മുഖ്യമന്ത്രിയും സി.പി.എമ്മും മതങ്ങളെ തമ്മിലടിപ്പിച്ച്​ ബി.ജെ.പിയെ വളർത്തുന്നു -ചെന്നിത്തല

തിരുവനന്തപുരം: മതധ്രുവീകരണം ഉന്നമിട്ട്​ മുഖ്യമന്ത്രിയും സി.പി.എമ്മും മതവിഭാഗങ്ങളെ തമ്മിലടിപ്പിക്കുന്ന അപകടകരമായ രാഷ്​ട്രീയമാണ്​ നടത്തുന്നതെന്ന്​ പ്രതിപക്ഷനേതാവ്​ രമേശ്​ ചെന്നിത്തല. ഇതിലൂടെ തെരഞ്ഞെടുപ്പ്​ വിജയ​ം നേടാെമന്ന സങ്കുചിത നിലപാട്​ അപകടകരമാണ്​. പിണറായി വിജയൻ തുടങ്ങിവെച്ച മതധ്രുവീകരണ പദ്ധതി എ. വിജയരാഘവനും ഏറ്റെടുത്തിരിക്കുന്നു.

ഇതിനായി മുസ്​ലിം ലീഗിനെ അവർ ചളിവാരിയെറിയുകയാണെന്നും അദ്ദേഹം വാർത്തസമ്മേളനത്തിൽ ആരോപിച്ചു.തദ്ദേശ തെരഞ്ഞെടുപ്പിൽ പ്രതീക്ഷിച്ച വിജയം ഉണ്ടായിട്ടില്ലെങ്കിലും യു.ഡി.എഫി​െൻറ രാഷ്​ട്രീയാടിത്തറ തകർന്നിട്ടില്ലെന്ന്​ വോട്ടിങ്​​ ശതമാനം വ്യക്തമാക്കുന്നു. വോട്ട്​ വിഹിതത്തിൽ എൽ.ഡി.എഫി​െനക്കാൾ മുന്നിലാണ്​ യു.ഡി.എഫ്​. യു.ഡി.എഫിനെ തളർത്തി ബി.ജെ.പിയെ വളർത്തുകയെന്ന തന്ത്രമാണ്​ സി.പി.എമ്മും എൽ.ഡി.എഫും സ്വീകരിച്ചിരിക്കുന്നത്​. ഇതിലൂടെ കേരളത്തിൽ ബി.ജെ.പിക്ക്​ സ്ഥാനമുണ്ടാക്കിക്കൊടുക്കാനാണ്​ സി.പി.എം ശ്രമം. തദ്ദേശതെരഞ്ഞെടുപ്പിൽ ബി.ജെ.പിയുമായും എസ്​.ഡി.പി.​െഎയുമായും സി.പി.എം രഹസ്യധാരണയുണ്ടാക്കി. തദ്ദേശ തെരഞ്ഞെടുപ്പിൽ വർഗീയധ്രുവീകരണ തന്ത്രം വിജയിച്ചതിനാൽ അതേ തന്ത്രം നിയമസഭ തെരഞ്ഞെടുപ്പിലും പുറത്തെടുക്കാനാണ്​ സി.പി.എം നീക്കം.

തദ്ദേശ തെരഞ്ഞെടുപ്പ്​ കഴിഞ്ഞതോടെ സർക്കാറി​െൻറ അഴിമതിയും തട്ടിപ്പും മാ​െഞ്ഞന്ന പ്രചാരണത്തിൽ അർഥമില്ല. തെരഞ്ഞെടുപ്പ്​ കഴിഞ്ഞതോടെ ഏത്​ അഴിമതിയും കാണിക്കാമെന്ന ധിക്കാരത്തോടെയാണ്​ വിവിധ സർക്കാർസ്ഥാപനങ്ങളിൽ പിൻവാതിൽ നിയമനങ്ങൾ നടത്തുന്നത്​. സർക്കാർ നൂറുദിന പദ്ധതികൾ പ്രഖ്യാപിക്കുന്നതല്ലാതെ ഒന്നുപോലും നടപ്പാക്കുന്നില്ലെന്നും അദ്ദേഹം പറഞ്ഞു.