മഴയും മരംവീഴലും; താളം തെറ്റി ട്രെയിൻ ഗതാഗതം, വ​ന്ദേഭാരത്​ വൈകിയത്​ രണ്ടര മണിക്കൂർ, ഭൂ​വു​ട​മ​ക​ൾ​ക്കെ​തി​രെ ന​ട​പ​ടി​ക്ക് റെ​യി​ൽ​വേ

തി​രു​വ​ന​ന്ത​പു​രം: ക​ന​ത്ത​മ​ഴ​യും ​ട്രാ​ക്കി​ലേ​ക്കു​ള്ള മ​രം വീ​ഴ​ലു​ക​ളും മൂ​ലം ട്രെ​യി​ൻ ഗ​താ​ഗ​തം താ​ളം തെ​റ്റി. സ​മ​യ​കൃ​ത്യ​ത​യി​ൽ മു​ൻ​പ​ന്തി​യി​ലു​ള്ള പ്രീ​മി​യം സ​ർ​വി​സാ​യ മം​ഗ​ളൂ​രു-​തി​രു​വ​ന​ന്ത​പു​രം വ​ന്ദേ ഭാ​ര​ത് എ​ക്സ്​​പ്ര​സ്​ ര​ണ്ട​ര മ​ണി​ക്കൂ​ർ വൈ​കി​യാ​ണ് ചൊ​വ്വാ​ഴ്ച ഓ​ടി​യ​ത്. വൈ​കീ​ട്ട്​ 3.05ന്​ ​തി​രു​വ​ന​ന്ത​പു​ര​ത്ത്​ എ​ത്തേ​ണ്ട ട്രെ​യി​ൻ വ​ന്ന​ത്​ വൈ​കീ​ട്ട്​ അ​ഞ്ചി​ന്. ഇ​തി​നെ തു​ട​ർ​ന്ന്​ ട്രെ​യി​നി​ന്‍റെ മ​ട​ക്ക​യാ​ത്ര​യും വൈ​കി. വൈ​കീ​ട്ട്​ 4.0ന്​ ​തി​രു​വ​ന​ന്ത​പു​ര​ത്ത് നി​ന്ന്​ തി​രി​ക്കേ​ണ്ട മം​ഗ​ളൂ​രു വ​ന്ദേ​ഭാ​ര​ത്​ (20632) ഒ​രു മ​ണി​ക്കൂ​റും അ​ഞ്ച്​ മി​നി​റ്റും വൈ​കി 5.10 നാ​ണ്​ യാ​ത്ര ആ​രം​ഭി​ച്ച​ത്. ​​കോ​ഴി​ക്കോ​ട്​ ഭാ​ഗ​ത്തു​നി​ന്ന്​ തി​രു​വ​ന​ന്ത​പു​രം ഭാ​ഗ​ത്തേ​ക്കു​ള്ള ട്രെ​യി​നു​ക​ളാ​ണ്​ ചൊ​വ്വാ​ഴ്ച വൈ​കി​യ​വ​യി​ലേ​റെ​യും.

മം​ഗ​ളൂ​രു-​തി​രു​വ​ന​ന്ത​പു​രം പ​ര​ശു​റാം എ​ക്സ്​​പ്ര​സ്​ മൂ​ന്നു​മ​ണി​ക്കൂ​റി​ലേ​റെ​ വൈ​കി. ഉ​ച്ച​ക്ക്​ 12.30ന്​ ​അ​ങ്ക​മാ​ലി​യി​ലെ​ത്തേ​ണ്ട ട്രെ​യി​ൻ വ​ന്ന​ത് വൈ​കീ​ട്ട്​​നാ​ലോ​ടെ. ഗാ​ന്ധി​ധാം-​തി​രു​നെ​ൽ​വേ​ലി ഹം​സ​ഫ​ർ എ​ക്സ്​​പ്ര​സ്, മം​ഗ​ളൂ​രു-​തി​രു​വ​ന​ന്ത​പു​രം ഏ​റ​നാ​ട് എ​ക്സ്​​പ്ര​സ്​ എ​ന്നി​വ​ർ ഒ​ന്ന​ര മ​ണി​ക്കൂ​ർ വ​രെ വൈ​കി. ക​ണ്ണൂ​ർ -തി​രു​വ​ന​ന്ത​പു​രം ജ​ന​ശ​താ​ബ്​​ദി അ​ര​മ​ണി​ക്കൂ​ർ വ​രെ​യും. പാ​സ​ഞ്ച​ർ ട്രെ​യി​നു​ക​ളു​ടെ സ്ഥി​തി​യും ​വ്യ​ത്യ​സ്ത​മ​ല്ല.

തി​രു​വ​ന​ന്ത​പു​ര​ത്തു​നി​ന്ന്​ രാ​വി​ലെ പു​റ​പ്പെ​ട്ട ട്രെ​യി​നു​ക​ൾ പ​ല​തും വ​ഴി​യി​ൽ പി​ടി​ച്ചി​ട്ടു. തി​രു​വ​ന​ന്ത​പു​രം -കാ​സ​ർ​കോ​ട്​ വ​ന്ദേ​ഭാ​ര​ത് 45 മി​നി​റ്റ് വൈ​കി​യാ​ണ് ചൊ​വ്വാ​ഴ്ച ഓ​ടി​യ​ത്. ഈ ​ട്രെ​യി​നി​ന്​ ഷെ​ഡ്യൂ​ൾ പ്ര​കാ​ര​മു​ള്ള സ​മ​യ​ക്ര​മം പാ​ലി​ക്കാ​നാ​യ​ത്​ ഷൊ​ർ​ണൂ​രി​നു​​ശേ​ഷ​മാ​ണ്. തി​രു​വ​ന​ന്ത​പു​ര​ത്തു​നി​ന്ന് രാ​വി​ലെ പു​റ​പ്പെ​ട്ട ജ​ന​ശ​താ​ബ്ദി​യും വൈ​കി. കൊ​ല്ല​ത്തി​നും തൃ​​​ശൂ​രി​നു​മി​ട​ക്കാ​ണ്​ സ​മ​യം തെ​റ്റി​യോ​ടി​യ​ത്. കൊ​ല്ല​മെ​ത്തി​യ​ത്​ 15 മി​നി​റ്റ് വൈ​കി​യാ​ണെ​ങ്കി​ൽ ചേ​ർ​ത്ത​ല​യാ​യ​പ്പോ​ഴേ​ക്കും വൈ​ക​ൽ അ​ര​മ​ണി​ക്കൂ​റോ​ള​മാ​യി. തി​രു​വ​ന​ന്ത​പു​രം-​ജാം​ന​ഗ​ർ എ​ക്സ്​​പ്ര​സ്​ 50 മി​നി​റ്റ് വ​രെ വൈ​കി. തി​രു​വ​ന​ന്ത​പു​രം- മം​ഗ​ളൂ​രു ഏ​റ​നാ​ട് എ​ക്സ്​​പ്ര​സ്​ 45 മി​നി​റ്റ്​​ വൈ​കി​യാ​ണ്​ വി​വി​ധ സ്​​റ്റേ​ഷ​നു​ക​ളി​ലെ​ത്തി​യ​ത്.

ഭൂ​വു​ട​മ​ക​ൾ​ക്കെ​തി​രെ ന​ട​പ​ടി​ക്ക് റെ​യി​ൽ​വേ

ട്രാ​ക്കി​ലേ​ക്ക് മ​ര​ങ്ങ​ൾ വ്യാ​പ​ക​മാ​യി വീ​ണ് ഗ​താ​ഗ​തം ത​ട​സ്സ​പ്പെ​ടു​ന്ന സാ​ഹ​ച​ര്യ​ത്തി​ൽ ഭൂ​വു​ട​മ​ക​ൾ​ക്കെ​തി​രെ ന​ട​പ​ടി സ്വീ​ക​രി​ക്കാ​നൊ​രു​ങ്ങി റെ​യി​ൽ​വേ. അ​പ​ക​ട​ക​ര​മാ​യി നി​ൽ​ക്കു​ന്ന മ​ര​ങ്ങ​ൾ ട്രാ​ക്കു​ക​ളി​ലും ഇ​ല​ക്ട്രി​ക് ലൈ​നു​ക​ളി​ലും പ​തി​ച്ചു​ണ്ടാ​കു​ന്ന സം​ഭ​വ​ങ്ങ​ളി​ൽ ഉ​ട​മ​ക​ളി​ൽ​നി​ന്ന് ന​ഷ്ട​പ​രി​ഹാ​രം ഈ​ടാ​ക്കാ​നാ​ണ് തീ​രു​മാ​നം. ഇ​ത്ത​രം മ​ര​ങ്ങ​ൾ മു​റി​ച്ചു​നീ​ക്ക​ണ​മെ​ന്നാ​വ​ശ്യ​പ്പെ​ട്ടി​ട്ടും ത​യാ​റാ​കാ​ത്ത സാ​ഹ​ച​ര്യ​ത്തി​ലാ​ണ് റെ​യി​ൽ​വേ ന​ട​പ​ടി ക​ടു​പ്പി​ക്കു​ന്ന​ത്. മ​ര​ങ്ങ​ൾ മു​റി​ച്ചു​നീ​ക്കു​ന്ന​തി​ന് അ​ത​ത് ജി​ല്ല ഭ​ര​ണ​കൂ​ട​ങ്ങ​ളു​ടെ സ​ഹാ​യം നേ​ടാ​നും തീ​രു​മാ​നി​ച്ചി​ട്ടു​ണ്ട്.