ക് പോസ്റ്റില്‍ പറഞ്ഞു.

ദിവസങ്ങള്‍ നീണ്ട ചര്‍ച്ചകള്‍ക്കൊടുവിലാണ് വി.ഡി സതീശനെ പ്രതിപക്ഷനേതാവായി കോണ്‍ഗ്രസ് ഹൈക്കമാന്‍റ് തെരഞ്ഞെടുത്തത്. രമേശ് ചെന്നിത്തലക്കായി ഉമ്മന്‍ ചാണ്ടി അടക്കമുള്ള മുതിര്‍ന്ന നേതാക്കള്‍ ശക്തമായി രംഗത്ത് വന്നിരുന്നു. എന്നാല്‍ തലമുറമാറ്റം വരട്ടെ എന്ന നിലപാട് സ്വീകരിച്ച രാഹുല്‍ ഗാന്ധി സതീശന് അനുകൂലമായി നിലപാട് സ്വീകരിക്കുകയായിരുന്നു.

സതീശ​െന സ്വാഗതം ചെയ്യുന്നു -മുല്ലപ്പള്ളി

തിരുവനന്തപുരം: തെരഞ്ഞെടുപ്പ് തോൽവിയുടെ പശ്ചാത്തലത്തില്‍ നേതൃത്വം കൈക്കൊള്ളുന്ന ഏത്​ തീരുമാനവും അംഗീകരിക്കുമെന്ന് വ്യക്തമാക്കി ഫലപ്രഖ്യാപനം നടന്ന ദിവസംതന്നെ ഹൈകമാന്‍ഡിന് കത്ത് നല്‍കിയിട്ടുണ്ടെന്ന്​ കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രന്‍. കോണ്‍ഗ്രസ് നിയമസഭാകക്ഷി നേതാവായി വി.ഡി. സതീശനെ ഹൈകമാൻഡ്​ നിയമിച്ചത്​ മാധ്യമങ്ങളെ അറിയിച്ചശേഷം പ്രതികരിക്കുകയായിരുന്നു അദ്ദേഹം. സതീശ​െൻറ നിയമനത്തെ സ്വാഗതം ചെയ്യുന്നുവെന്നും അദ്ദേഹം കൂട്ടിച്ചേർത്തു.

തെരഞ്ഞെടുപ്പ് പരാജയത്തി​െൻറ ഉത്തരവാദിത്തം താന്‍ ഏറ്റെടുക്കുന്നു. തോൽവിയുടെ ഉത്തരവാദിത്തം ആരുടെ തലയിലും വെക്കാനില്ല. പാര്‍ട്ടി എടുക്കുന്ന ഏത് തീരുമാനവും അംഗീകരിക്കുമെന്ന്​ അറിയിച്ചിട്ടുണ്ട്​. കെ.പി.സി.സി നേതൃമാറ്റം ഹൈകമാന്‍ഡ് തീരുമാനിക്കും. പ്രതിപക്ഷനേതാവ്​ എന്ന നിലയില്‍ രമേശ് ചെന്നിത്തല മാതൃകാപരമായ പ്രവര്‍ത്തനം നടത്തി. അദ്ദേഹം കഠിനാധ്വാനിയായിരുന്നു. പ്രതിപക്ഷനേതാവെന്ന നിലയിലുള്ള അദ്ദേഹത്തി​െൻറ പ്രകടനം ഒന്നിനൊന്നുമെച്ചപ്പെട്ടതായിരുന്നു. മികച്ച പ്രതിപക്ഷനേതാവായി അദ്ദേഹത്തെ ചരിത്രം രേഖപ്പെടുത്തും. വി.ഡി. സതീശനെ പുതിയ നിയമസഭാകക്ഷി നേതാവായി തെരഞ്ഞെടുത്ത കോണ്‍ഗ്രസ് അഖിലേന്ത്യാ നേതൃത്വത്തി​െൻറ തീരുമാനത്തെ സ്വാഗതം ചെയ്യുന്നു. നല്ലൊരു എം.എല്‍.എയായ അദ്ദേഹത്തിന്​ നിയമസഭാകക്ഷി നേതാവെന്ന നിലയിൽ തിളങ്ങാന്‍ കഴിയും. സതീശനെ നിയമിച്ച കാര്യം അറിയിച്ച് സ്പീക്കര്‍ക്ക്​ കത്ത്​ നല്‍കുമെന്നും അദ്ദേഹം പറഞ്ഞു.