ഉണ്ണിത്താനു നേരെ കൈയേറ്റം: സി.പി.എം നടപടി അപമാനകരം -മുല്ലപ്പള്ളി

തിരുവനന്തപുരം: കാസർകോട്​ മണ്ഡലം യു.ഡി.എഫ് സ്ഥാനാർഥി രാജ്‌മോഹന്‍ ഉണ്ണിത്താനെ പിലാത്തറയില്‍ ​െവച്ച് ​ൈക​േയറ് റം ചെയ്യുകയും പ്രചാരണ പൊതുയോഗം അലങ്കോലപ്പെടുത്തുകയും ചെയ്ത സി.പി.എം നടപടി അപമാനകരമെന്ന്​ കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രന്‍.

ജനാധിപത്യസംവിധാനങ്ങളും തെരഞ്ഞെടുപ്പും അട്ടിമറിക്കാനുള്ള ശ്രമങ്ങളുടെ ഭാഗമാണ് ഉണ്ണിത്താനെതിരായ അക്രമം. സി.പി.എം പ്രവര്‍ത്തകര്‍ അക്രമിക്കുമ്പോള്‍ പൊലീസ്​ ഉദ്യോഗസ്ഥര്‍ നിഷ്‌ക്രിയരായി നോക്കിനിന്നു. ഞായറാഴ്ച റീ പോളിങ്​ നടക്കുന്ന ബൂത്തുകളില്‍ വോട്ടര്‍മാര്‍ക്ക് സ്വതന്ത്രവും നിര്‍ഭയവുമായി വോട്ടുരേഖപ്പെടുത്താനാവശ്യമായ സുരക്ഷ ഒരുക്കാന്‍ മുഖ്യതെരഞ്ഞെടുപ്പ് ഒാഫിസർ ജില്ലകലക്ടര്‍മാര്‍ക്ക് നിർദേശം നല്‍കണമെന്നും മുല്ലപ്പള്ളി ആവശ്യപ്പെട്ടു.