ബി.​െജ.പിയെ കോഴ നാണ​ക്കേടിൽ നിന്ന്​ സി.പി.എം രക്ഷിച്ചു -ചെന്നിത്തല

ന്യൂഡൽഹി: കേരളത്തിൽ രാഷ്​ട്രപതി ഭരണം വേണമെന്ന ആർ.എസ്​.എസി​​െൻറ ആവശ്യം മെഡിക്കൽ കോളജ്​ കോ​ഴക്കേസിൽനിന്ന്​ ​ശ്രദ്ധതിരിക്കാനുള്ള ദേശീയ പ്രചാരവേലയുടെ ഭാഗമാണെന്ന്​ രമേശ്​ ചെന്നിത്തല. കേരളത്തിൽ വ്യാപകമായി ആയുധപരിശീലനം നടത്തുകയും രാഷ്​ട്രീയ പ്രതിയോഗികളെ വകവരുത്തുകയും ചെയ്യുന്നതിൽ ആർ.എസ്​.എസി​​െൻറ​ പങ്ക്​ ചെറുതല്ല. കേന്ദ്രഭരണത്തി​​െൻറ  ഹുങ്കിൽ നിരവധി അക്രമങ്ങൾ ആർ.എസ്​.എസ്​ സി.പി.എമ്മിനെതിരെ നടത്തിയിട്ടുണ്ട്​.

സംസ്​ഥാന സർക്കാറി​​െൻറ തണലിൽ സി.പി.എമ്മും അക്രമം നടത്തുകയാണ്​. രണ്ട്​ കൂട്ടരും വിചാരിച്ചാൽ അക്രമം ഉടൻ അവസാനിക്കും. രണ്ട്​ കൂട്ടർക്കും അക്രമം അത്യാവശ്യമാണ്​. ഒരു കൂട്ടർക്ക്​ കോഴവിവാദത്തി​​െൻറ ജാള്യത മറക്കാനും മ​േ​റ്റക്കൂട്ടർക്ക്​ ഭരണപരാജയം മറക്കാനുമാണ്​ ഇത്​. സി.പി.എം  നടത്തിയ അക്രമം ബി.ജെ.പിയെ അവരക​െപ്പട്ട നാണക്കേടിൽനിന്ന്​ രക്ഷപ്പെടാൻ സഹായിച്ചു.  കേരളത്തിൽ രാഷ്​ട്രപതി ഭര​ണം ആവശ്യമില്ല. ആർ.എസ്​.എസ്​ നടത്തുന്ന പ്രചാരണം വിനോദസഞ്ചാരകേന്ദ്രമായ കേരളത്തെ ​ ബാധിക്കുമെന്നും ചെന്നിത്തല പറഞ്ഞു.

 ​ബി.ജെ.പിയുടെ മെഡിക്കൽ കോഴ ദേശീയതലത്തിൽ 1000 കോടിയോളം വരും. ഇൗ കാര്യം കോ​ൺഗ്രസ്​ ദേശീയ നേതൃത്വത്തി​​െൻറ മുന്നിൽ കൊണ്ടുവരും. ആൾക്കൂട്ട കൊലവെറിക്കിരയായവർക്ക്​ നഷ്​ട പരിഹാരം​ കൊടുക്കണമെന്നാവശ്യപ്പെട്ട്​ ​പ്രധാനമന്ത്രിക്ക്​ കത്തയച്ചതായും ചെന്നിത്തല അറിയിച്ചു.