രാജ്യസഭ: മുസ്​ലിം സമുദായത്തെ പരിഗണിക്കണം -ജമാഅത്ത് കൗൺസിൽ

ആലപ്പുഴ: രാജ്യസഭ ഒഴിവുകളിലേക്ക് ഇരുമുന്നണികളും മുസ്​ലിം സമുദായത്തിൽപെട്ടവരെ പരിഗണിക്കണമെന്ന്​ കേരള മുസ്​ലിം ജമാഅത്ത് കൗൺസിൽ സംസ്ഥാന പ്രസിഡൻറ് എ. പൂക്കുഞ്ഞ് വാർത്തസമ്മേളനത്തിൽ ആവശ്യപ്പെട്ടു.

കേരളപ്പിറവിക്ക് ശേഷം സി.പി.എം രാജ്യസഭയിലേക്ക് ഇന്നേവരെ മുസ്​ലിം പ്രതിനിധിയെ പരിഗണിച്ചിട്ടില്ല. കഴിഞ്ഞ മൂന്നു തവണയായി രാജ്യസഭാംഗമായ പി.ജെ. കുര്യനെ വീണ്ടും പരിഗണിക്കാനുള്ള നീക്കം അപലപനീയമാണ്. സമുദായ പ്രാതിനിധ്യത്തിന്​ മുസ്​ലിം പണ്ഡിത സംഘടനകളും പ്രസ്ഥാനങ്ങളും പ്രതികരിക്കണം. ഇല്ലെങ്കിൽ വോട്ടിലൂടെ തങ്ങൾ മറുപടി നൽകുമെന്ന് അദ്ദേഹം പറഞ്ഞു.