കസ്റ്റഡി കൊലപാതകം സി.ബി.ഐ അന്വേഷിക്കണമെന്ന് പി.ടി തോമസ്

കൊച്ചി: രാജ്കുമാർ കസ്റ്റഡി കൊലപാതക കേസ് സി.ബി.ഐ അന്വേഷിക്കണമെന്ന് പി.ടി തോമസ് എം.എൽ.എ. കേസിൽ സമഗ്ര അന്വേഷണം നടത്താൻ ജുഡീഷ്യൽ കമീഷന് സാധിക്കില്ല. പ്രതിപക്ഷ നേതാവ് ആവശ്യപ്പെട്ട അന്വേഷണത്തിനുള്ള സാഹചര്യമില്ല ഇപ്പോഴുള്ളതെന്നും പി.ടി തോമസ് പറഞ്ഞു.

പൊലീസ്, ആശുപത്രി അധികൃതർ, മജിസ്ട്രേറ്റ് എന്നിവർക്ക് വീഴ്ചകൾ സംഭവിച്ചതായി സംശയമുണ്ട്. ഇടുക്കി മുൻ എസ്.പി കെ.ബി വേണുഗോപാലിനെതിരെ നടപടി എടുക്കണമെന്നും പി.ടി തോമസ് ആവശ്യപ്പെട്ടു.