കനത്ത മഴ: ട്രെയിനുകൾ റദ്ദാക്കി; റോഡ് ഗതാഗതം തടസപ്പെട്ടു
text_fieldsതിരുവനന്തപുരം: സംസ്ഥാനത്തിെൻറ വിവിധ ഭാഗങ്ങളിൽ കനത്ത മഴയും വെള്ളപ്പൊക്കവും തുടരുന്നു. റെയിൽ - റോഡ് ഗതാഗതവും താറുമാറായി. തിരുവനന്തപുരത്തു നിന്നുള്ള എല്ലാ ട്രെയിൻ സർവീസുകളും റദ്ദാക്കി. എറണാകുളം – ചാലക്കുടി റൂട്ടിൽ ട്രെയിൻ ഗതാഗതം താൽക്കാലികമായി നിർത്തിവച്ചു. പല ട്രെയിനുകളും പാലക്കാട് വരെയായി വെട്ടിച്ചുരുക്കി. മുട്ടംയാർഡിൽ വെള്ളംകയറിയതിനെ തുടർന്ന് കൊച്ചി മെട്രോ സർവീസുകൾ നിർത്തിവെച്ചു.
തൃശൂർ നഗരത്തിലെ താഴ്ന്ന പ്രദേശങ്ങളിലും വെള്ളം കയറി. നഗരം പൂർണമായും വെള്ളത്തിനടിയിലായിരിക്കുന്നു. അശ്വനി ജംങ്ഷൻ, ശക്തൻ ബസ്സ്റ്റാൻഡ്, എന്നിവിടങ്ങളിൽ ജലനിരപ്പ് ഉയർന്ന് ഗതാഗതം താറുമാറായി. തൃശൂർ - ചാലക്കുടി ട്രെയിൻ സർവീസ് നിർത്തി. ദേശീയ പാതകൾ ഉൾപ്പെടെ തൃശൂർ ജില്ലയിൽ റോഡ് ഗതാഗതവും പലയിടത്തും തടസ്സപ്പെട്ടു. ദേശീയപാത 66 ൽ ഗുരുവായൂർ- എർണാകുളം ലിമിറ്റഡ് സ്റ്റോപ്പുകൾ ഓട്ടം നിർത്തി. ചാലക്കുടിപ്പുഴ കരകവിഞ്ഞ് നഗരത്തിൽ വെള്ളം കയറി. വീടുകൾ പൂർണമായും മുങ്ങി. ഡിവൈൻ ധ്യാന കേന്ദ്രത്തിൽ 470 പേർ കുടുങ്ങിക്കിടക്കുന്നു. ആലുവ റെയിൽവേ പാലത്തിന് സമീപം പെരിയാറിലെ ജലനിരപ്പ് അപകടനിലയിൽ ഉയർന്നിരിക്കുകയാണ്.
ശബരിമലയിലും പമ്പയിലും മഴയും വെള്ളപ്പൊക്കവും തുടരുന്നതിനാൽ ഇനിയൊരറിയിപ്പുണ്ടാകും വരെ ഭക്തർ ശബരിമല യാത്ര ഒഴിവാക്കണെമന്ന് ദേവസ്വം ബോർഡ് നിർദേശം നൽകി. മലപ്പുറം കുറ്റിപ്പുറം - തിരൂർ റോഡിൽ വെള്ളം കയറി. ഗതാഗതം ഭാഗികമായി തടസപ്പെട്ടു. മഞ്ചാടി, തായത്തറ, ചെമ്പിക്കൽ എന്നിവിടങ്ങിലാണ് വെള്ളം കയറിയത്. കുറ്റിപ്പുറം നിലയോരം പാർക്ക് വെള്ളത്തിനടയിലായി. പാലക്കാട്-കോഴിക്കോട്, കോഴിക്കോട്- വയനാട് ദേശീയപാതയിൽ പലയിടങ്ങളിലും വെള്ളം കയറി റോഡ് ഗതാഗതം സ്തംഭിച്ചു.
കുറ്റ്യാടി- പക്രന്തളം ചുരം അപകടാവസ്ഥയിലാണ്. എമർജൻസി സർവ്വീസുകൾ ഒഴികെ ചുരം വഴിയുള്ള യാത്ര ഒഴിവാക്കണമെന്ന് അധികൃതർ അറിയിച്ചു. കുറ്റ്യാടി, വേളം, പെരുവയൽ, വാണിമേൽ, വിഷ്ണുമംഗലം, വിലങ്ങാട്, തൊട്ടിൽപാലം നിവാസികൾ അതീവ ജാഗ്രത പുലർത്തണം. കുട്ടികളെ വളരെയധികം ശ്രദ്ധിക്കുക. അടിയന്തിര ഘട്ടങ്ങളിൽ ഫയർ ഫോഴ്സ്, പോലീസ്,എൻ.ഡി.ആർ.എഫ് എന്നിവയുടെ സഹായം അഭ്യർത്ഥിക്കണെമന്നും അധികൃതർ അറിയിച്ചു.
റെയിൽവേയുടെ പത്രക്കുറിപ്പ്
വെള്ളം കയറിയതിനാല് അങ്കമാലിക്കും ആലുവയ്ക്കും ഇടയില് ബ്രിഡ്ജ് നമ്പര് 176ലൂടെ തീവണ്ടികള് കടത്തിവിടുന്നതു താല്ക്കാലികമായി നിര്ത്തിവെച്ചു. ഈ സാഹചര്യത്തില് തീവണ്ടിഗതാഗതത്തില് താഴെപ്പറയുന്ന ക്രമീകരണങ്ങള് വരുത്തിയിട്ടുണ്ട്.
16-08-18നു റദ്ദാക്കിയ തീവണ്ടികള്:
- 56361 ഷൊര്ണൂര്-എറണാകുളം പാസഞ്ചര് ഓടില്ല.
16-08-18ന് ഓട്ടം പുനഃക്രമീകരിച്ച തീവണ്ടികള്:
- 15-08-18നു ഹൂബ്ലിയില്നിന്നു പുറപ്പെട്ട 12777-ാം നമ്പര് ഹൂബ്ലി-കൊച്ചുവേളി എക്സ്പ്രസ് തൃശൂര് വരെ മാത്രമേ സര്വീസ് നടത്തുകയൂള്ളൂ.
- 15-08-18നു ചെന്നൈ സെന്ട്രലില്നിന്നു പുറപ്പെട്ട 12695-ാം നമ്പര് ചെന്നൈ-തിരുവനന്തപുരം സൂപ്പര്ഫാസ്റ്റ് എക്സ്പ്രസ് പാലക്കാട് ജംക്ഷനില് ഓട്ടം നിര്ത്തും.
- 15-08-18നു കാരയ്ക്കലില്നിന്നു പുറപ്പെട്ട 16187-ാം നമ്പര് കാരയ്ക്കല്-എറണാകുളം എക്സ്പ്രസ് പാലക്കാട് ജംക്ഷന് വരെ മാത്രമേ ഓടുകയുള്ളൂ.
16-08-18നു ഭാഗികമായി റദ്ദാക്കിയ തീവണ്ടി സര്വീസുകള്:
- 16-08-18ന്റെ 12778-ാം നമ്പര് കൊച്ചുവേളി-ഹൂബ്ലി എക്സ്പ്രസിന്റെ സര്വീസ് കൊച്ചുവേളി മുതല് തൃശ്ശൂര് വരെ റദ്ദാക്കി. തൃശ്ശൂരില്നിന്നാണ് ഈ തീവണ്ടിയുടെ സര്വീസ് ആരംഭിക്കുക.
- 16-08-18ന്റെ 12696-ാം നമ്പര് തിരുവനന്തപുരം-ചെന്നൈ സൂപ്പര്ഫാസ്റ്റ് എക്സ്പ്രസിന്റെ തിരുവനന്തപുരം മുതല് പാലക്കാട് വരെയുള്ള ഓട്ടം റദ്ദാക്കി. തീവണ്ടി പാലക്കാട് ജംക്ഷനില്നിന്നു പുറപ്പെടും.
- 16-08-18ന്റെ 16188-ാം നമ്പര് എറണാകുളം-കാരയ്ക്കല് എക്സ്പ്രസ് എറണാകുളത്തിനും പാലക്കാടിനും ഇടയില് ഓടില്ല. പാലക്കാട് ജംക്ഷനില്നിന്നാണ് സര്വീസ് ആരംഭിക്കുക.
16-08-18നു വഴിതിരിച്ചുവിടപ്പെട്ട തീവണ്ടികള്:
- 14-08-18നു മുംബൈ സി.എസ്.എം.ടിയില്നിന്നു തിരിച്ച 16381-ാം നമ്പര് മുംബൈ-കന്യാകുമാരി ജയന്തി എക്സ്പ്രസ് ഈറോഡ്, ഡിണ്ടിഗല്, മധുര ജംക്ഷന് വഴി തിരിച്ചുവിട്ടു.
- 15-08-18നു കെ.എസ്.ആര്. ബെംഗളുരുവില്നിന്നു പുറപ്പെട്ട 16526-ാം നമ്പര് ബെംഗളുരു-കന്യാകുമാരി അയലന്റ് എക്സ്പ്രസ് സേലം, നാമക്കല്, ഡിണ്ടിഗല്, തിരുനല്വേലി വഴി തിരിച്ചുവിടും.
വഴിയില് ഓട്ടം നിയന്ത്രിച്ച തീവണ്ടികള്:
- 15-08-18നു മംഗലാപുരം ജംക്ഷനില്നിന്നു പുറപ്പെട്ട 16603-ാം നമ്പര് മംഗലാപുരം-തിരുവനന്തപുരം മാവേലി എക്സ്പ്രസ് ഷൊര്ണൂര് ജംക്ഷനില് നിര്ത്തിയിടും.
- 15-08-18നു മംഗലാപുരം ജംക്ഷനില്നിന്നു പുറപ്പെട്ട 16630-ാം നമ്പര് മംഗലാപുരം-തിരുവനന്തപുരം മലബാര് എക്സ്പ്രസ് ഷൊര്ണൂര് ജംക്ഷനില് നിര്ത്തിയിടും.
- 16-08-18നു ഗുരുവായൂരില്നിന്നു പുറപ്പെടുന്ന 16341-ാം നമ്പര് ഗുരുവായൂര്-തിരുവനന്തപുരം ഇന്റര്സിറ്റി വഴിതിരിച്ചുവിടും.
അങ്കമാലി-ആലുവ റൂട്ടില് ഒരു ട്രാക്കിലൂടെ മാത്രം സര്വീസ് നടക്കുന്നതിനാല് 16-08-18നു വൈകിയ തീവണ്ടികള്:
- 15-08-18നു മധുരയില്നിന്നു തിരിച്ച 16344-ാം നമ്പര് മധുര-തിരുവനന്തപുരം അമൃത എക്സ്പ്രസ്.
- 14-08-18നു ഹസ്രത്ത് നിസാമുദ്ദീനില്നിന്നു തിരിച്ച 12432-ാം നമ്പര് ഹസ്രത്ത് നിസാമുദ്ദീന്-തിരുവനന്തപുരം രാജധാനി എക്സ്പ്രസ്.
- 15-08-18നു കെ.എസ്.ആര്.ബെംഗളുരുവില്നിന്നു തിരിച്ച 16315-ാം നമ്പര് കെ.എസ്.ആര്.ബെംഗളുരു-കൊച്ചുവേളി എക്സ്പ്രസ്.
- 14-08-18നു ഹസ്രത്ത് നിസാമുദ്ദീനില്നിന്നു തിരിച്ച 12646-ാം നമ്പര് ഹസ്രത്ത് നിസാമുദ്ദീന്-എറണാകുളം മില്ലേനിയം എക്സ്പ്രസ്.
- 154-08-18നു ചെന്നൈ സെന്ട്രലില്നിന്നു തിരിച്ച 12623-ാം നമ്പര് ചെന്നൈ-തിരുവനന്തപുരം മെയില്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.