രാമനാട്ടുകര സ്വര്‍ണക്കടത്ത്: രണ്ടുപേർ കൂടി അറസ്​റ്റിൽ

കൊണ്ടോട്ടി: രാമനാട്ടുകര വാഹനാപകടത്തിലെ സ്വര്‍ണക്കടത്തുമായി ബന്ധപ്പെട്ട് രണ്ടുപേർ കൂടി അറസ്​റ്റിൽ. കൊടുവള്ളി വാവാട് തെക്കയിൽകണ്ണിപ്പൊഴിൽ ഫിജാസ്​​ (21), മഞ്ചേരി പാണ്ടിക്കാട് റോഡ് സ്വദേശി ശിഹാബ് (35) എന്നിവരാണ്​ അറസ്​റ്റിലായത്. ഇതോടെ കേസിൽ പത്തുപേർ അറസ്​റ്റിലായി.

നേരത്തേ സ്വർണക്കടത്ത്​ കേസിൽ പ്രതിയായിരുന്ന സൂഫിയാ‍െൻറ സഹോദരനാണ് ഫിജാസ്. സൂഫിയാൻ ഒളിവിലാണെന്നാണ് വിവരം. സ്വർണക്കടത്തുമായി ബന്ധപ്പെട്ട് കൊടുവള്ളി സംഘത്തിനും ചെർപ്പുളശ്ശേരി സംഘത്തിനും ഇടയിൽ പ്രവർത്തിച്ചയാളാണ് ഫിജാസ്. ഈ വിവരം ലഭിച്ചതിനെ തുടർന്നാണ് വീട്ടിൽനിന്ന് കസ്​റ്റഡിയിലെടുത്തത്. സംഭവദിവസം ഫിജാസ് കരിപ്പൂർ വിമാനത്താവളത്തിലെത്തിയതായും വിവരം ലഭിച്ചിരുന്നു. രണ്ട് കാറുകളും പൊലീസ് ഫിജാസി‍െൻറ വീട്ടിൽനിന്ന്​ കസ്​റ്റഡിയിലെടുത്തു. ഒരുകാർ ഫിജാസ് ഓടിച്ചും മറ്റൊന്ന് പൊലീസുമാണ് സ്​റ്റേഷനിലെത്തിച്ചത്.

കൊടുവള്ളി സംഘത്തിൽപെട്ട ശിഹാബ് ഫിജാസി‍െൻറ കൂടെ സംഭവദിവസം കരിപ്പൂർ വിമാനത്താവളത്തിലെത്തിയിരുന്നതായി പറയുന്നു. ഇയാൾ മഞ്ചേരിയിലാണ് പിടിയിലായത്.