ഖുർആൻ വഴി അന്ധകാര മോചനം

നന്മകൾ പരന്നൊഴുകുന്ന വിശുദ്ധിയുടെ നാളുകൾ ധന്യവും സജീവവുമാക്കാൻ മുസ്​ലിംലോകം മെയ്യും മനസ്സും അറിഞ്ഞ്​ പരിശ്രമിക്കുന്ന കാഴ്​ച പാവന റമദാനിൽ ലോകത്തെമ്പാടും ദൃശ്യമാകുന്നുണ്ട്​. വിശുദ്ധിയുടെയും സ്​നേഹത്തി​​​​െൻറയും സാഹോദര്യത്തി​​​​െൻറയും പരിചാരകരും കാവലാളുകളുമായി മുസ്​ലിംലോകം മാറുന്ന കാഴ്​ച ചേതോഹരവും നയനാനന്ദകരവുമാണ്​. നീണ്ട 23 വർഷങ്ങളിലായിട്ടാണ്​ അല്ലാഹു ഭൂമിയിലേക്ക്​ വിശുദ്ധ ഖുർആൻ അവതരിപ്പിച്ചത്​.

അബ്​ദുൽ ഗഫാർ മൗലവി

 

ഇൗ പുണ്യമാസത്തിൽ ലക്ഷോപലക്ഷം ഖുർആനാണ്​ വിശ്വാസികൾ വാനലോകത്തിന്​ തിരിച്ചുനൽകുന്നത്​. ജിദ്ദയിലെ ഒരു പള്ളിയിൽ ഒരുദിവസം രാത്രിനമസ്​കാരത്തിൽ ഖുർആനി​​​​െൻറ മൂന്നിലൊന്നാണ്​ പാരായണം ചെയ്യുന്നത്. മടുപ്പും ആലസ്യവുമില്ലാതെ നൂറുകണക്കിന്​ വിശ്വാസികൾ അവിടെ നമസ്​കരിക്കുന്നു. കേവലം മൂന്ന്​ ദിവസങ്ങളിൽ ഖുർആൻ മുഴുവനും നമസ്​കാരത്തിൽതന്നെ പൂർത്തിയാവുന്നു. പുണ്യറമദാനിൽ ഇങ്ങനെ 10 തവണയാണ്​ ഖുർആൻ പാരായണം ചെയ്യപ്പെടുന്നത്​. ചെന്നൈയിലും ഹൈദരാബാദിലും ഇൗ രീതി വളരെ നേരത്തേയുണ്ട്​.

തിരുവനന്തപുരത്ത്​ ഒരു സഹോദരൻ റമദാൻ ആദ്യദിവസം ഒരുതവണ ഖുർആൻ മുഴുവനും ഒാതിത്തീർക്കുകയുണ്ടായി. രാവിലെ ആറുമണിക്ക്​ തുടങ്ങി സന്ധ്യാനമസ്​കാരം കഴിഞ്ഞ്​ പൂർത്തിയാക്കി. ഇതറിഞ്ഞ്​ ഒരു സഹോദരി അടുത്തദിവസം ആവേശത്തോടെ ഒരു ‘ഖത്തം’ തീർക്കുകയുണ്ടായി. പുണ്യമാസത്തിൽ ഒന്നിലധികം തവണ വിശുദ്ധഗ്രന്ഥം പൂർത്തിയാക്കുന്ന എത്ര​േയാ പേർ ഉണ്ട്​. സർവശക്തൻ രണ്ട്​ പതിറ്റാണ്ടുകൾകൊണ്ട്​ ഒരു പൂവായി നമുക്ക്​ നൽകിയ വേദഗ്രന്ഥം ഒരു വസന്തമായി മുസ്​ലിംലോകം വാനലോകത്തേക്ക്​ തിരിച്ചുനൽകുന്ന ഹൃദ്യമായ അനുഭവമാണ്​ പുണ്യറമദാനിലെ ഏറ്റവും ചാരിതാർഥ്യകരമായ ദൃശ്യം.

വാനലോകത്തെ മാലാഖമാർ ഇതെല്ലാംകണ്ട്​ പുളകംകൊള്ളുകയാണ്. ‘‘ഒാ പ്രവാചകരേ, ജനങ്ങളെ അന്ധകാരത്തിൽനിന്ന്​ മോചിപ്പിച്ച്​ പ്രകാശത്തിലേക്ക്​ കൊണ്ടുവരാൻവേണ്ടി അല്ലാഹു താങ്കളിലേക്ക്​ അവതരിപ്പിച്ച വേദഗ്രന്ഥമാണ്​ ഇൗ ഖുർആൻ. അതായത്,​ അജയ്യനും സ്​തുത്യർഹനുമായ അല്ലാഹുവി​​​​െൻറ മാർഗത്തിലേക്ക്​ അവിടത്തെ അനുമതിയോടുകൂടി ജനങ്ങളെ വഴിനടത്താനുള്ള ഗ്രന്ഥമാണിത്​’’ (വി.ഖു.14:1). വിശുദ്ധ ഖുർആനിലെ അത്ഭുതങ്ങളും അന്തർരഹസ്യങ്ങളും കണ്ടെത്താൻ ഇൗ പാവനമാസം ഉപയോഗപ്പെടുത്തുന്നവർ ഭാഗ്യവാന്മാർ.