കനത്ത മഴക്ക് സാധ്യത; അഞ്ച് ജില്ലകളിൽ യെല്ലോ അലർട്ട്
text_fieldsതിരുവനന്തപുരം: സംസ്ഥാനത്ത് അടുത്ത രണ്ടു ദിവസങ്ങളില് കനത്ത മഴക്ക് സാധ്യതയെന്ന് കാലാവസ്ഥ നിരീക്ഷണകേന്ദ്രത്തിെൻറ മുന്നറിയിപ്പ്. 24 മണിക്കൂറിനുള്ളില് ഏഴു മുതല് 11 സെ.മീറ്റര് വരെ കനത്ത മഴക്കാണ് സാധ്യത.
തിരുവനന്തപുരം മുതല് എറണാകുളം വരെയുള്ള ജില്ലകളില് ഒറ്റപ്പെട്ട സ്ഥലങ്ങളില് കനത്ത മഴ പെയ്യും. കാലാവസ്ഥ മുന്നറിയിപ്പിെൻറ പശ്ചാത്തലത്തില് വയനാട്, ഇടുക്കി ജില്ലകളില് ചൊവ്വ, ബുധന് ദിവസങ്ങളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
പത്തനംതിട്ട ജില്ലയില് ചൊവ്വാഴ്ചയും പാലക്കാട്, തൃശൂര് ജില്ലകളില് ബുധനാഴ്ചയും യെല്ലോ അലര്ട്ട് പ്രഖ്യാപിച്ചു. ഒഡിഷ തീരത്ത് രൂപം കൊണ്ട ചുഴലിക്കാറ്റ് ഛത്തിസ്ഗഢ് ഭാഗത്തേക്ക് നീങ്ങുകയാണ്. ചുഴലിക്കാറ്റിെൻറ പ്രഭാവമാണ് കേരളത്തില് മഴക്കിടയാക്കുന്നതെന്നും കാലാവസ്ഥ നിരീക്ഷണകേന്ദ്രം അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.