രാജേഷ്​ വധം: മുഖ്യപ്രതികളെ തേടി പൊലീസ്​ വിദേശത്തേക്ക്​ 

തിരുവനന്തപുരം: മുൻ റേഡിയോ ജോക്കി രാജേഷി​​​െൻറ കൊലപാതകം സംബന്ധിച്ച അന്വേഷണവുമായി ബന്ധപ്പെട്ട്​ പൊലീസ്​ വിദേശത്തേക്ക്​ പോകും. അന്വേഷണസംഘം സർക്കാറി​​​െൻറ അനുമതി തേടിയതായാണ്​ വിവരം. അനുമതി ലഭിക്കുന്ന മുറക്ക്​ സംഘാംഗങ്ങളിൽ ചിലർ ഖത്തറിലേക്ക്​ പോകും. കൊലക്ക്​ പിന്നിൽ ഗൾഫിൽനിന്നുള്ള ക്വ​േട്ടഷനാണെന്നും മുഖ്യപ്രതി ഖത്തറിലേക്ക്​ മടങ്ങിയെന്നുമുള്ള വിലയിരുത്തലി​​​െൻറ അടിസ്​ഥാനത്തിലാണ്​ അന്വേഷണസംഘം​. ക്വ​േട്ടഷൻ സംബന്ധിച്ച കാര്യത്തിൽ പൊലീസ്​ ആശയക്കുഴപ്പത്തിലാണ്​. രാ​േജഷുമായി അടുപ്പമുണ്ടായിരുന്ന സ്​ത്രീയുടെ ഭർത്താവ്​ നൽകിയ ക്വ​േട്ടഷനാണ്​ കൊലക്ക്​ പിന്നിലെന്നാണ്​ പൊലീസ്​ ആദ്യം പറഞ്ഞിരുന്നത്​. യുവതിയുടെ സംഭാഷണത്തിലെ വൈരുധ്യമാണ്​ പൊലീസിനെ ഇപ്പോൾ കുഴക്കുന്നത്​. 

ആലപ്പുഴ സ്വദേശിനിയുടെ ഭർത്താവായ വ്യവസായിയാണ്​ അലിഭായി എന്ന സാലിഹിന്​ ക്വ​േട്ടഷൻ നൽകിയതെന്നാണ്​ പൊലീസ്​ പറയുന്നത്​. എന്നാൽ, അന്വേഷണത്തിൽ വ്യവസായി സാമ്പത്തികമായി തകർന്ന അവസ്​ഥയിലാണെന്നും അഞ്ച്​ ലക്ഷം റിയാലി​​​െൻറ കടക്കാരനാണെന്നും കണ്ടെത്തിയിട്ടുണ്ട്​. ആ സാഹചര്യത്തിൽ ക്വ​േട്ടഷൻ തുക നൽകിയതാരെന്നതും സംശയകരമാണ്​. അലിഭായി വ്യവസായിയുടെ ജിംനേഷ്യത്തിലെ ഇൻസ്​ട്രക്​ടറാണ്​. സ്​ത്രീയുമായി അലിഭായിക്കും നല്ല സൗഹൃദമാണ്​ ഉണ്ടായിരുന്നതെന്ന്​ പൊലീസ്​ പറയുന്നു. അതിനാൽ സ്​ത്രീയെ നേരിൽ കണ്ട്​ കാര്യങ്ങൾ ചോദിക്കുകയാണ്​ പൊലീസി​​​െൻറ ലക്ഷ്യം. 

സാമ്പത്തിക ഇടപാടുകളുടെ പേരിൽ വ്യവസായിക്കും യുവതിക്കും ഖത്തറിൽനിന്ന്​ പു​റത്തേക്ക്​ പോകുന്നതിന്​ നിരോധമുണ്ട്​. വ്യവസായിയുടെ അഭിമുഖം ഗൾഫിലെ എഫ​്​.എം റേഡിയോ സംപ്രേഷണം ചെയ്​തിട്ടുണ്ട്​. യുവതിയുമായുള്ള വിവാഹബന്ധം താൻ മൂന്നു​മാസം മുമ്പ്​ വി​ച്ഛേദിച്ചുവെന്നും രണ്ട്​ പെൺമക്കളുമായാണ്​ താൻ കഴിയുന്നതെന്നുമാണ്​ അയാൾ വ്യക്ത​മാക്കുന്നത്​. സാലിഹ്​ ഖത്തറിൽ തന്നെയുണ്ടെന്നും പറയുന്നു​. 

രാജേഷി​​​െൻറ കൊലക്ക്​ പിന്നിൽ മറ്റാർക്കെങ്കിലും പങ്കുണ്ടോയെന്ന നിലയിലും പൊലീസ്​ അന്വേഷണം നടത്തുന്നുണ്ട്​. കഴിഞ്ഞദിവസം ഇൗ കേസുമായി ബന്ധപ്പെട്ട്​ പൊലീസ്​ അറസ്​റ്റ്​ ചെയ്​ത സജുവിനെ ആറ്റിങ്ങൽ കോടതിയിൽ ഹാജരാക്കി റിമാൻറ്​ ചെയ്​തിട്ടുണ്ട്​. മറ്റൊരു പ്രതിയായ അപ്പുണ്ണിയെ പിടികൂടാൻ ശ്രമം നടത്തുന്നുണ്ടെന്നും പൊലീസ്​ പറഞ്ഞു.