ബ്രൂവറി: അ​േന്വഷണത്തിന് സർക്കാറിനെ വെല്ലുവിളിക്കുന്നു -ചെന്നിത്തല

ഹരിപ്പാട്: 2003ൽ എ.കെ. ആൻറണി ബ്രൂവറിക്ക് അനുമതി നൽകിയെന്ന എക്സൈസ് മന്ത്രി ടി.കെ. രാമകൃഷ്ണ​​​െൻറയും എൽ.ഡി.എഫ് കൺവീനർ വിജയരാഘവ​​​െൻറയും വെളിപ്പെടുത്തൽ അപഹാസ്യമാണെന്നും അ​േന്വഷണം പ്രഖ്യാപിക്കാൻ സർക്കാറിനെ വെല്ലുവിളിക്കുന്നതായും പ്രതിപക്ഷ നേതാവ് രമേശ് ചെന്നിത്തല. അതീവ രഹസ്യമായി മൂന്ന് ബ്രൂവറികൾക്കും ഒരു ഡിസ്​റ്റിലറിക്കും അനുമതി നൽകി കോടികളുടെ അഴിമതി പുറത്തുവന്നതോടെ അത് മറക്കാനാണ്​ ശ്രമം. ഹരിപ്പാട്ട് മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം.

2003ൽ എ.കെ. ആൻറണി മുഖ്യമന്ത്രിയായിരിക്കെ ചാലക്കുടിക്കടുത്ത് ഷാവാലാസ് കമ്പനിയുടെ സബ്സിഡിയറിയായ മലബാർ ബ്രൂവറീസിന് ലൈസൻസ് നൽകി എന്നായിരുന്നു എക്സൈസ് മന്ത്രിയു​െടയും എൽ.ഡി.എഫ് കൺവീനറുടെയും ആരോപണം. 1998ൽ ഇ.കെ. നായനാർ മുഖ്യമന്ത്രിയായിരിക്കെ ജി.ഒ ആർ.ടി. 546/98/ എഫ്.ഡി ആയാണ്​ ഉത്തരവിറങ്ങിയത്​. ഇതി​​​െൻറ പിതൃത്വം എ.കെ. ആൻറണിയുടെ തലയിൽ കെട്ടിവെ​േക്കണ്ടെന്നും ചെന്നിത്തല പറഞ്ഞു.

99ന് ശേഷം സംസ്ഥാനത്ത് ബ്രൂവറികൾക്കോ ഡിസ്​റ്റിലറികൾക്കോ അനുമതി നൽകിയിട്ടില്ല. മുന്നണിയേയോ മന്ത്രിസഭയേയോ അറിയിക്കാതെ ബ്രൂവറികൾക്കും ഡിസ്​റ്റിലറികൾക്കും അനുമതി നൽകി കോടികൾ വാങ്ങിയത് പുറത്തായപ്പോൾ പിടിച്ച് നിൽക്കാൻ പുതിയ വഴി തേടിയതാണ് ആൻറണിയെ ഇതിലേക്ക് വലിച്ചിഴക്കുന്നതിന് പിന്നിലെന്നും അദ്ദേഹം പറഞ്ഞു.
അനുവദിച്ച സ്ഥലത്തി​​​െൻറ പേരിൽ പോലും അവ്യക്തത നിലനിൽക്കുന്നു. ത​​​െൻറ പത്ത് ചോദ്യങ്ങൾക്ക് 48 മണിക്കൂർ കഴിഞ്ഞിട്ടും മറുപടി തരാത്തത് സത്യം അവർക്ക് അറിയാവുന്നത് കൊണ്ടാണെന്നും പ്രതിപക്ഷ നേതാവ് വ്യക്തമാക്കി.