Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകുട്ടികളുടെ മനസ്സിലെ...

കുട്ടികളുടെ മനസ്സിലെ നോമ്പുകാരി

text_fields
bookmark_border
കുട്ടികളുടെ മനസ്സിലെ നോമ്പുകാരി
cancel

33​ കൊല്ലം മുമ്പ്​ ജൂൺ മാസത്തിൽ അറബി അധ്യാപികയായി  ചാവക്കാട് ഇരട്ടപ്പുഴ ജി.എൽ.പി സ്കൂളിലേക്ക്​  പ്രകാശിനി ടീച്ചർ കയറിച്ചെന്ന അന്നുതന്നെയായിരുന്നു ആ വർഷത്തെ  നോമ്പുകാലത്തി​​​െൻറ തുടക്കവും. ക്ലാസിലെത്തിയപ്പോൾ മക്കളുടെ നിഷ്​കളങ്കമായ ചോദ്യം ‘ടിച്ച​േറ, ടീച്ചർക്ക് നോമ്പി​േല്ല’  എന്നായിരുന്നു.

അധ്യാപന ജീവിതത്തിനിടെ പല ദിവസങ്ങളിലും അവരോടൊപ്പം ചേർന്ന്​ നോമ്പ്​ പിടിച്ചായിരുന്നു ഇതിനു ടീച്ചറുടെ മറുപടി.​  കുഞ്ഞുമക്കളിൽനിന്ന്​ ലഭിച്ച നന്മയുടെ  പാഠങ്ങൾ ജീവിതത്തിന്​ വഴി കാട്ടിയായിട്ടുണ്ട്​​. നോമ്പ് എടുത്ത കുട്ടികൾ മറ്റു കുട്ടികൾ എന്തുതന്നെ ചെയ്താലും അവരോട് ക്ഷമിക്കും​. നോമ്പുതുറക്കും പെരുന്നാളിനും ടീച്ചറെ ക്ഷണിക്കാൻ വല്ലാത്ത മത്സരമായിരുന്നു കുട്ടികൾക്ക്​​.

തൃശ്ശൂർ ജില്ലയിലെ പാവറട്ടിയിൽ കൊണ്ടക്കാട്ട് വീട്ടിൽ കുമാര​​​െൻറയും അമ്മുവി​​​െൻറയും അഞ്ചാമത്തെ മകളായി ജനിച്ച ടീച്ചറെ ഇല്ലായ്മയിലും വല്ലായ്മയിലും അച്ഛനാണ്​ അറബി പഠിക്കാൻ പ്രേരിപ്പിച്ചത്​.  അച്ഛ​​​െൻറ അടുത്ത് പലരും ചോദിച്ചു എന്തിനാണ് മകളെ അറബി പഠിപ്പിക്കുന്നത്. ഭാഷ മനുഷ്യ​െന കണ്ടെത്താനുള്ള മാർഗമാണെന്നായിരുന്നു അച്ച​​​െൻറ മറുപടി. 

‘ടീച്ചർക്ക് മുസ്​ലിം ആയിക്കൂ​േട, നാളെ സ്കൂളിലേക്ക് വരുമ്പോൾ ടീച്ചർ പൊട്ടുകുത്താതെ വരുമല്ലോ...? ഞങ്ങൾ ബിസ്മി ചൊല്ലിത്തരാം ടീച്ചർ അത് ചൊല്ലിയാൽ മുസ്​ലിം ആയി മാറും. ഞാൻ സന്തോഷത്തോടെ അത് ചൊല്ലും’. ഇത്തരം നിഷ്​കളങ്കത നിറഞ്ഞ വർത്തമാനങ്ങൾ ഏറെ ആസ്വദിച്ചിരുന്നുവെന്ന്​ ടീച്ചർ പറയുന്നു​. സൗദിയിൽ ജോലി ചെയ്യുന്ന ഭർത്താവ്​ ഉണ്ണികൃഷ്ണൻ അറബി അധ്യാപിക എന്ന നിലക്ക്​ ഏറെ പ്രോത്സാഹനമാണ്​ നൽകിയതെന്ന്​ ടീച്ചർ പറയുന്നു​. ഇൗ മാസം 31ന്​ ടീച്ചർവിരമിക്കും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsramadan memoriesmalayalam newsprakashini teacher
News Summary - Ramadan memories of prakashini teacher -Kerala News
Next Story