ആരാകും രാജ്യസഭയിലേക്ക് പോവുക?; ചര്‍ച്ച തുടങ്ങി മുന്നണികൾ

തിരുവനന്തപുരം: കേരളത്തില്‍നിന്ന് ഒഴിവ് വരുന്ന മൂന്ന് രാജ്യസഭ സീറ്റുകളിലേക്കുള്ള തെരഞ്ഞെടുപ്പ് പ്രഖ്യാപിച്ചതോടെ, മുന്നണികളിൽ രാഷ്ട്രീയ ചര്‍ച്ച തുടങ്ങി. നിയമസഭയിലെ അംഗബലമനുസരിച്ച് രണ്ട് സീറ്റിൽ ഇടതുമുന്നണിക്കും ഒരെണ്ണത്തിൽ യു.ഡി.എഫിനും വിജയിക്കാം.

എ.കെ. ആന്റണി, കെ. സോമപ്രസാദ്, എം.വി. ശ്രേയാംസ്‌കുമാര്‍ എന്നിവരുടെ കാലാവധിയാണ് ഏപ്രിലിൽ അവസാനിക്കുക. ആന്‍റണിയുടെ ഒഴിവിൽ കോൺഗ്രസ് വീണ്ടും മത്സരിക്കുമെന്നുറപ്പാണ്. എന്നാൽ, ഇടതുമുന്നണിയിൽ ഒരു സീറ്റിന് സി.പി.ഐ അവകാശവാദമുന്നയിക്കും. അതംഗീകരിക്കപ്പെട്ടാൽ ശ്രേയാംസ്‌കുമാറിനോ പാർട്ടിക്കോ സീറ്റ് ലഭിക്കാൻ സാധ്യത കുറവാണ്.

യു.ഡി.എഫ് വിട്ട് എല്‍.ജെ.ഡി ഇടതുമുന്നണിയുടെ ഭാഗമായപ്പോള്‍ അവരുടെ പക്കലുണ്ടായിരുന്ന രാജ്യസഭാംഗത്വം അവർക്കുതന്നെ നൽകുകയായിരുന്നു. രാജ്യസഭാംഗമായിരിക്കെ വീരേന്ദ്രകുമാര്‍ മരിച്ച സാഹചര്യത്തില്‍ ശേഷിച്ച കാലയളവിനാണ് ശ്രേയാംസ്‌കുമാറിന് സീറ്റ് നല്‍കിയത്. സോമപ്രസാദിന് പകരം എ. വിജയരാഘവനെയോ തോമസ് ഐസക്കിനെയോ പരിഗണിക്കാനാണ് സാധ്യത. മുന്നണിക്ക് വിജയിക്കാവുന്ന രണ്ടാമത്തെ സീറ്റിന് സി.പി.ഐ അവകാശവാദമുന്നയിക്കുമെന്ന് വ്യക്തമാക്കിക്കഴിഞ്ഞു.

ഇനി മത്സരത്തിനില്ലെന്ന് ആന്റണി നേരത്തെ പ്രഖ്യാപിച്ച സാഹചര്യത്തില്‍ പുതിയ ഒരാളെ കോണ്‍ഗ്രസിന് കണ്ടെത്തേണ്ടിവരും. കോണ്‍ഗ്രസിലേക്ക് മടങ്ങിയെത്തിയ ചെറിയാന്‍ ഫിലിപ്പിന് അവസരം കിട്ടുമോ എന്നാണ് പലരും ഉറ്റുനോക്കുന്നത്. ആന്റണിയുടെ പഴയ ശിഷ്യനാണ് ചെറിയാൻ. രണ്ട് പതിറ്റാണ്ടിലേറെ പാര്‍ട്ടിക്ക് പുറത്തിരുന്നയാൾക്ക് മടങ്ങിവന്നയുടന്‍ സീറ്റ് നല്‍കുന്നതിനോട് ചിലര്‍ക്കെങ്കിലും അതൃപ്തിയുണ്ട്. അതേസമയം, ഇത്തവണ യുവാക്കളെ പരിഗണിക്കണമെന്ന ആവശ്യം ഉയരുന്നുണ്ട്. അങ്ങനെ വന്നാൽ എം. ലിജു, വി.ടി. ബൽറാം തുടങ്ങിയവരുടെ പേരുകൾ പരിഗണിക്കപ്പെടാം. കെ.പി.സി.സി പ്രസിഡന്‍റും പ്രതിപക്ഷനേതാവും തലസ്ഥാനത്ത് എത്തിയശേഷമേ ഇക്കാര്യത്തിൽ ചർച്ച തുടങ്ങൂ.

എൽ.ഡി.എഫ്‌ തീരുമാനിക്കും -കോടിയേരി

തി​രു​വ​ന​ന്ത​പു​രം: ഒ​ഴി​വ്‌ വ​രു​ന്ന രാ​ജ്യ​സ​ഭ സീ​റ്റ്‌ വി​ഭ​ജ​നം സം​ബ​ന്ധി​ച്ച കാ​ര്യ​ങ്ങ​ൾ എ​ൽ.​ഡി.​എ​ഫ്‌ തീ​രു​മാ​നി​ക്കു​മെ​ന്ന്‌ സി.​പി.​എം സം​സ്ഥാ​ന സെ​ക്ര​ട്ട​റി കോ​ടി​യേ​രി ബാ​ല​കൃ​ഷ്ണ​ൻ പ​റ​ഞ്ഞു. പി. ​ശ​ശി​ക്ക് ഭ​ര​ണ​പ​ര​മാ​യ ചു​മ​ത​ല ന​ൽ​ക​ണോ എ​ന്ന​ത്‌ പാ​ർ​ട്ടി ച​ർ​ച്ച ചെ​യ്ത് തീ​രു​മാ​നി​ക്കും. ഒ​മ്പ​തി​ന്‌ പാ​ർ​ട്ടി സം​സ്ഥാ​ന ക​മ്മി​റ്റി ചേ​ർ​ന്ന്‌ പാ​ർ​ട്ടി കോ​ൺ​ഗ്ര​സി​ൽ അ​വ​ത​രി​പ്പി​ക്കു​ന്ന ക​ര​ട്‌ രാ​ഷ്‌​ട്രീ​യ പ്ര​മേ​യം ച​ർ​ച്ച ചെ​യ്ത്‌ അ​ഭി​പ്രാ​യം അ​റി​യി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. സി.​പി.​എം സം​സ്ഥാ​ന സെ​ക്ര​ട്ട​റി​യാ​യി വീ​ണ്ടും തെ​ര​ഞ്ഞെ​ടു​ക്ക​പ്പെ​ട്ട​ശേ​ഷം ത​ല​സ്ഥാ​ന​ത്ത്​ എ​ത്തി​യ കോ​ടി​യേ​രി തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ൽ മാ​ധ്യ​മ പ്ര​വ​ർ​ത്ത​ക​രു​ടെ ചോ​ദ്യ​ങ്ങ​ൾ​ക്ക്‌ മ​റു​പ​ടി പ​റ​യു​ക​യാ​യി​രു​ന്നു.

തി​രു​വ​ന​ന്ത​പു​ര​ത്തെ​ത്തി​യ കോ​ടി​യേ​രി​ക്ക്‌ സി.​പി.​എം ജി​ല്ല ക​മ്മി​റ്റി​യു​ടെ നേ​തൃ​ത്വ​ത്തി​ൽ വി​മാ​ന​ത്താ​വ​ള​ത്തി​ൽ സ്വീ​ക​ര​ണം ന​ൽ​കി. മ​ന്ത്രി വി. ​ശി​വ​ൻ​കു​ട്ടി, ജി​ല്ല സെ​ക്ര​ട്ട​റി ആ​നാ​വൂ​ർ നാ​ഗ​പ്പ​ൻ, ജി​ല്ല സെ​ക്ര​ട്ട​റി​യേ​റ്റം​ഗം പു​ഷ്പ​ല​ത തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലാ​യി​രു​ന്നു സ്വീ​ക​ര​ണം.