ചടേനിക്കയുടെ കുടുക്ക

പ​ഴു​ത്ത വ​രി​ക്ക​ച്ചക്ക​യോ ചു​വ​ന്നുതു​ടു​ത്ത ചാ​മ്പ​ക്ക​യോ ഏ​തേ​ലും ഒ​ന്ന് ഉ​ണ്ടാ​വും എ​​​​​െൻറ കു​ട്ടി​ക്കാ​ല നോ​മ്പെ​ടു​ക്ക​ലു​ക​ളെ അ​വ​താ​ള​ത്തി​ലാ​ക്കാ​ൻ.​ പ​ല​പ്പോ​ഴും ക​ണ്ട ആ​വേ​ശ​ത്തി​ന് തി​ന്നുതു​ട​ങ്ങി​യാ​ലാ​വും നോ​മ്പി​​​​​െൻറ കാ​ര്യം ഓ​ർ​മവ​രുക.​ പി​ന്നെ ബേ​ജാ​റാ​യി, വെ​പ്രാ​ള​മാ​യി.
‘‘സാ​ര​ല്ല, ചെ​റി​യ കു​ട്ടി​ക​ള് അ​റി​യാ​തെ തി​ന്നുപോ​യാ കു​ഴ​പ്പ​മി​ല്ല.’’
ചെ​റി​യ കു​ട്ടി പ​രി​ഗ​ണ​ന​യി​ൽ ഞാ​ൻ വീ​ണ്ടും ര​ക്ഷ​പ്പെ​ടും.
അ​ടു​പ്പി​ൽ തി​ള​ക്കു​ന്ന ജീ​ര​ക​ക്ക​ഞ്ഞി (ഞ​ങ്ങ​ടെ പ്രി​യ​പ്പെ​ട്ട ചീ​രോ​ക്ക​ഞ്ഞി). അ​ടു​ക്ക​ള​യി​ലെ പ​ല​ക​യി​ലി​രു​ന്നു കു​ഞ്ഞി​പ്പ​ത്തി​ലി​ന് അ​രി​യു​രു​ട്ടു​ന്ന ഞ​ങ്ങ​ൾ കു​ട്ടി​ക​ൾ നോ​മ്പു​കാ​ല​ത്തെ വൈ​കു​ന്നേ​ര​ക്കാ​ഴ്ച​ക​ളി​ലൊ​ന്നാ​ണ്.​ ക​ഞ്ഞികു​ടി​ക്കാ​ൻ അ​ടു​ത്ത വീ​ട്ടി​ലെ നാ​ണു​മാ​ഷും ര​ഘു​വേ​ട്ട​നു​മു​ണ്ടാ​കും.​ മ​ത​ങ്ങ​ൾ​ക്ക​പ്പു​റ​ത്ത് മ​നു​ഷ്യ​​​​​െൻറയും വി​ശ​പ്പി​​​​​െൻറ​യും വി​ല പ​ഠി​പ്പി​ച്ചുത​ന്ന നോ​മ്പു​കാ​ല​ങ്ങ​ളാ​യി​രു​ന്നു അ​ത്.​ ക​ഞ്ഞി​കു​ടി​ച്ചു കൊ​ണ്ടി​രി​ക്കു​മ്പോൾ വ​രാ​ന്ത​യി​ൽനി​ന്ന്​ ഉ​പ്പാ​പ്പ വി​ളി​ച്ചു ചോ​ദി​ക്കും -​കു​ഞ്ഞ​ൻ ക​ഞ്ഞികു​ടി​ച്ചോ എ​ന്ന്.​ ചോ​ദ്യ​ത്തി​ലെ കു​ട്ടി ഞാ​നാ​ണ്. ​കു​ഞ്ഞു​ങ്ങ​ൾ​ക്ക് എ​ന്നും പ​രി​ഗ​ണ​ന കൊ​ടു​ക്ക​ണ​മെ​ന്ന അ​ടു​ത്ത പാ​ഠ​മാ​യി​രു​ന്നു അ​ത്.

പോ​ണ്ടി​ച്ചേ​രി നോ​മ്പുകാ​ലം
നോ​മ്പാ​ണേ​ലും പെ​രു​ന്നാ​ളാ​ണേ​ലും ഹോ​സ്​റ്റ​ൽ മെ​സ് രാ​ത്രി എ​ട്ടു മ​ണി​ക്കേ തു​റ​ക്കൂ.​ പു​ളി​ച്ച ഇ​ഡ​ലി​യു​ടെ​യും സാ​മ്പാ​റി​​​​​െൻറ​യും മ​ടു​പ്പു കു​റ​ക്കാ​ൻ ഞ​ങ്ങ​ൾ ന​ട​ക്കാ​നി​റ​ങ്ങും.​ ഞാ​നും ന​സ്രീ​നും. ​നോ​മ്പി​ന് ഐ​ക്യ​ദാ​ർ​ഢ്യം പ്ര​ക​ടി​പ്പി​ച്ചു ര​ശ്മി​യു​മു​ണ്ടാ​കും.​ ഹോ​സ്​റ്റ​ലി​നു പിറ​കി​ൽ ക​രി​മ്പി​ൻതോ​ട്ട​ത്തി​നു നടു​വി​ലൊ​രു പ​ള്ളി​യു​ണ്ട്.​ അ​വി​ടെ ബാ​ങ്ക് കൊ​ടു​ക്കു​ന്ന സ​മ​യ​ത്തു ധാ​ന്യ​ക്ക​ഞ്ഞി കി​ട്ടും.​ അ​രി​യും പ​യ​റും ത​ക്കാ​ളി​യും ഉ​ള്ളി​യു​മൊ​ക്കെ ഇ​ട്ട ക​ഞ്ഞി. ​വി​ശ​ന്ന വ​യ​റി​ൽ അ​ത​ങ്ങ് ചെ​ല്ലു​മ്പോൾ വ​ല്ലാ​ത്തൊ​രു നി​റ​വാ​ണ്.​ ഇ​ട​യ്​ക്കു കോ​ള​ജി​നു മു​ന്നി​ലെ ജ്യൂ​സ് ക​ട​യി​ലെ സു​ലൈ​മാ​നി​ക്ക വീ​ട്ടി​ലേ​ക്ക് വി​ളി​ക്കും. ​മൂ​പ്പ​രു​ടെ പ്ര​മേ​ഹ​ക്കാ​ലി​ലെ പ​ഴു​പ്പ് ഉ​ണ​ക്കി​ക്കൊ​ടു​ത്ത ‘ഡോ​ക്ട​ർ​കൊള​ന്ത’ക​ളോ​ടു​ള്ള സ്നേ​ഹം.​ ന​ല്ല ചൂ​ടു​ള്ള പ​രി​പ്പു​വ​ട ഉ​ണ്ടാ​കും.​ ചാ​ണ​ക​ത്ത​റ​യു​ടെ ത​ണു​പ്പി​ലി​രു​ന്ന്​ അ​ങ്ങ​നെ​ത്ര വ​ട​ക​ൾ ക​ഞ്ഞി​യി​ലി​ട്ടു ക​ഴി​ച്ചി​രി​ക്കു​ന്നു.

മോ​ഡ​ൽ പ്രാ​ക്ടി​ക്ക​ൽ പ​രീ​ക്ഷ ന​ട​ക്കു​ന്നൊ​രു നോ​മ്പു​കാ​ലം. രാ​വി​ലെ പ​രീ​ക്ഷ ഇ​ല്ലാ​ത്ത ഞ​ങ്ങ​ൾ എ​സ് ബാച്ചുകാ​ർ മാ​ത്ര​മാ​ണ് ഹോ​സ്​റ്റലി​ൽ ഉ​ണ്ടാ​യി​രു​ന്ന​ത്.​ വെ​ള്ള​മെ​ടു​ക്കാ​ൻ താ​ഴ​ത്തെ നി​ല​യി​ലേ​ക്ക് പോ​യ​താ​യി​രു​ന്നു ഞാ​ൻ.​ കോ​ണി​പ്പ​ട​വി​ലി​രു​ന്നു റൂം ​വൃ​ത്തി​യാ​ക്കാ​ൻ വ​രു​ന്ന ‘അ​ക്ക’മാ​ർ ഭ​ക്ഷ​ണം ക​ഴി​ക്കു​ന്നു​ണ്ടാ​യി​രു​ന്നു.​ അ​വ​രു​ടെ, വ​ക്കു​പൊ​ട്ടി​യ സ്​റ്റീൽ​പാ​ത്ര​ങ്ങ​ളി​ലേ​ക്ക് നോ​ക്കി​യ​പ്പോ​ൾ വ​ല്ലാ​തെ ത​രി​ച്ചുപോ​യി.​ ത​ലേ​ദി​വ​സം ഞ​ങ്ങ​ൾ വേസ്​റ്റ്​ ബാ​സ്ക​റ്റി​ൽ ക​ള​ഞ്ഞ പ​ഴ​കി​യ ബ്ര​ഡിൻെറ ​ക​ഷണ​ങ്ങ​ളും പ്ലാ​സ്​റ്റിക് ക​വ​റി​ൽ കെ​ട്ടി​യ ക​ട​ല​ക്ക​റി​യും.​

പ​ട്ടി​ണി​യൊ​ക്കെ പ​ഴ​യ ത​ല​മു​റ​യു​ടെ ക​ഥ​ക​ളാ​യാ​ണ് അ​ന്നു​വ​രെ ഞ​ങ്ങ​ൾ കേട്ടിരുന്ന​ത്.​ ഇ​തി​പ്പോൾ എ​​​​​െൻറ രാ​ജ്യം ത​ന്നെ​യെ​ന്ന് വി​ശ്വ​സി​ക്കാ​ൻ പ്ര​യാ​സം.​ ഉ​മ്മാ​മ്മ​യു​ടെ ക​ഥ​ക​ളി​ലെ ച​ടേ​നി​ക്ക​യെ​യാ​ണ് അ​ന്നേരം ഓ​ർമ വ​ന്ന​ത്.​ നോ​മ്പു​കാ​ല​ത്ത് നാ​ട്ടു​പ്ര​മാ​ണി​മാ​രു​ടെ വീ​ടു​ക​ളി​ൽ നോ​മ്പു​തു​റ ഒ​രു​ക്കു​ന്ന പാ​ച​ക​ക്കാ​ര​നാ​ണ് ച​ടേ​നി​ക്ക.​ എ​ല്ലാ വി​ഭ​വ​ങ്ങ​ളു​മൊ​രു​ക്കി ക​ഴി​ഞ്ഞ്​, അ​വ​സാ​നം ക​ഴി​ക്കാ​മെ​ന്നു ക​രു​തി, ത​ൻെറ പ​ങ്ക് ഒ​രു കു​ടു​ക്ക​യി​ൽ എ​ടു​ത്തുവെക്കും.​ അ​വ​സാ​നം രാ​ത്രി വൈ​കി അ​ത്താ​ഴ​ത്തി​ൻെറ നേ​ര​ത്തു ക്ഷീ​ണി​ച്ച ശ​രീ​ര​വു​മാ​യി, വി​ശ​പ്പുകെ​ട്ട് ഇ​രി​ക്കു​മ്പോ​ൾ ഒ​ന്നും ക​ഴി​ക്കാ​നാ​വി​ല്ല.​ ഒ​ടു​വി​ൽ വി​ഭ​വ​ക്കു​ടു​ക്ക മാ​റ്റി​െവ​ച്ചു, ക​ത്തി​യ വ​യ​റി​നു മു​ക​ളി​ൽ ഒ​രു ഗ്ലാ​സ് നാ​ര​ങ്ങ​വെ​ള്ളം മാ​ത്രം കു​ടി​ച്ചു കി​ട​ക്കു​ന്നു. ​ഉ​ണ്ടാ​യി​ട്ടും നി​റ​യാ​ത്ത വ​യ​റോ​ടെ അ​ടു​ത്ത ദി​വ​സ​ത്തെ നോ​മ്പി​നെ സ്വീ​ക​രി​ക്കേ​ണ്ടിവ​രു​ന്ന നി​ർഭാ​ഗ്യ​വാ​ന്മാ​രു​ടെ ക​ഥ​യാ​യി​രു​ന്നു അ​ത്.

വ​ർ​ഷ​ങ്ങ​ളി​ങ്ങ​നെ അ​റി​യാ​തെ ഓ​ടി​പ്പോ​വു​ക​യാ​ണ്.​ ആ​ശു​പ​ത്രി​ക്കും വീ​ടി​നു​മി​ട​യി​ൽ, കാ​ഷ്വാ​ലി​റ്റി ഡ്യൂ​ട്ടി​ക്കി​ട​യി​ൽ, ഓ​പ​റേ​ഷ​ൻ തിയ​റ്റ​റി​ൽ​െവ​ച്ച് മു​റി​വ് തു​ന്നു​ന്ന​തി​നി​ട​യി​ൽ, വ​ഴി​യ​രി​കി​ൽ കാ​ർ നി​ർ​ത്തി ത​ട്ടു​ക​ട​യി​ൽനി​ന്ന്, ഒ​ഴി​വു​ദി​വ​സ​ത്തി​​​​​െൻറ ആ​ല​സ്യ​ത്തി​ൽ എ​​​​​െൻറ സ്വ​ന്തം വി​ഭ​വ​ങ്ങ​ൾ പ​രീ​ക്ഷി​ച്ച്​...​ നോ​മ്പും നോ​മ്പു​തു​റ​യും വ്യ​ത്യ​സ്ത​ത​ക​ൾ നി​റ​ച്ചു തു​ട​രു​ന്നു, മ​നു​ഷ്യ​നും വി​ശ​പ്പു​മാ​ണ് മ​ത​ങ്ങ​ളു​ടെ ശ​രി​യാ​യ പാ​ഠ​ങ്ങ​ളെ​ന്നു പ​ഠി​പ്പി​ച്ചു​കൊ​ണ്ട്...