മുഖ്യമന്ത്രി കർക്കിടക ചികിത്സയി​ലാണോ എന്ന്​ ചെന്നിത്തല

ന്യൂഡൽഹി: സംസ്​ഥാനത്ത്​ ഇത്രയും വലിയ പ്രളയ ദുരന്തം ഉണ്ടായിട്ടും മുഖ്യമന്ത്രി പിണറായി വിജയനെ കാണാനേ ഇല്ലെന്ന്​ പ്രതിപക്ഷ നേതാവ്​ രമേശ്​ ചെന്നിത്തല. ഡൽഹിയിൽ നിന്ന്​ പോയ ശേഷം അദ്ദേഹം കർക്കിടക ചികിത്സയിലാണോ എന്ന്​ സംശയിക്കുന്നു. മുഖ്യമന്ത്രിയും മന്ത്രിമാരും ജനങ്ങളെ ആശ്വസിപ്പിക്കാനും പ്രളയ ദുരന്ത മേഖല സന്ദർശിക്കാൻ ബാധ്യതയുള്ളവരുമാണ്​​. എന്നാൽ, മുഖ്യമന്ത്രി പ്രളയത്തെപ്പറ്റി യാതൊന്നും പറയുന്നത്​ ​േപാലും കേൾക്കുന്നില്ല. കുട്ടനാട്​, അപ്പർ കുട്ടനാട്​ മേഖലയിലെ പ്രളയം കൈകര്യം ചെയ്യുന്നതിൽ സർക്കാർ കുറ്റകരമായ അനാസ്​ഥയാണ്​ കാട്ടിയത്​.

ആളുകൾക്ക്​ ക്യാമ്പുകളിൽ പോലും പോവാനാവ​ാതെ ഒറ്റപ്പെട്ടു കഴിയുന്നവരുണ്ട്​. തിങ്കളാഴ്​ച ​ ഭക്ഷണ സാധനങ്ങൾ എത്തിക്കുമെന്നാണ്​ അറിയുന്നത്​. ഇതുവരെ അരി എത്തിച്ചിട്ടില്ല.  ഒച്ചി​​​െൻറ വേഗത്തിലാണ്​ ദുരിതശ്വാസ പ്രവർത്തനം നടക്കുന്നത്​. ദുരന്തത്തിന്​ ഇരയായവർക്ക്​ ഒരാൾക്ക്​ 4,000 രൂപ വീതം നൽകുന്ന സംവിധാനം ഉണ്ടാകണം. ദുരന്ത നിവാരണ ഫണ്ടിൽ അതിനുള്ള പണമുണ്ട്​. ക്യാമ്പിൽ വരാത്തവർക്ക്​ സൗജന്യ റേഷൻ നൽകണമെന്ന്​ പ്രതിപക്ഷം ആവശ്യപ്പെട്ടിട്ടും നൽകിയിട്ടില്ല. കടലാക്രമണം നേരിടാൻ രണ്ട്​ വർഷമായിട്ടും ഒരു കല്ലുപോലും ഇട്ടിട്ടില്ല.

സംസ്​ഥാനം സന്ദർശിച്ച കേന്ദ്രമ​ന്ത്രി റിജ്ജു ജനങ്ങളെ പറ്റിക്കുകയാണ്​ ചെയ്​തത്​്​​. കേരളത്തിന്​ ദുരന്ത നിവാരണ സമിതിയിൽ നിന്നും സ്വാഭാവികമായി കി​േട്ടണ്ട പണമാണ്​ 80 കോടി. സർക്കാർ അധികമായി ഒന്നും ഇതുവരെ നൽകിയിട്ടില്ല. 800 കോടിയിലധികം നഷ്​ടമാണ്​ ഉണ്ടായിരിക്കുന്നത്​. അതാണ്​ നൽകേണ്ടത്​. ഇത്​ സംസ്​ഥാന സർക്കാർ ശക്​തമായി ആവശ്യപ്പെടുന്നില്ല എന്നും ​പ്രതിപക്ഷ നേതാവ്​ ​ആരോപിച്ചു.