പാപമോചനത്തി​െൻറ നാളുകൾ

റമദാനി​​െൻറ ദിനരാത്രങ്ങളെ ആരാധനകൾകൊണ്ട് ധന്യമാക്കുന്ന ഓരോ വിശ്വാസിക്കും പ്രതീക്ഷയും ആവേശവും നൽകുന്നതാണ് പാപമോചനത്തി​​െൻറ നാളുകൾ. ജീവിതസാഹചര്യങ്ങൾക്കിടയിൽ വന്നുപോകുന്ന പാപങ്ങൾ നാഥ​​​​െൻറ  മുന്നിൽ ഏറ്റുപറഞ്ഞ് പാപമുക്​തനാകാനുള്ള സുവർണാവസരമാണിത്. അല്ലാഹു ത​​​െൻറ  സുകൃതങ്ങൾ  അടിമകൾക്കായി തുറന്നിടുന്ന ഈ പരിശുദ്ധ മാസത്തിൽ പാപമോചനത്തി​​െൻറ നാളുകളെ നാം പൂർണമായി ഉപയോഗപ്പെടുത്തണം. പാപമോചനത്തിനായി കരങ്ങളുയർത്തുന്നവരെ സ്വീകരിക്കാൻ അല്ലാഹു തൗബയുടെ കവാടങ്ങൾ തുറന്നിട്ടിരിക്കുകയാണ്.

തിന്മകളിലേക്ക്​ വഴുതിപ്പോകുന്നവനാണ് ഒാരോ മനുഷ്യനും. വികാരത്തെ അടക്കിനിർത്തുകയും വിവേകിയായി ജീവിക്കുകയും ചെയ്യുന്നവനാണ്​ യഥാർഥ വിശ്വാസി. ത​​​െൻറ വികാരത്തിനു മുന്നിൽ വീഴ്​ച സംഭവിച്ചവനാണെങ്കിൽ അവൻ മൃഗങ്ങളെക്കാൾ അധഃപതിച്ചവനാണെന്ന്​ അല്ലാഹു വിശുദ്ധ ഖുർആനിൽ സൂചിപ്പിക്കുന്നുണ്ട്. തത്ത്വത്തിൽ ജീവിതവിജയം സുനിശ്ചിതമാകാൻ പാപമോചനവും തൗബയും ഓരോ വിശ്വാസിക്കും നിർണായകമാണ്. 
അല്ലാഹുവും അവ​​​െൻറ പ്രവാചകനും പാപമോചനത്തിലേക്ക്​ വിശ്വാസികളെ േപ്രരിപ്പിക്കുന്നുമുണ്ട്. അല്ലാഹു പറയുന്നു: ‘‘നിങ്ങൾ നിങ്ങളുടെ രക്ഷിതാവിൽനിന്നുള്ള പാപമോചനത്തിലേക്ക് മുന്നിട്ടുവരൂ’’ (സൂറ അൽഹദീദ്).

ഓരോ വിശ്വാസിക്കും ത​​​െൻറ നാഥനിലുള്ള പ്രതീക്ഷയും വിശ്വാസവും വർധിപ്പിക്കുന്നതാണ് ഈ സൂക്​തം. മുഹമ്മദ് നബി പറയുന്നു: ‘‘സത്യവിശ്വാസികളേ, നിങ്ങൾ അല്ലാഹുവിലേക്ക്​ ഖേദിച്ചുമടങ്ങുകയും അവനോട് പാപമോചനം തേടുകയുംചെയ്യുക. നിശ്ചയം, ഓരോ ദിവസവും നൂറുതവണ ഞാൻ അല്ലാഹുവിനോട് പാപമോചനം ചോദിക്കുന്നുണ്ട്’’  (മുസ്​ലിം).  തിന്മകളോട്​ വിടപറഞ്ഞ് നന്മയിലേക്കടുക്കാൻ വിശ്വാസിക്ക്​  അല്ലാഹു തയാറാക്കിയ ഈ അവസരം നാം മുതലെടുക്കണം. സൽക്കർമങ്ങളിലേക്ക് ഓടിയടുക്കാൻ നമ്മുടെ പാപമോചനം നിമിത്തമാകണം. അധാർമികത അരങ്ങുവാഴുമ്പോഴാണ് സാമൂഹിക ചുറ്റുപാടുകൾ അസന്തുലിതമാകുന്നത്. തോന്നിവാസങ്ങളോടുള്ള മനുഷ്യ​​​െൻറ അടങ്ങാത്ത അഭിനിവേശമാണ്​ അവ​​​െൻറ ജീവിതത്തിൽ ഇരുട്ട് പരത്തുന്നത്. 

അടിമ അവ​​​െൻറ പാപങ്ങൾ ഏറ്റുപറഞ്ഞ്​  മാപ്പിരക്കുന്നത്​ യജമാനനായ അല്ലാഹുവിന് ഏറെ സന്തോഷമുളവാക്കുന്നതാണ്. പാപമോചനത്തിലേക്ക് ഒാടിയടുക്കാനുള്ള അവ​​​െൻറ ആഹ്വാനംതന്നെ ഇത്​ വ്യക്​തമാക്കുന്നുണ്ട്. മുഹമ്മദ് നബി പറയുന്നു: ‘‘വിജനമായ മരുഭൂമിയിൽ യാത്രചെയ്യുന്നതിനിടെ ത​​​െൻറ ഭക്ഷണവും വെള്ളവുമടക്കമുള്ളവ വഹിക്കുന്ന വാഹനം നഷ്​ടപ്പെടുകയും മൃതപ്രായനായ ആ മനുഷ്യൻ സർവതും നഷ്​ടപ്പെട്ടതോർത്ത്​ വിലപിക്കുന്നതിനിടെ താൻ നഷ്​ടപ്പെട്ടുവെന്ന്​ വിചാരിച്ചത്​ ത​​​െൻറ മുന്നിലേക്കുതന്നെ തിരിച്ചുവരുകയും ചെയ്യുമ്പോൾ ആ മനുഷ്യനുണ്ടാകുന്ന സന്തോഷമെത്രയാണോ അതിനേക്കാൾ എത്രയോ ഇരട്ടി സന്തോഷമാണ്​  ഒരു അടിമ തന്നിലേക്ക്​ പശ്ചാത്തപിച്ച്മടങ്ങുമ്പോൾ അല്ലാഹുവിനുണ്ടാകുന്നത്’’.

ത​​​െൻറ അടിമകൾ ദോഷങ്ങളിൽനിന്ന്​ മോചനം തേടുന്നത്​ രക്ഷിതാവിനെ ഏറെ പ്രീതിപ്പെടുത്തുന്നതാണെന്ന യാഥാർഥ്യമാണ് മുകളിലുദ്ധരിച്ച തിരുവചനങ്ങൾ ചൂണ്ടിക്കാണിക്കുന്നത്. ഇത്രമേൽ അല്ലാഹു അവ​​​െൻറ അടിമകളെ സ്​നേഹിക്കുകയും അവർക്ക് പാപമോചനത്തി​​​െൻറ കവാടങ്ങൾ തുറന്നിടുകയും ചെയ്യുമ്പോൾ യഥാവിധി അത് ഉപയോഗപ്പെടുത്താൻ സാധിക്കാത്തവൻ തീർത്തും പരാജിതനാണ്, വിശിഷ്യാ, പരിശുദ്ധ റമദാനിൽ. ‘‘റമദാൻ മാസം കടന്നുപോവുകയും പാപമോചനം ലഭിക്കാതെ പോവുകയും ചെയ്യുന്ന മനുഷ്യൻ നശിച്ചുപോകട്ടെ’’ എന്ന ജിബ്​രീലി​​​െൻറ പ്രാർഥനക്ക് പ്രവാചകൻ ആമീൻ പറഞ്ഞ സംഭവം സുവിദിതമാണ്.

അറിഞ്ഞോ അറിയാതെയോ വന്നുപോയ അവിവേകങ്ങൾ പർവതസമാനമായിരിക്കും ഓരോരുത്തരുടേതും. സാമൂഹികസാഹചര്യങ്ങളും ഏറക്കുറെ ഇതിന് ആക്കംകൂട്ടുന്നുണ്ട്. എങ്കിലും പ്രതാപശാലിയും കാരുണ്യവാനുമായ രക്ഷിതാവി​​​െൻറ സമീപത്ത് പശ്ചാത്താപ മനസ്സോടെ വണങ്ങിയാൽ അവൻ സ്വീകരിക്കാതിരിക്കില്ല; അവ​​​െൻറ അനുഗ്രഹങ്ങൾ വർഷിക്കുന്ന ഈ പവിത്ര  മാസത്തിൽ പ്രത്യേകിച്ചും.