പ്രോട്ടോകോൾ ഓഫിസർക്ക് പാസ് നിഷേധിച്ച സംഭവം: രാജ്ഭവൻ വിശദീകരണം തേടി

കൊ​ണ്ടോ​ട്ടി: ക​രി​പ്പൂ​ർ വി​മാ​ന​ത്താ​വ​ള​ത്തി​ൽ ഗ​വ​ർ​ണ​റെ സ്വീ​ക​രി​ക്കാ​നെ​ത്തി​യ പ്രോ​ട്ടോ​കോ​ൾ ഓ​ഫി​സ​ർ​ക്ക് പാ​സ് നി​ഷേ​ധി​ച്ച സം​ഭ​വ​ത്തി​ൽ രാ​ജ്ഭ​വ​ൻ വി​ശ​ദീ​ക​ര​ണം തേ​ടി. മ​ല​പ്പു​റം ക​ല​ക്ട​ർ അ​മി​ത് മീ​ണ​യോ​ടാ​ണ് വി​ശ​ദീ​ക​ര​ണം ആ​വ​ശ്യ​പ്പെ​ട്ട​ത്.  ക​ഴി​ഞ്ഞ ഏ​പ്രി​ൽ 29ന് ​ഗ​വ​ർ​ണ​ർ പി. ​സ​ദാ​ശി​വം കാ​സ​ർ​കോ​ട്​ ജി​ല്ല​യി​ലെ പ​രി​പാ​ടി​യി​ൽ പ​ങ്കെ​ടു​ക്കാ​ൻ എ​ത്തി​യ​താ​യി​രു​ന്നു. ഇ​ദ്ദേ​ഹ​ത്തെ സ്വീ​ക​രി​ക്കാ​നു​ള്ള പ്രോ​ട്ടോ​കോ​ൾ ഓ​ഫി​സ​റാ​യ ഡെ​പ്യൂ​ട്ടി ക​ല​ക്ട​ർ അ​ബ്​​ദു​ൽ റ​ഷീ​ദി​ന് എ​യ​ർ​പോ​ർ​ട്ട് അ​തോ​റി​റ്റി ജീ​വ​ന​ക്കാ​ർ അ​ക​ത്തേ​ക്കു​ള്ള പാ​സ് അ​നു​വ​ദി​ച്ചി​രു​ന്നി​ല്ല. 

ഗ​വ​ർ​ണ​ർ വി​മാ​നം ഇ​റ​ങ്ങി​യ ഉ​ട​ൻ യാ​ത്ര തി​രി​ക്കു​മെ​ന്നും അ​തി​നാ​ൽ പാ​സ് ന​ൽ​കേ​ണ്ട ആ​വ​ശ്യ​മി​ല്ലെ​ന്നു​മാ​യി​രു​ന്നു സെ​ക്യൂ​രി​റ്റി വി​ഭാ​ഗ​ത്തി​ലെ ഉ​ദ്യോ​ഗ​സ്ഥ​ർ അ​റി​യി​ച്ചി​രു​ന്ന​ത്. തു​ട​ർ​ന്ന് ജി​ല്ല പൊ​ലീ​സ് മേ​ധാ​വി അ​ട​ക്ക​മു​ള്ള​വ​ർ ഇ​ട​പെ​ട്ടാ​ണ് ഡെ​പ്യൂ​ട്ടി ക​ല​ക്ട​റെ അ​ക​ത്തേ​ക്ക് പ്ര​വേ​ശി​പ്പി​ച്ച​ത്. പി​ന്നീ​ട് ഗ​വ​ർ​ണ​ർ മ​ട​ങ്ങി​പ്പോ​കു​ന്ന സ​മ​യ​ത്ത് ഇ​തേ പ്രോ​ട്ടോ​കോ​ൾ ഓ​ഫി​സ​ർ വി​മാ​ന​ത്താ​വ​ള​ത്തി​ലെ​ത്തി​യി​രു​ന്നി​ല്ല. രാ​വി​ലെ പാ​സ് അ​നു​വ​ദി​ക്കാ​തി​രു​ന്ന​തി​നാ​ലാ​ണ് വൈ​കു​ന്നേ​രം എ​ത്താ​തി​രു​ന്ന​ത്. 
പ്രോ​ട്ടോ​കോ​ൾ ഓ​ഫി​സ​ർ ഇ​ല്ലാ​ത്ത​തി​നെ കു​റി​ച്ച് ഗ​വ​ർ​ണ​ർ അ​ന്ന് ത​ന്നെ അ​ന്വേ​ഷി​ച്ചി​രു​ന്നു. തു​ട​ർ​ന്നാ​ണ് ഈ ​സം​ഭ​വ​ത്തി​ൽ വി​ശ​ദീ​ക​ര​ണം ആ​വ​ശ്യ​പ്പെ​ട്ട് ക​ല​ക്ട​റേ​റ്റി​ലേ​ക്ക് ക​ത്ത് ല​ഭി​ച്ച​ത്. സം​ഭ​വം ന​ട​ന്ന ദി​വ​സം എ​യ​ർ​പോ​ർ​ട്ട് ഡ​യ​റ​ക്ട​റും ജീ​വ​ന​ക്കാ​രി​ൽനി​ന്ന് വി​ശ​ദീ​ക​ര​ണം തേ​ടി​യി​രു​ന്നു. ക​രി​പ്പൂ​ർ വി​മാ​ന​ത്താ​വ​ള​ത്തി​ൽ മു​മ്പും സ​ർ​ക്കാ​ർ ഉ​ദ്യോ​ഗ​സ്ഥ​ർ​ക്ക് പ്ര​വേ​ശ​നം നി​ഷേ​ധി​ച്ചി​രു​ന്നു.